［古希臘神話］由宇宙渾沌到白銀時代-12主神介紹

lm先

同埋god of war

留名學野

屌好正

有冇古埃及神話？
北歐神、希臘神果啲小學睇過好吸引

細個到依家都好中意睇希臘封神榜

留名支持
細個好鐘意睇神話故事
但人大左就少左睇了

伊俄（Io）

伊俄原本係河神個女，同時都係希拉神殿裡面嘅女祭司。宙斯為咗得到佢所以將佢趕咗出希拉嘅神殿（為咗溝女仲炒埋人 ）之後為咗方便偷情唔比希拉發現就整咗一陣迷霧圍住佢地兩個人。


Correggio, Jupiter and Io
唔知大家見唔見到係迷霧裡面嘅宙斯

但係宙斯啲小巴戲點會呃到希拉，希拉係揾宙斯嘅時候發現地面有一團不知名嘅迷霧，佢飛去睇下嘅時候宙斯急中生智將伊俄變成一隻潔白嘅小母牛。希拉見到有隻小母牛係宙斯身邊大概都估到發生咩事所以就要求宙斯送隻母牛比佢。宙斯冇辦法唯有比咗隻母牛希拉，希拉得到之後將依俄交比擁有一百隻眼嘅阿古斯（Argus）看守唔比佢走甩。阿古斯全身上下一定有一隻眼係開嘅所以宙斯唯有派荷米斯（Hermes）去催眠阿古斯。趁阿古斯完全瞓着之後再斬咗佢個頭落嚟，伊俄先有機會逃走。後來希拉為咗紀念阿古斯，將佢個一百隻眼攞走放去佢嘅聖雀-孔雀嘅尾巴上面。

Peter Paul Rubens, Juno and Argus, 1620

伊俄走甩咗之後一直維持牛形態逃跑因為希拉又放咗隻牛蠅去叮佢。伊俄一直跑越過咗海洋去到埃及，佢向宙斯祈求可以結束佢嘅苦難，最後宙斯唔忍心終於向希拉求情。希拉對住宙斯始終會心軟所以就答應咗比伊俄變返做人型，但係條件係伊俄唔可以再返希臘。後來伊俄變成咗埃及嘅女神lsis（伊西斯）。

Lm 支持

真心覺得香港冇乜資源係關於希臘神話，都係去到外國先發現有咁多source

支持
細個就好中意睇依啲故事

各位絲、巴打好 自己因為由細到大都好鐘意古希臘神話，細個會成日去圖書館借書睇。機緣巧合之下去佐外國讀書發現學校有古文明讀，一直選科都有揀，依加大學準備讀考古 身邊啲朋友話對希臘神話好有興趣所以開po分享下

我地現知嘅希臘神話大部分都係口述相傳，因此有好多唔同講法，所以有機會同你所知嘅有可能會有出入。




首先係講12主神前都要提返少少背景， 相信雅典娜同宙斯個名大家都唔陌生，但係其實佢地只係希臘神話嘅第三代神。係宙斯之前曾經有兩個神王，一個係烏拉諾斯（Uranos ）另一個係克羅諾斯（Cronos）。三位神王全部都係父子關係所以宙斯係名符其實嘅神三代

所有希臘神都係大地女神-蓋亞（Gaea）嘅子孫，當中包括佢自己老公烏拉諾斯都係佢個仔 係希臘神話裡面亂倫係一件好常見嘅事，因為佢地相信近親繁殖先可以保持血脈純種。依種理念去到斯巴達（Spartans）時（大概公元前500年前左右）仲信奉，依個亦都係直接影響斯巴達沒落嘅原因。

首先根據公元前700年前希臘作者赫西俄德的神譜記載,宇宙渾沌時期天地都係冰冷同黑色，所有事物都冇形態，直至蓋亞嘅出現。神譜形容蓋亞為第一創世神，「 在她身上既看到創造，又看到毀滅。既看到秩序，又看到混亂。 黑暗和混亂是她的本質。」




蓋亞其實就係宙斯嘅阿嫲，佢分别生佐三個原始之神，天空之神烏拉諾斯、海洋之神蓬托斯（Pontus）和山脈之神烏瑞亞（Ourea），然後同烏拉諾斯生佐十二个泰坦巨神（Titan),三個獨眼巨人（Cyclops）同三個百臂巨神（Hecatonchires），而所有天神都係佢嘅子孫後代。

