［古希臘神話］由宇宙渾沌到白銀時代-12主神介紹

留名哈帝斯

push

push

Netflix 有套劇講Trojan war, 可惜個女主角Helen真係唔靚

真心講句個套Trojan War改咗太多野，之前讀伊利昂記個陣老師有比我地睇過做參考，同原著差好遠不過就咁當電影睇都唔錯嘅

其實Iliad入邊好多人都好好打
例如Diomedes打傷左戰神Ares（book 5 Diomedes Fights the Gods）
Great Ajax都差啲殺左Hector（book 7 Ajax Duels with Hector）

想問下，阿波羅係公元十二年嘅神諭係真有其事㗎？真係有歷史記載？

我仲以為所有神話都唔係真實⋯⋯

係十世紀末嘅蘇達辭典裡面有記載

阿波羅神

一直都有人認為神話其實係base on現實出黎，甚至用另一個角度睇係事實黎

終於live了繼續留名
期待十二星座！樓主加油

留名睇冥王hard disk

首先寫冥王第一樣要講嘅係佢並唔係十二神當中佢平時就好似宅男咁留係冥界唔出去。

曾經有講過係哈帝斯抽到管轄冥界係因為波賽冬同宙斯嘅出貓所造成，不過佢好似都冇乜點介意過。

傳說就有話過前往冥界嘅入口係古希臘各地都有，但係只可以係夜晩去。而且冥界有神獸三頭犬克爾柏羅斯（Cerberus）守住所以入咗去就好難成功活著出返黎。



哈帝斯亦都同唔同英雄有過接觸，例如黎冥界借克爾柏羅斯嘅海格力斯（Hercules）, 囚禁去到冥界向冥后泊瑟芬求婚嘅提修斯（Theseus）同皮瑞蘇斯（Pirithous）仲有同意奧菲斯（Orpheus）带老婆返人界,阿基里斯（Achilles）嘅阿媽帶佢去冥河洗禮等。冥界就有啲似係英雄去做任務同修煉嘅必經之路，連奧德賽（Odysseus）都有去過冥界因而發現自己嘅母親已經自殺。



關於冥界嘅故事多不勝數，其中一個幾著名嘅check point 係要載死人過河嘅斯提克斯岸邊嘅卡戎（Charon）。係PJ裡面都有提過，如果活人想過河就要賄賂卡戎。

哈帝斯嘅性格比較陰暗但係佢亦都有柔情嘅一面，尤其係對住自己老婆泊瑟芬（Persephone）嘅時候，係希臘神中難得痴情專一嘅神。



關於哈帝斯嘅傳說最出名嘅就係同冥后泊瑟芬嘅故事，仲有同薄荷-明塔（Minthe）

同白楊樹神女-刻琉（Leuce）

根據古老嘅神話哈帝斯係冇生育能力所以同泊瑟芬之間都冇生小朋友。但係係非主流神話（奧菲斯神話）中，哈帝斯有時係有子女嘅。

哈帝斯係一位好特殊嘅男神，全因佢係好重要嘅神但係佢係地面上只有一座神廟。 古希臘嘅宗教觀念係「現世利益主義」，佢地只係會信奉對自己有用嘅神，所以好似阿蒂蜜絲同哈帝斯依類對佢地冇乜用嘅神佢地並唔會有太大嘅關心度 。不過古希臘人都係好敬愛哈帝斯嘅，因為佢係公認最鐵面無私，正義嘅神。

一出即睇

樓主好勤力
咁夜都重出文

佢個邊好似朝早？

推！

啲神好有外星人既感覺佢地同人類一樣都成日內訌

樓主可唔可以講下普羅米修斯剩係知佢偷火比人類

佢喺邊道
我唔知

個人對於「冥王」嘅尊敬遠高於宙斯同波塞冬。

可能係因為佢掌管「死亡」，而且又不理人間事物⋯ 感覺係「高高在上」。唔似宙斯同波塞冬得閒無事就識女仔又或搵人嚟打下仗

而且，見得到冥王⋯都唔慌係好事⋯你可以隨意見到天空（天上嘅眾神）、見到海（波塞冬領域）。但唔會隨意就見到冥界⋯

所以對佢敬畏嘅心又大一重⋯⋯

鍾意神話之類點解唔讀classics要讀archaeology?

通常都歸入classics

細個睇星矢已經覺得哈帝斯型到仆街

仲有PnD嘅哈帝斯