［古希臘神話］由宇宙渾沌到白銀時代-12主神介紹

我都幾肯定以前明珠台有播過
但都唔知點解冇人識

講開又有啲印象!好似有睇過

美杜莎（Medusa）

Medusa嘅故事同Scylla有啲似，都係由靚女然後比人變咗做怪物。

最盛傳而且為人熟悉嘅版本係赫西俄德神譜（Theology）嘅版本，波賽冬被擁有一頭金髮嘅Medusa吸引因而同渡咗一晩（係古希臘金髮其實係幾罕有，因為近地中海個面嘅人種好多都係深色頭髪，神話記載嘅波賽冬就係黑髮）但係冇提到係邊個將佢變成怪物，有可能係Amphitrite （海后）都有可能係雅典娜。

而另一個版本就係，Medusa曾經係雅典娜嘅女祭司，佢亦都好深得雅典娜嘅寵信。Medusa天生麗質但係對男人冇興趣所以好專注成為女祭司，係佢進入神廟嘅時候曾經宣誓會一世保持童貞服待雅典娜。但係依位無辜嘅少女就係咁被波賽冬睇上咗，除咗睇中咗Medusa嘅美貌外波賽冬仲有一個私人理由。就係佢同雅典娜爭雅典嘅時候輸咗，一直都好唔服氣，所以決定係佢嘅神殿裡面強姦佢嘅女祭司黎侮辱佢。



雅典娜知道咗之後梗係好嬲，佢除咗驅逐咗Medusa出神殿外仲對佢落咗詛咒，將佢美麗嘅秀髮變成毒蛇，任何望到佢雙眼嘅人都會變成石頭。 Medusa冇地方去諗住返去揾佢嘅老豆，個陣時嘅Medusa心理都仲未扭曲，佢只係想受到人嘅接納。但係佢嘅老豆唔單只唔要佢，仲嫌棄佢同趕佢走，心灰意冷嘅Medusa去到Libya附近嘅山洞，同其他兩個Gorgon姊妹一齊住，成為咗名副其實嘅海妖。佢地三姊妹當中只有Medusa嘅頭髪係蛇，因為受到雅典娜嘅詛咒，但係Gorgon依種怪物就係本身就有。其他兩位Gorgon分别叫Sthenno同Euryale，佢地同Medusa唔同嘅地方係，佢地都係永生只有Medusa係血肉之軀。依個都係點解柏修斯會選擇Medusa黎殺。


有人對雅典娜嘅行為作兩種揣測，一係本身雅典娜對Medusa嘅美貌就有啲妒忌，所以趁機下咒，而且雅典娜係偏向男性主義因此冇向波賽冬報復反而懲罰Medusa。第二種就係波賽冬始終係宙斯嘅阿哥，十二主神之一所以雅典娜都冇辦法。而可憐嘅Medusa就成為咗兩位神嘅洩憤工具。

根據古希臘神話書庫（Bibliotheca）嘅作者Apollodorus嘅描述，Medusa嘅外貌係擁有住纏著毒蛇嘅頭，好似野豬一樣嘅獠牙，青銅咁嘅手爪同埋一對金色嘅翅膀。任何直望美杜莎雙眼的人都會變成石像。


仲有一個version就係之前有絲打提過，係源自奧德維（Ovid）Medusa曾經係波賽冬嘅愛人，但係因為佢過於自傲自己嘅樣貌同頭髪，講咗對雅典娜不敬嘅說話因而得罪咗佢。（曾經有學家研究雅典娜有可能係個黑人，咁佢妒忌Medusa嘅金髮都算幾合理）對依個理論有興趣可以上網打Black Athena睇下，不過我遲啲介紹雅典娜嘅時候都會詳細講下

推

邪典娜係黑人?

有一個學家嘅推測

唔知點解由細到大都對medusa有情意結 可能因為係第一個聽嘅希臘神話 其實佢好無辜

最慘係佢嘅神格係婚姻女神所以佢自己係唔會出軌依個都係佢特别眷顧Jason嘅原因，因為佢唔係任何一個神嘅私生仔更加唔係佢老豆個私生仔但係同樣地，當Jason拋棄咗Medea 嘅時候佢都厭惡咗Jason