泰坦神裡面最出名嘅就係克羅諾斯，亦都係第二代神王，宙斯個老豆。
佢嘅稱謂係農神，掌管農業，佢係泰坦中年紀最細亦都係蓋亞最寵愛嘅泰坦。因為烏拉諾斯嘅妒忌佢不停壓逼擁有完美外表同頭腦嘅泰坦特别係克羅諾斯。烏拉諾斯開始有想殺死晒所有泰坦嘅想法，而且烏拉諾斯愈黎愈獨裁同濫權對蓋亞亦都唔再尊重。 蓋亞不滿烏拉諾斯想剷除佢但係又唔忍心親自落手，最後話泰坦裡面邊個殺佐烏拉諾斯邊個就係下一任神王。克羅諾斯想反抗烏拉諾斯嘅殘忍暴政，而且又受到母親嘅慫恿，之後佢用蓋亞采用大地深處黑岩石所打造鋒利無比，可以弒神嘅神器一把鐮刀閹割咗烏拉諾斯。克羅諾斯將烏拉諾斯嘅生殖器拋到海裡面濺起咗泡沫，泡沬中誕生咗愛神阿芙蘿黛蒂（Aphrodite）係羅馬時期又叫維納斯（Venus）。

烏拉諾斯係死前詛咒克羅諾斯都會好似佢一樣比自己個仔推翻同殺死，因此克羅諾斯非常擔憂。佢掌管世界嘅時期被稱為黃金時代，根據神譜記載當時係世界上最幸褔嘅年代。但係因為烏拉諾斯嘅詛咒佢好怕有小朋友，所以每當佢嘅神后瑞亞（Rhea）生佐一個小朋友佢就食佐佢。瑞亞對此非常不滿，所以係生第六個小朋友（宙斯 Zeus）嘅時候將佢同一塊石頭掉包。宙斯被托管去克羅諾斯嘅家姐照顧，到佢成為一個壯健嘅青年再話佢知身世。宙斯去佐問擁有無比智慧同預知能力嘅女泰坦美狄絲（Metis）推翻克羅諾斯嘅方法。美狄絲比佐一樽催吐催眠嘅藥水宙斯,聯合母親宙斯將藥水混入克羅諾斯嘅酒裡面。昏迷後克羅諾斯將肚裡面個五個小朋友嘔返出嚟，分别係農業豐收女神-狄蜜特（Demeter ）， 婚姻、家庭女神-希拉（Hera）， 冥界神-哈帝斯（Hades），海神- 波塞冬（Poseidon）
宙斯同其他兄弟姊妹合力將克羅諾斯撕成碎片並將佢扔到塔耳塔諾斯地獄。

其他神一致推舉宙斯成為新一代神王，宙斯、波塞冬同哈帝斯抽籤劃分領域。宙斯抽到天空，波塞冬抽到海洋而哈帝斯抽到冥界。都有傳說話係宙斯和波塞冬出老千所以搞到哈帝斯抽到冥界

總之最後由宙斯統領嘅白銀時代正式開啟


下一篇會開始正式介紹宙斯生平同佢嘅淫亂史 有興趣嘅留個名比個正皮G持下

个你老母

講完宙斯就差唔多可以講下阿波羅

我係玩戰神先對希臘神話有興趣 睇左波西傑克森開始鍾意波賽頓 想睇多啲佢啲故事 本身英文廢 想知多啲故事都唔知係邊到搵 最多都係睇下維基百科

見到我成篇打錯個一粒字唔洗咁興奮嘅
btw 多謝巴打提點 下次打字會小心

聽神話好撚正

LM

留名G持

想睇埋埃及

lm

圖文並茂好高汁

Lm

LM
利申:我都喺外國讀緊greek mythology

我記得細個係圖書館搵到本係用漫畫形式既神話故事，幾好睇，但已經唔記得乜名
一直覺得希臘神話好吸引，但又無從入手，記名都記到傻 不過最主要同出名個啲都識同埋記得啲故事既
一起身就見到你依個post 搞到我又想睇波西傑克森

細個又因為希臘神話同星座有關睇得好開心
我記得小熊座同大熊座個故幾慘，樓主會唔會講下星座既故事啊
支持樓主出多啲文，同埋講下變形記