如果唔係英雄嘅故事可能要好耐先打到 Jason與金羊毛嘅故事
我曾經睇過一段關於金羊毛故事嘅評價話，前半段係喜劇，後半段係悲劇。
金羊毛嘅故事主角Jason 並冇咩顯赫嘅背景，雖然佢假假地都係王子但係同阿基里斯（Achilles）或者海格力斯（Hercules）依啲直系半神半人好唔同。不過Jason嘅母系家族就好似係同荷米斯（Hermes）有少少關係。 其實Jason嘅背景同獅子王有啲似，Jason嘅父王比自己嘅細佬Pelias篡位，最後Jason唯有逃走。半人半馬嘅Chiron（即係波西 傑克森裡面個半人馬）收留咗Jason並將佢訓練成為英雄。Chiron係希臘神話中嘅第一名師，訓練過唔少出色嘅英雄，最優秀例子-海格力斯（有Hercules咁樣嘅學生真係可以用佢個名打一世飛機
(用住Chiron同海格力斯張圖先）
後來學成嘅Jason諗住返去報仇，途中遇到個老婆婆要過河。Jason諗都唔諗就揹咗個阿婆過河仲整甩埋對鞋。過咗岸阿婆話多謝晒後生仔，如果有人問你黎做咩你就答佢你係黎揾金羊毛。Jason雖然覺得個阿婆九唔搭八但係都係好有禮貌咁話好，當Jason一走個老婆婆就搖身一變，變成咗一位美麗嘅女神。你以為係雅典娜？太天真了少年
係希拉，竟然係希拉
Jason係希拉最寵愛嘅英雄因為佢唔係半神半人，所以係金毛羊嘅過程中得到希拉全程護航。Jason返到去故鄉，因為佢生得靚仔、氣度非凡，風度翩翩而且一身正氣（睇過有人將Jason同楊過做比較）大家都覺得依個少年將來一定係帝王般的人物。Pelias知道有個咁嘅少年即刻打聽，發現Jason只係著得一隻鞋就更加震驚。算命師曾經講過「有一個穿一隻鞋嘅年輕人會讓你死亡」，Pelias仔細打量咗一下Jason發現就係自己害死嘅哥哥個仔！
Pelias小心翼翼咁問Jason黎依到做咩，Jason覺得個問題好奇怪但係又諗起個老婆婆講嘅野所以答佢係黎尋找金羊毛。金羊毛係古希臘係權力嘅象徵（想像下係和氐玉個種傳國玉璽，得玉璽得天下嘅概念）原本想殺咗Jason嘅Pelias決定利用Jason去得到金羊毛。Pelias同Jason講如果佢揾到金羊毛就將王位傳比佢。為咗加快速度Pelias起咗一艘船名叫亞果號（Argos），Jason 亦都開始招兵買馬收集各路人才甚至包括海格力斯！
佢地由Jason故鄉愛奧克斯（Lolcos）出發，目的地就係柯爾基斯（Colchis）
想聽多d
盡量用寫故仔嘅形式寫希望大家唔好介意
俾人姦都要俾人罰
