［古希臘神話］由宇宙渾沌到白銀時代-12主神介紹

咁海洋之神蓬托斯（Pontus）和山脈之神烏瑞亞（Ourea）仲有無角色? 波塞冬做左海神之後蓬托斯會去左邊?

留名

多謝大家支持 今日講下眾神之王宙斯

首先我細個第一個認識嘅宙斯係咁嘅：

依套係一套韓國動畫，以前會衝返屋企睇 所以係我真正地接觸宙斯之前我都認為宙斯係一個花心，咸濕周圍搞大人個肚嘅神

但係其實宙斯未必係我地想像中咁好色同多情，不過係深入解剖宙斯之前首先輕輕介紹一下宙斯嘅Background 。


（真正嘅宙斯）

好似之前所講，宙斯（Zeus）係克羅諾斯同瑞亞嘅仔，根據口述宙斯係一個壯碩英俊，充滿魅力嘅男人。宙斯嘅象徵係閃電權杖同老鷹，係好多關係宙斯嘅畫像都會見到依兩樣野。仲有橡樹同白牛都係同宙斯有關嘅識别物。

宙斯嘅出生日不明但係每個月嘅15號都係宙斯嘅聖日，而佢嘅出生地有人話係瑞亞係克里特島嘅狄克特翁山洞裡面。宙斯嘅子女幾乎多到數唔晒 ，雅典娜（Athena）、阿波羅（Apollo）、 荷米斯（Hermes）、赫菲斯托斯（ Hephaestus ）同泊瑟芬（ Persephone）。 經典嘅半人半神都唔少，例如海格力斯（Hercules），柏修斯（Perseus）同希臘神話有名嘅美女特洛依嘅海倫（Helen）。同佢有關係嘅女性更加係多到數唔晒，但係宙斯依然係最有權威嘅眾神之王。

泰坦之戰
唔好以為宙斯撕碎佐佢老豆克羅諾斯就世界和平，克羅諾斯嘅兄弟姊妹泰坦神族向宙斯佢地嘅奧林匹克神族發動了戰爭。十二泰坦推祟了拉培特斯（Lapetus）個仔，最強壯嘅泰坦阿特拉斯（Atlas）成為新首領。泰坦裡面只有兩人冇參戰，分别就係為人熟悉嘅普羅米修斯(Prometheus）同艾比米修斯（Epiemtheus）。佢地分别係先見之明同後見之明，正正就係因為普羅米修斯預知咗大戰嘅結局所以佢地兩兄弟決定幫助奧林匹克神族。本來奧林匹克族被打到全幾乎全軍覆沒，依個時候宙斯打開佐塔耳塔洛斯解放咗被克羅諾斯囚禁並對克羅諾斯抱有極大仇恨嘅獨眼巨人同百臂巨人。獨眼巨人天生對打造武器好有天份，佢地為宙斯打造佐可以發射雷同閃電嘅權杖（就係波西.傑克森裡面比人偷佐個枝 ）。宙斯再一次向泰坦們發動攻擊，今次泰坦抵抗唔到四處走佬但係各個出口比百臂巨人封咗。



最後所有參與戰嘅泰坦都被關進塔耳塔洛斯，為首嘅阿特拉斯被罰去頂天，成為擎天神。



依次戰役被稱為泰坦之戰，同時亦都為下一揚戰爭同怪物提豐之戰（Typhoon）埋下覆筆。

下一篇會講下提豐之戰

冇話特別信邊個 純粹如果要信神我會選擇希臘神
自己比較鐘意月亮女神Artimis

LM

都有信Nike都唔出奇因為佢地唔係只係信奉一個神
不過關於勝利女神Nike of Samothrace嘅神像（擺係羅浮宮有翼冇頭個個）係土耳其揾到，被認為係馬其頓（Macedonia)嘅將軍命人打造，神像大概係公元前250年至180年左右建造
所以馬其頓信奉Nike 嘅機率好大但係關於斯巴達我就只係知佢地著重於海格力斯，不過都有信同祭祀其他神

關於蓬托斯同烏瑞亞嘅傳說其實唔多，大部份神話相信係提豐之戰後原始神都跟住蓋亞沉睡或者唔再理世事

留名

歐洲人 europa
咪宇斯 其中一條女

支持

一直都好有興趣

巴打有冇入門書推介下？

lm

其實如果唔想齋神話咁悶可以睇下波西.傑克森，佢個作者以前都係讀古文明，可以一邊睇小說一邊慢慢記人名

雖然套戲係垃圾

留個名先
我都係接觸到韓國個套希臘神話動畫而鍾意上成個希臘神話，平時好鍾意上wiki逐個睇啲希臘神

係咪有d version話aphrodite係Zeus個女？

btw推

推

宙斯同天后本身都係亂倫

樓主有無研究埋北歐嘅神話？