［古希臘神話］由宇宙渾沌到白銀時代-12主神介紹

Kharis個名幾好聽 都幾中性其實

咁有冇記載過有人想對抗神唔係靠打 係唔供奉佢地等佢地消失 定d人一直信神/唔敢咁做 因為神一知道就會懲訓佢地

耶教好似有
不過唔係想對抗，而係受完恩惠太過安逸唔再依靠神，開始唔尊重神，結果比神懲罰
好似係，細節唔清楚

正 多謝樓主咁有心機

等緊樓主更新

最高質post

好9 sad

正呀

美狄雅心諗，送到上門仲唔好好利用下？所以就用羊示範咗一次，首先將Pelias殺死再剁碎，整成一碗魔藥然後落啲草藥就可以回復青春。Pelias啲女見到羊嘅示範咁成功所以相信咗佢，並且返去殺咗自己老豆

唔係好睇得明，即係第一次美狄雅用羊做示範個時已經殺死Pelias一次? Pelias又會願意俾佢殺黎做示範?碗魔藥的材料包括剁碎左的Pelias，咁係點復活Pelias?

應該美狄雅剁碎隻羊之後復活隻羊
之後氹pelias d女剁碎佢

唔好意思我講得唔清楚 其實一開始係殺咗隻羊做示範

好正啊 仲想知多D故事

幫推

d故事講得好好睇呀
但有時d文筆真係差少少
Daphne呢一段寫得好 睇一次就明
但Medea係親手殺羊定係殺Pelias復邊個生我睇幾次都器清楚

如果樓主有足夠時間心力既話
proof read一次咁多應該就會好好多

點都好 都好多謝樓主
唔係有呢個post都唔會咁地道咁接觸到神話故事

Aggre

屌那媽到我柒
係叫樓主proof read既post打錯字

邊度？

想睇冥界既介紹 樓主可否講多啲

推

終於live左，好正

樓主講得好詳細 留名支持 加油

Medea會唔會因為之後Theseus單野先搞到臭朵

除咗風信子，仲有水仙花都係來自希臘神話，好似係有條友好自戀，成日對住河入面自己個倒影著哂迷咁欣賞自己幾咁英俊，之後變咗朵水仙花咁上下。

柯蘿妮斯公主

烏鴉嘅由來

我地依加接觸嘅神話大部份都係源於古羅馬詩人奧維德嘅變形記中（Ovid- Metamorphoses）嘅改篇，佢地大多都係經過改篇，增加咗浪漫嘅元素。而事實上係好多原始版本嘅神話入面，希臘神係更加冷血無情。而阿波羅同柯蘿妮斯公主嘅愛情故事就係一個好好嘅例子。

依加流傳變形記嘅版本係，原本阿波羅有一位凡間嘅情人柯蘿妮斯公主(Coronis），佢派咗佢自己嘅聖鳥-烏鴉去觀察柯蘿妮斯日常有咩需要。有一日依隻烏鴉發現柯蘿妮斯因為禁不住同阿波羅聚少離多而對佢不貞，佢立即話咗比阿波羅聽。憤怒嘅阿波羅嬲到連臉色都變到蒼白，佢拎起弓箭一射中咗柯蘿妮斯嘅胸膛。


柯蘿妮斯虛弱咁對阿波羅講：

「我接受我對你不貞嘅懲罰，但係我地嘅孩子係無辜，依加佢要同我一齊死去……」（自譯）

柯蘿妮斯閉上咗眼離開咗人世，阿波羅見到瞓係血泊中央嘅柯蘿妮斯先發現自己因為衝動而殺咗自己嘅愛人嘅孩子。阿波羅拼盡全身醫術搶救，但係就算係醫術之神嘅佢都係救唔返已經死去咗嘅愛人。佢抱住柯蘿妮斯嘅屍體想喊但係又唔喊得，因為身為天神係唔允許因為悲傷而流淚。佢眼看住柯蘿妮斯被火葬，最後都係奮不顧身咁行入火勢中將佢地嘅孩子從柯蘿妮斯嘅屍體中拖出黎。

最後佢懲罰咗令佢失去理智嘅告密者，佢嘅聖鳥烏鴉。阿波羅將烏鴉原本潔白嘅羽毛變成黑色，而且奪去咗佢講野嘅權利。 亦都有傳說話係因為烏鴉誤會咗柯蘿妮斯，所以引至悲劇發生，依個係阿波羅對佢嘅懲罰。

但係再多嘅懲罰都換唔返柯蘿妮斯嘅性命。



以上嘅係被變形記漂白咗嘅神話，咁原本嘅Version係點呢？ 根據赫西俄德嘅「女人目錄」(有學者相信女人且錄係赫西俄德晚年嘅作品）同保薩尼亞斯（古希臘公元100年右嘅地理學家同旅行家）「希臘志」（Pausanias）第二卷第二十六節嘅部分有提到：

阿波羅發現咗柯蘿妮斯對自己不貞，係有咗自己嘅孩子仲出去偷情所以就派咗自己嘅家姐月亮女神（同時亦都係貞操女神）阿蒂蜜絲（Artemis）去證實一下。阿蒂蜜絲去到柯蘿妮斯嘅住處，一箭就射死咗準備生仔嘅柯蘿妮斯，連遺言都冇比佢講。並且殺埋柯蘿妮斯身邊嘅人，一個人犯錯禍害其他人係古希臘神話係好常見。阿波羅對此都冇任何意見，純粹去到柯蘿妮斯火葬嘅時候佢從天上講咗一句

「唔忍心我嘅孩子同母親同死」

然後將孩子從柯蘿妮斯肚中拖出。


係兩個故仔可以睇到阿波羅嘅性格係被美化咗，原本嘅故事裡面佢係更加冷酷無情，就算愛人死咗都不痛不癢。阿蒂蜜絲更加係殘忍，竟然連其他無辜嘅人都要殺害。我地現知嘅神話裡面都係加入咗好多古羅馬嘅浪漫色彩，原本嘅古希臘係冰冷好多。就好似原著嘅格林童話一樣。