［古希臘神話］由宇宙渾沌到白銀時代-12主神介紹

點解全部故事人物都有個咁希臘既名
唯獨Jason呢個名咁英/美式？

咁蓋亞又係由邊個創造出嚟？點解佢創造完世界，人，同神就無晒聲氣

全部神都有永生點解仲會被殺死？
被殺死完又再有好多人供奉同信仰係咪又唔洗死呢？

我睇戲Gardiens講北歐神話 都係咁；人類唔再信佢地既話，佢地既能力就會越黎越低；反之，就會越黎越勁，例如係主角Jack Frost

其實Jason原名係lason不過經過好多年傳譯後來變咗廣為人知嘅Jason

有d說法話耶穌唔係咁
例如喺聖殿用武力驅趕過人（大約係咁，唔係好記得）
唔係淨係咩都講大愛包容無脾氣
將耶穌收成咁係教會
方便統治

有傳說話蓋亞係Chaos創造出黎，都有人話佢係宇宙渾沌當中產生出黎，其實個理論同宇宙大爆炸產生地球有啲相似

佢唔再理世事嘅原因有機會係佢不滿宙斯成為咗神王（因為蓋亞係支持克羅諾斯）
神好少會被殺死，就算係克羅諾斯都係被困咗係塔耳搭諾斯地獄。關於烏拉諾斯神譜都冇好詳細記載佢係被切下生殖器之後係神隱咗定係死咗

至於最後個問題暫時我冇聽過有邊個神係喺神話被殺死然後繼續被人信仰，所以我都唔可以肯定答你

阿芙蘿黛蒂（Aphrodite）唔係美神咩？

宙斯有個gay故係水瓶座嘅故事所以我諗住留返寫星座嘅時候先出 不過其實都唔算好gay

其實古希臘神話中好出名嘅基故係伊利昂記裡面有寫過，關於阿基里斯同（Achilles）同Patroclus Gay 情 現代小說家Madeline Miller 嘅Song of Achilles就係講佢地嘅情史，有興趣我遲啲做多少少research再寫

愛與美之神

我以前都有讀過依個章節
St Mark Gospel裡面嘅Cleansing the Temple
但係睇到個下係有少少衝擊，始終由細到大接觸耶穌嘅形象都係大愛同包容
不過其實耶穌當時驅趕嘅係喺聖殿裡面嘅小販，所以睇到嘅時候有一種平民打工賺錢應該體諒下唔需要用暴力嘅感覺

咁多地方係要喺聖殿擺檔
畀人趕都合情合理啦
至於你內心嘅衝突係教會二千年嚟嘅成果

有時因為依類資料唔係好多人會翻譯所以中文會少嘅資源，英文就會多啲 而且英文翻譯冇咁容易lost in translation

我個名唔知邊個改，都係其中一個女神嘅名嘅另類寫法（正寫好似係Kharis），我老豆老母又冇理由識呢啲，明明佢地拜佛信觀音 英文名就得個個字冇中譯嘅英文名，成日填form都比人話填全名喎，之後唯有show ID

嘩 你改埋身分證添啊，我冇咁勁

雖然唔係我揀不過我都幾鐘意個名嘅 雖然有9成人唔識讀，唔識串，同埋我男人老狗改個女神名真係怪怪地，好似近年變左中性名

樓主有機會講下我個神 wiki中文冇乜料，唔想睇英文

樓主好用心同有耐性
睇得好舒服

但樓主可唔可以講下哈帝斯同波賽頓既事呀

正寫唔係charis咩 我個名都係希臘小鬼名黎
好多人都讀唔岩 我都冇乜所謂
係好難得有次有個同事見到我個名問都未問我點讀就問係咪希臘名黎
個下係幾開心

講完金羊毛嘅故事依加就講返阿波羅啲情人

月桂樹達芙妮（Daphne）


依個係阿波羅最著名嘅愛情故事，達芙妮（Daphne）係英文聽講「阿波羅的最愛」嘅意思。根據神話傳說達芙妮係阿波羅嘅初戀，佢所化成嘅月桂樹亦都成為咗阿波羅最著名嘅象徵之一。

達芙妮係河神Peneus個女，係一個性格自由奔放，活潑好動嘅精靈。佢嘅熱情奔放同美麗嘅外表吸引咗阿波羅嘅注目，佢開始追求達芙妮。達芙妮雖然未到終身不嫁但係年輕嘅精靈對於愛情不屑一顧根本就冇戀愛嘅意欲。

有一日阿波羅遇到Eros （Cupid)，因為身為愛與情慾之神嘅Eros都係一位射手，兩個人討論起黎。但係阿波羅又好死唔死就去話Eros枝弓細（男人好忌咖嘛 ）然後又話Eros嘅箭無害，傷害唔到人。唔服氣嘅Eros決定話比阿波羅知佢嘅箭遠比實體傷人嘅箭更傷人。Eros除咗有令人墮入情網嘅金箭，仲有令人絕情絕慾嘅銀箭。佢將金箭射向阿波羅然後又將銀箭射向達芙妮。




從此阿波羅幾乎陷入瘋狂同痴愛，對住達芙妮窮追不捨。但係中咗銀箭嘅達芙妮對阿波羅愈黎愈厭惡，完全斷情斷慾嘅達芙妮只係專注於狩獵同自由嘅森林生活。甚至有想加入阿蒂蜜絲嘅貞女隊嘅意欲。

就係咁，佢地兩個人注定係愈走愈遠。

因為太想得到達芙妮嘅愛，阿波羅開始係森林追逐住達芙妮。佢地一前一後咁係森林裡面追逐，但係達芙妮又點會夠阿波羅跑所以好快就被追上。寧死不屈又絕望嘅達芙妮向自己嘅父親求救，河神潘尼亞斯(Peneus)忍住心痛答應咗達芙妮最後嘅要求。

「無論我去到天涯海角都唔會逃離到阿波羅嘅追求，所以父親，請你將我變成樹，令阿波羅永遠都不能得到我。」（自譯）

一瞬間達芙妮嘅手腳變成樹根同樹枝，柔軟嘅頭髪變成樹葉而精緻堅韌嘅臉亦都係同父親作最後一次告别流下一滴眼淚後陷入咗樹皮裡面。




阿波羅眼見咁樣都阻止唔到，有啲事係連神都無能為力。達芙妮作為一棵月桂樹依然深受阿波羅嘅寵愛，佢摘下咗月桂樹嘅樹葉編織成月桂冠戴係頭上並宣報月桂樹為太陽神嘅聖樹。

每當阿波羅見到月桂樹（Laurus）都會諗起第一次見到達芙妮嘅時候，自由奔放又熱情，無拘無束嘅佢。正正係自己嘅痴戀逼到達芙妮上絕路，甚至係永遠失去自由。每當諗起依到阿波羅就極其內疚同自責。



係後來嘅西方社會月桂冠成為咗勝利者嘅象徵，係奧運勝利者都會載上月桂冠。

可以啊 見咁多想知冥王諗住寫完阿波羅寫冥王

我遲啲望望

唔清楚 讀音上C同K可以係通 不過香港唔見有人用K