［古希臘神話］由宇宙渾沌到白銀時代-12主神介紹

加速

我係睇percy jackson先識得波塞冬

支持

首先好多人對於波賽冬嘅認識都係黎至PJ啦，我本身都唔算太熟波賽冬，都算係PJ加深咗我對波賽冬嘅認識。


係PJ裡面波賽冬嘅人設係深情，一個好關心個仔好愛自己老婆嘅神。個人認為Rick Riordan係美化咗希臘神，真正嘅希臘神話當中波賽冬除咗係一個幾小氣嘅神之外，佢亦都係十分之多情對比於宙斯直情係過之而無不及。唯一一樣相似就係可能佢都幾錫個仔係奧德賽遊記(The Odyssey）當中奧德修斯（Odysseus）被波賽冬詛咒嘅原因就係因為奧德修斯插盲咗佢個仔，獨眼巨人波呂斐摩斯（Polyphemus）。盛怒嘅波賽冬詛咒奧德修斯,根據佢個仔Polyphemus嘅祈求，奧德修斯將會失去晒佢所有嘅船員同朋友，並且永遠返唔到屋企。

“Odysseus, sackers of cities...who make his way home in Ithaca may never reach that home...let him come late, in bad cases, lost all his companions, in someone else's ship and find troubles in his household..."-(Homer, The Odyssey）

就係咁奧德修斯係海上漂流咗十年，再加上特洛依戰爭個十年，佢總共離開咗新婚老婆同啱啱出世嘅仔二十年真係人生有幾多個二十年而且Polyphemus所講嘅事全部都成真咗……

不過奧德修斯嘅故事我留返遲啲詳細講，依加就講返波賽冬嘅情史先

狄蜜特（Demeter）



之前有提過狄蜜特個女冥后泊瑟芬（Persephone）被冥王拐走嘅時候狄蜜特幾乎反轉咗地面世界去揾佢。佢冇為意波賽冬趁住依個時候對佢打咗壞主意，佢一直尾隨咗狄蜜特。最終都係比狄蜜特發現咗，狄蜜特變成咗一隻馬想逃離波賽冬嘅侵犯。點知波賽冬都變成一隻身材壯碩嘅馬，然後追上咗狄蜜特。狄蜜特反抗無果就被逼用馬嘅形態同波賽冬交合（佢同宙斯真係兩兄弟）最後狄蜜特誕下咗神馬阿里翁（Arion）,佢最著名嘅就係佢嘅速度。最早記載阿里翁嘅係古詩人荷馬，係伊利昂記（The Iliad ）提到，
"... there is no man that shall catch thee by a burst of speed, neither pass thee by, ... Arion, the swift horse of Adrastus ...”-（Homer Iliad）

狄蜜特仲生咗個女，有人稱佢係豐收或者生育能力嘅女神（Goddess of Fertility）叫Desponia

Desponia亦都有情婦（Mistress）嘅意思。佢同佢阿媽狄蜜特同家姐泊瑟芬都係古希臘一個宗教秘儀嘅central figure而佢嘅真名只有信徒先會知道。依個秘儀叫Eleusinian Mysteries，關於佢嘅資料好多都係黎至古代陶藝嘅描繪，不過佢嘅祟拜內式同儀式過程依然係完全保密，只有信徒先會知道。某程度上其實都幾似邪教

如果有興趣嘅可以遲啲講狄蜜特嘅時候詳細講

繼續push

支持支持
好鍾意睇希臘神話

支持

安菲特里特（Amphitrite）



波賽冬嘅正妻，名正言順海后Amphitrite佢嘅代表物有海豚、魚類同海獅。Amphitrite係邊個？佢又係邊到黎？相信好多對希臘神話唔係太了解嘅人都會有依個疑問，明明宙斯同哈帝斯嘅老婆都咁出名，點解偏偏波賽冬嘅老婆好似冇乜人知咁呢？

係古希臘傳說中，係海琴海（Aegean Sea）嘅深處住咗一批海仙女/海女神，佢地會係暴風雨嘅時候幫助海員。其實佢地都係Nereus嘅女。Nereus依個名可能有啲陌生，但係佢嘅外號都幾出名，就係Old man of the sea（海的老人）。係古希臘Old Man 亦都有賢者嘅意思，佢地相信知識係從年齡同經歷得返黎嘅。（冇記錯Nereus依個角色係PJ第三集都有出現，係一位無所不知嘅老人）而Nereus嘅父母有傳係蓋亞（Gaea）同潘托斯（Pontos）或者係泰坦Oceanus嘅仔。Amphitrite嘅阿媽就係Nereus嘅家姐/阿妹Doris（係啊又係近親我諗大家都睇慣）總共生咗50個仙女，總稱Nereids（仲生咩足球隊，人地幾乎一隊軍隊）而Amphitrite就係Nereids嘅其中一員，亦都係著名嘅美女。

係大部份嘅畫像中，Amphitrite都係坐係一個貝殻做嘅王座上面，面容温柔。


Amphitrite同波賽冬相識嘅經過係由愛琴海上嘅納克索斯島（Naxos）開始。某一日Amphitrite同一眾海仙女係島上面跳舞，咁啱就被經過嘅波賽冬見到。當波賽冬見到Amphitrite之後對佢一見鐘情（一見鐘情依個字係希臘神話真係變到好濫），並且決定要娶Amphitrite做佢嘅海后。

