總結一下冥王先,根據
神譜哈帝斯本身就係一個比較黑暗,不理世事嘅人,所以分到冥界都係幾適合佢嘅。
佢係宙斯嘅阿哥,波賽冬嘅兄弟,佢地三個三分天下嘅時候用最原始嘅方法抽籤黎決定。最後哈帝斯就拿到屬於佢嘅冥界,而且其實哈帝斯並唔係十二主神黎因為佢並唔係奧林匹克。
係古希臘哈帝斯並不係壞嘅神,佢係一個正直、正義同嚴肅嘅神。正因為咁所大多數人類都好敬畏哈帝斯,關於哈帝斯嘅桃色神話亦都相較少。再加上根據古老神話哈帝斯並不能生育,所以就會少咗好似之前提過宙斯嘅情況,個個都話自己係宙斯嘅後裔。因為好少人會話我係哈帝斯個仔咁樣
係希臘神話黎講哈帝斯都算得上係痴情種,除咗
薄荷(Minthe)勉强算係偷情之外,泊瑟芬係冥后而
琉刻(Leuce)就係泊瑟芬之前嘅情人仲要死咗。而哈帝斯都將白楊樹封為自己嘅聖樹,所以哈帝斯都算得上係難得一見嘅痴情希臘神。
而且哈帝斯係基本上最有錢嘅希臘神,雖然錢財對佢地黎講冇乜用不過根據傳說所有地下嘅財產都係佢嘅。即係包括寶石、金礦等等,而且亡者嘅財產都歸佢所有所以自然就係最有錢嘅希臘神。
哈帝斯就咁告一段落先啦,再有興趣可以留言問下
下一個神應該會講大家都提得多嘅波賽冬
多謝大家支持