咪係，宙斯真係正賤男

仲有希拉話就係婚姻女神，但我淨係見佢不斷去周到佢老公去滾，然後希拉就鍥而不捨咁去害d外遇搞到佢地仆哂街雞毛鴨血，婚姻一d都唔和睦

我上年份論文就係講希拉
其實係關佢能力問題事 希拉雖然係宙斯老婆 但係佢係冇能力懲罰Olympus 既一國之君 所以佢只可以搞鳩同佢偷情既女人洩憤 同時亦係對宙斯既警告（聽唔聽就一回事啦）

仲有就係婚姻係古希臘究竟係咪一定等於忠誠同幸福？ 希拉雖然係婚姻同女性之神， 但佢唔可以保證婚姻既忠誠 因為古希臘係冇呢個觀念 就算男人出去滾都唔去影響佢啲乜

題外話 希拉佢其實好夠pop同宙斯討價還價 希拉知道左宙斯生左Athena之後嬲到震 於是求gaia 俾佢自己生件typhon 出黎然後教佢推翻宙斯

可能古希臘嘅婚姻冇忠誠嘅概念啦，但如果真係外遇唔影響婚姻佢唔使咁嬲，會好似d宮鬥劇個皇后咁處之泰然。同埋我覺得婚姻唔係取決於佢有冇權力懲罰個老公，個老公先會唔會去滾。個老公係尊重你愛你嘅就唔會做令你唔開心到發哂癲嘅事。

因為希拉係主宰婚姻女神，其實應該呈現自己婚姻點成功㗎嘛。除咗佢係天帝老婆，有相應權力之外，佢嘅表現係佢無能力令自己婚姻和睦，淨係見到佢多番盛怒去搞尻佢老公d外遇同私生子，生活享不斷嘅妒嫉之下好辛苦咁。

不過d天神嘅故仔，以而家現代角度來睇好多都好荒謬。例如成班天神都係老襟咁七國咁亂又亂倫又盛都冇嘢，交配無邊界

諗吓個老公完全唔尊重你但日日走去沾花惹草你仲可以心平氣和？[/quote]最慘係佢嘅神格係婚姻女神所以佢自己係唔會出軌依個都係佢特别眷顧Jason嘅原因，因為佢唔係任何一個神嘅私生仔更加唔係佢老公個私生仔但係同樣地，當Jason拋棄咗Medea 嘅時候佢都厭惡咗Jason[/quote]

其實神格係點定?一出世就係?但又可以同父母好唔同?

以我所知就冇一個規定話神格係點黎，有啲神係天生就有個種能力有啲係分配上好似泊瑟芬，有啲人話天生就係鮮花女神因為佢係狄蜜特個女，但係都有人話佢係冇一個特定神格，純粹係跟住阿媽

通常minor God嘅神格會同父母有關但唔一定相同

無知嘅我啱啱先發現原來好多十二主神嘅拉丁名係同九大行星一樣

之前同朋友傾希臘神話, 最後得出一句對主要流傳既神話既簡介 : 宙斯與他的後宮們的愛恨情仇

絲打對蘇美文明了唔了解？可唔可以講下？
睇左呢條片，講蘇美文明歷史好長，
而且仲記錄左大洪水之前既皇都幾萬歲命，
第一代皇仲係從天而嚟，由一個叫尼比魯行星嚟，個行星喺木星同火星之間，有人懷疑木星附近既小行星帶就係碎左既尼比魯星。
https://youtu.be/Mw-bAl2Tlm0

巴打識野老高啲片好正！！！佢有一個video係話地球係外星人嘅監獄，個個好好睇不過我對蘇美文明就真係冇乜了解 可能都要睇下

樓主可唔可以講吓呢位學家嘅推測係點樣得出嚟？唔該
Btw呢個po好正，樓主加油！

我都好鐘意希臘神話
最開始接觸應該係星矢
跟住大啲就自己上網睇下，法國宙斯好淫亂
然後星矢g 知道左泰坦神族既存在（好好睇，睇凡人對抗古代神祗 ）
同埋宙斯好似都有比佢老竇咒佢會被自己個仔推翻
（所以god of war 先有泰坦幫光頭佬推翻宙斯）

btw,大左先知雅典娜都唔係咩好人黎
妒嫉美社莎靚就玩到佢成頭蛇

有睇 就係最新嗰條
最近fd介紹睇 係咁追晒佢以前既片 超正

樓主可以做個朋友嗎？
依家先睇曬你個post
呢啲神話故事的確好吸引
https://t.me/No8z5571

支持樓主

正 超鐘意

戈爾貢三姊妹仲有無咩特別？其餘兩個好似無乜聽過佢地嘅野