［古希臘神話］由宇宙渾沌到白銀時代-12主神介紹

留名

樓主可唔可在講下神獸 例如飛天馬 牛頭人 人馬 獨眼巨人呢d

最中意希臘同北歐神話

LM

我都係細個被percy jackson影響下接觸希臘神話
我覺得希臘神話同耶教好唔同 佢地既神唔係完美無瑕
相反希臘神佢地好多缺點同做好多錯事
感覺上希臘神話入面既神並唔係咁高高在上

Eros 性愛之神幾時講

其實都好想快啲講 因為Eros同Psyche嘅愛情故事係我最鐘意

好讚同 之前都有讀過宗教曾經有研究過少少聖經
成日覺得連神其實都好難完美
反而希臘神令到世界有災難make sense 啲

More 詳細加甜

全部都係打aom aot學番黎

希臘神話貼地好多
耶教叫人做聖人 亦認為信仰既神係聖人
但希臘神話 剩係宙斯都幾多醜事
世界上唔存在完美既事物 神都一樣
若然要揀一個信仰 希臘神既作為至少比我感覺上係少啲伏 睇落越完美既野就越危險

細個好鍾意睇希臘封神榜

lm

Helen of Troy 係Demi god 咩？我睇Virgil 定 Homer 好似無講。佢係邊個個女？

Homer 嘅Iliad 有講啊 係第三歌第二百三十五句 “said Helen, Child of Zeus”

追哂，好正！支持樓主

偷雞講咗先 不過加甜我就盡力 真係唔太識寫甜

Eros 係性愛、慾望之神（羅馬時期叫Cupid 丘比特)，普遍認為佢係阿芙蘿黛蒂個仔，多數以有翼嘅孩童形象出現。


Eros嘅伴侶就係Psyche，依個故事係變型記（Metamorphoses）有記載。傳說Psyche嘅美貌足以媲美阿芙蘿黛蒂，愛神因此而憤怒，佢要求Eros趁Psyche瞓教嘅時候向佢射出愛神之箭令佢愛上一隻怪獸（美女與野獸？）。

Eros雖然唔想但係又唔可以唔聽阿媽唯有照做。夜晩嘅時候Eros去到Psyche間房，佢比Psyche吸引，一時間分心將箭唔小心射向咗自己。

從此Eros就愛上咗Psyche。

佢派人話有一隻野獸要娶Psyche然後將Psyche帶到去佢嘅宮殿。Eros將所有佢可以比嘅野都比晒Psyche，唯獨係佢只會係晩上出現而佢都警告過Psyche唔可以望佢個樣。Psyche一開始都好聽話，兩個人渡過咗一段好幸福嘅時光，Psyche都慢慢愛上咗依個佢未見過野嘅野獸。直至有一日Psyche嘅兩個家姐黎探佢，因為妒忌佢地慫恿Psyche殺咗自己老公話佢一定不懷好意想食咗Psyche。Psyche半信半疑，亦都因為好奇所以聽從咗佢兩個家姐嘅建議。係夜晩，佢將一把匕首收埋係枕頭底，等Eros黎揾佢一齊瞓教嘅時候佢攞出一早準備嘅 蠟燭同匕首諗住一探究竟。Psyche好驚訝咁發現自己嘅老公根本唔係咩怪物，而係一個俊美無雙，擁有純白翅膀嘅青年。最後因為爉燭滴到Eros嘅翅膀驚醒咗佢，清醒咗嘅Eros深感背叛，佢認為愛情應該係互相信任，但係Psyche 唔單之偷睇佢仲想殺咗佢所以展開翅膀離開咗Psyche。


Psyche為咗尋找返自己老公， 攀山涉水去到阿芙蘿黛蒂面前求佢。 但係阿芙蘿黛蒂點會咁容易就比佢見Eros,因為Eros唔聽話阿芙蘿黛蒂已經困住咗佢。Psyche送到上門佢就好好咁虐待咗佢一段時間，每次當Psyche好絕望嘅時候都會有其他神聖嘅力量幫佢。去到最後一個阿芙蘿黛蒂比佢嘅任務，佢要去地府揾冥后Prosephane攞返少少美麗。佢成功咗但係係回程嘅時候佢諗即將要見到Eros怕佢見到自己咁嘅樣所以借咗少少美麗。一打開個盒Psyche就陷入昏迷，好彩Eros及時從阿芙蘿黛蒂個度逃走救咗佢。最後Eros救宙斯賜Psyche 永生，宙斯同眾神都比佢哋嘅愛情感動所以答應佢地仲賜埋婚。




Eros 同Psyche係希臘神話裡面好少有嘅Happy Ending 所以我個人好鐘意依個故事 冇諗過性愛之神竟然係咁純情

好想一直睇你講故事

Lm

多謝支持

請問點解宙斯要咁樣做？好地地做乜野要推翻佢？thx

Lm

你嘅意思係點解要推翻自己老豆？
因為克羅諾斯食晒佢所以其他兄弟姊妹，都有可能係因為烏拉諾斯嘅詛咒

我比較想睇樓主講下啲冷門嘅神嘅故仔/冷門啲嘅故事，出名嘅好多都聽過下