［古希臘神話］由宇宙渾沌到白銀時代-12主神介紹

波賽頓

十二試煉唔係個皇帝特登為難佢咩

睇返好似係Hera藉神諭用個國王畀十項試煉，個國王之後再自己加多咗兩樣

不過話分兩頭，人物設定上Hercules一出世就殺咗hera派去咬死佢嘅毒蛇，加埋十二試煉同埋Argo嘅事蹟都係好傳奇

但係Ares輸咗畀個妹就走去同Zeus告狀，戰神？

戰神？on9仔嚟

真
睇好多書都話佢只係鍾意打打殺殺，見邊度打仗就會帶埋成家一齊去見人就殺。

佢嘅神力係用喺主導戰爭嘅勝利，而唔係用嚟打交，所以我諗佢本體打交唔係好勁，尤其一對一嘅情況

加上戰神呢個title唔止佢一個有，證明呢個title都唔代表啲乜

啱啊講好打其實分分鐘阿波羅仲有用過佢
好多人形容阿瑞斯就係一個靚仔嘅二世祖，得個名但係冇乜作為

終於追曬啦 希望樓主出多幾個post
可以比我了解更多神
睇完之後好有衝動買幾本書返嚟了解羅馬歷史

留名

支持下高質

佢最出名就係同愛神偷情囉，生咗eros
不過愛神都係公廁嚟，佢老公火神成頭綠帽笠到落腳趾尾

其實希臘戰神同北歐戰神提爾一樣，都係無咩重大戰績去襯托佢哋個名號。

不過係伊利昂記到好似講火神後尾都有咗第二個老婆，所以有可能後尾係離咗婚

插過嘴
北歐同希臘我唔知
日本同希臘有啲好接近

好好睇 一直都對希臘神話有興趣

Tyr唔係話有好多資料失傳咗咩

我都聽過呢個，所以覺得雅典娜有d小器

追咗咁耐post 嗰幾位女神都近乎係閪女人級別

做神真係好
做咁多仆街野都唔洗落冥界咁

波賽冬（Poseidon）



波賽冬係海洋之神，宙斯個阿哥，十二主神之一。佢嘅形象大多數係一個野性嘅中年男性，手拎住三叉戟。

（其實真係有啲似）

波賽冬除咗係海洋之神，佢仲係風暴、地震同馬嘅守護神。波賽冬都係古希臘神話裡面最容易暴怒嘅神，原因係因為古代人都將地震、海嘯等天然災禍當係神嘅憤怒。古希臘同日本地理有啲似都係經常受到地震嘅災害，所以係古希臘人眼中波賽冬嘅脾氣非常之差

如果大家睇完宙斯嘅介紹，覺得冇人可以比得上佢咁花心咁就錯啦。一山還有一山高，講花心多囡，宙斯都唔敢認第一。同波賽冬有關嘅情人最著名嘅係豐收女神狄蜜特（Demeter）, 波賽冬嘅合法妻子海后安菲特里特（Amphitrite）

仲有一定唔會少得愛神阿芙蘿黛蒂（Aphrodite）

仲有之前提過嘅美杜莎（Medusa）


同波賽冬有關嘅仙子就更加係數唔晒而波賽冬都同樣有男性愛人。例如海螺之神Nerites，有傳同阿基里斯（Achilles）個基友Patroclus都曾經有一段情不過只係傳說，我揾唔到有source講關於兩個人嘅愛情故事可能遲啲揾到再詳細講

波賽冬都好出名記仇，例如同奧德修斯（Odysseus）嘅仇恨搞到人地十年返唔到屋企，同雅典娜爭雅典輸咗之後報復佢地，同希拉爭屬地輸咗又報復等等故事又係數之不盡。不過因為自然環境嘅關係波賽冬依然好受平民尊敬因為佢係漁民嘅守護者，出海前都要向波賽冬尋求保佑（其實感覺有少少似以前啲人拜天后咁）。

出post la

樓上不如試下唔好quote晒成段

仲係波西傑克森個老豆

Lm