但係就好似大部份仙女同女神，其實佢地對於男神都唔係咁鐘意佢更加唔想為咗波賽冬嘅求婚放棄自己海聖女嘅身份同自由，所以佢拒絕咗波賽冬嘅求婚並且匿埋係阿爾特山（Altas Mountain）。

Amphitrite嘅拒絕阻止唔到波賽冬嘅決心，波賽冬召喚咗老友Dolphinus（一睇個名就知係海豚王）去幫手。Dolphinus揾到Amphitrite然後勸服佢，話Amphitrite穩重嘅性格同波賽冬狂野衝動嘅性格能夠互相制衡。係海裡面一齊生活一定會好幸褔和諧，而Amphitrite就係聽從咗Dolphinus嘅花言巧語答應咗波賽冬嘅求婚。



當然諗都諗到波賽冬一得到咗Amphitrite就即刻露本性，又出去溝女食女而Amphitrite因為海洋女神温柔嘅本性亦都一再忍耐。唯一令佢接受唔到嘅係波賽冬嘅其中一個情人Scylla。波賽冬對於美麗嘅海仙女Scylla嘅執着令到Amphitrite非常之妒忌同憤怒，所以佢趁Scylla 唔為意嘅時候倒咗啲魔法藥草落佢嘅浴裡面。從此，美麗嘅Scylla就變成咗古希臘神話最恐怖嘅怪物之一，擁有十二隻手腳同六個口嘅怪物。係奧德賽遊記（The Odyssey）中都有記載過，

“Right in her doorway she ate them up. They were screaming and reaching out their hands to me in this horrid encounter.”-（Homer, The Odyssey）



另外題外話因為Dolphinus幫到波賽冬追到女所以將佢送上天變成咗海豚座。有啲相信有22星座嘅人相信海豚座都係其中一個星座，生日係1月29至2月8號。

又真係冇聽過海后，做得佢地正妻都好似預咗個老公繼續開後宮食女。

d天神姦淫擄掠咩都做齊，個關係圖亂到唔識畫tvb都拍唔出

講星座可唔可以12同22一齊講

[/quote]咪係，宙斯真係正賤男

仲有希拉話就係婚姻女神，但我淨係見佢不斷去周到佢老公去滾，然後希拉就鍥而不捨咁去害d外遇搞到佢地仆哂街雞毛鴨血，婚姻一d都唔和睦[/quote]

我上年份論文就係講希拉
其實係關佢能力問題事 希拉雖然係宙斯老婆 但係佢係冇能力懲罰Olympus 既一國之君 所以佢只可以搞鳩同佢偷情既女人洩憤 同時亦係對宙斯既警告（聽唔聽就一回事啦）

仲有就係婚姻係古希臘究竟係咪一定等於忠誠同幸福？ 希拉雖然係婚姻同女性之神， 但佢唔可以保證婚姻既忠誠 因為古希臘係冇呢個觀念 就算男人出去滾都唔去影響佢啲乜

題外話 希拉佢其實好夠pop同宙斯討價還價 希拉知道左宙斯生左Athena之後嬲到震 於是求gaia 俾佢自己生件typhon 出黎然後教佢推翻宙斯

可能古希臘嘅婚姻冇忠誠嘅概念啦，但如果真係外遇唔影響婚姻佢唔使咁嬲，會好似d宮鬥劇個皇后咁處之泰然。同埋我覺得婚姻唔係取決於佢有冇權力懲罰個老公，個老公先會唔會去滾。個老公係尊重你愛你嘅就唔會做令你唔開心到發哂癲嘅事。

因為希拉係主宰婚姻女神，其實應該呈現自己婚姻點成功㗎嘛。除咗佢係天帝老婆，有相應權力之外，佢嘅表現係佢無能力令自己婚姻和睦，淨係見到佢多番盛怒去搞尻佢老公d外遇同私生子，生活享不斷嘅妒嫉之下好辛苦咁。

不過d天神嘅故仔，以而家現代角度來睇好多都好荒謬。例如成班天神都係老襟咁七國咁亂又亂倫又盛都冇嘢，交配無邊界

有一樣漏咗講就係Amphitrite雖然唔出名，但係佢同波賽冬個仔大家可能會有印象啲。佢就係 Triton，佢同時都係Altantis
嘅國王。


如果都係唔太熟請睇下圖

冇錯 佢就係Ariel 個老豆所以話Poseidon係Ariel 阿爺

仲有Triton都有係DC漫畫Aquaman水行者裡面出現，係導致Altantis下沉嘅國王

現代婚姻關係的確應該係咁
不過唔好忘係古希臘時代 成功既婚姻只係等於有仔生同fulfill生為女人既責任而已

亞特蘭蒂斯又同希臘神畫有關？

有啲人相信Altantis係Triton嘅領地，而Triton的確係希臘神話嘅角色冇記錯Plato都有曾經講過關於Altantis嘅事，所以同希臘神話有關都唔出奇

我有聽講過亞特蘭提斯係出自柏拉圖口中
話佢呀爺（好似係）講過有咁嘅地方
定還是係本身神話入面就有提及亞特蘭提斯？

細個好中意睇迪士尼套亞特蘭提斯，不過好似無乜人識

其實亞特蘭蒂斯係屬於神秘學定係歷史可以考究到

套戲好好睇不過唔知點解唔出名

同fd講都無人識

我細個鍾意睇冒險少女娜汀亞多d
雖然唔係好關事

終於live
最鍾意睇神話

話說想問下
海格力斯叫Hercules又叫Heracles
點解嘅

Heracles 係希臘神
Hercules 係佢羅馬神既名

好似希臘既Eros 即係羅馬既Cupid