［古希臘神話］由宇宙渾沌到白銀時代-12主神介紹

睇電影見佢對車頭燈先正

勁好睇

神蓬托斯（Pontus）和山脈之神烏瑞亞（Ourea），然後同烏拉諾斯生佐十二个泰坦巨神（Titan),三個獨眼巨人

有認真睇
同埋建議用咗，佐字睇得好辛苦

之前慣咗 努力改緊

lm g持

樓主點睇神諭
d出處其實係邊到
你話蓋亞話邊個打贏第一代就做王係神諭定佢吹
其實d神係咪都預知到未來 但又改變唔到
我見好多英雄悲劇都係咁黎
同埋黃金時代之前個個叫咩時代 之後仲有冇青銅（英雄加人？） 黑鐵個d 希臘神好似冇末日/大結局？

宙斯嘅情人

係希拉之前宙斯總共前後有6個妻子（唔係同時）而合法嘅老婆只有三位就係前一遍介紹嘅三位。同宙斯有個關係嘅女神或者女人不計其數，而其中幾著明嘅有記憶女神繆妮摩西妮（Mnemosyne）腓尼基（Phonecia）嘅公主歐蘿巴 （Europa）

Jean-Baptiste Marie Pierre, Abduction of Europa, 1750, Museum of Art, Dallas, TX, USA
阿戈斯（Argos）嘅公主達妮（Danae）

Jan Gossaert. Danae. 1527.

Titian, Danae and the shower of gold, 1554

厄多里亞（Aetolia)嘅公主麗達 （Leda）

François Boucher - Leda e o Cisne, 1741

仲有上一遍有提過嘅伊俄（lo)同大熊座嘅凱莉絲度（Callisto）原本係阿蒂蜜斯（Artemis）嘅女待後來比宙斯睇中，為咗得到佢宙斯將自己變成阿蒂蜜斯嘅樣同佢親近（為咗溝女變成自己個女個樣搞Les 其實都真係幾有決心 ）
François Boucher, Jupiter and Callisto, 1744


下一遍開始講每一位情人嘅故事

大多數有名神喻都係出自阿波羅，因為阿波羅嘅德爾菲神域（Delphi）係古希臘歷史上好出名。好多影響歷史嘅預言都係係德爾菲透過阿波羅嘅女祭司傳達。但係通常預言都係好玄而且唔會直接回答。

關於克羅諾斯弒父成王嘅神話有人話係神喻有人讚話純粹係邊個殺咗烏拉諾斯就可以繼位。亦都有傳說話因為蓋亞特别寵愛克羅諾斯所以慫恿佢咁做，立佢為新嘅天王。

根據古希臘詩人荷馬（Homer）嘅伊依昂記（The Iliad），宙斯好欣賞特洛依嘅王子赫特（Hector）曾經想改變佢嘅命運，但係無奈連神王都唔可以改變命運。係詩中，命運係above God 。
“Are you, Lord of Bright Lightning... proposing to reprieve a mortal ma, whose doom has long been settled..." 依句係第二十二章赫特死前雅典娜對於想救赫特一命嘅宙斯講。表示就算係神都只可以預知同改變小事，人類嘅生死佢地係唔可以插手。

關於黃金時代之前嘅有人話直接係宇宙渾沌或者可以叫黑暗時代。

根據希臘神話逐漸減少，希臘神就停留咗係白銀時期因為係經歷完特洛依戰爭後神已經唔想再介入人類嘅生活所以慢慢從人類生活中消失。有學者好似Percy Jackson嘅作者會認為英雄+人嘅時代就已經係青銅時代

支持
留名睇酒神 !

記憶女神繆妮摩西妮（Mnemosyne）係泰坦女神美狄絲個妹（即係宙斯第一任老婆，搞埋自己姨仔 ）當初宙斯就係扮成牧羊人嘅樣同佢生活咗九日，因此生咗9個女，相信大家都唔會陌生。就係9位繆斯女神（Muse）分别係史詩(Epic Song)、史學(History)、悲劇(Tragedy)、抒情詩(lyric Song)、情詩(Erotic Poetry)、舞蹈(Dance)、天文(astronomy)、喜劇(Comedy)同讚美歌(Sacred Song)。

Muses, part from Mantega's Parnassus 1497, Louvre Paris

歐蘿巴公主（Europa）

有一晩歐蘿巴發咗一個奇怪夢，夢見有兩個大陸化身嘅女人想帶走佢，其中一個就係亞細亞（Asia）。 第二日佢照常出去玩嘅時候，美麗青春嘅樣貌吸引咗宙斯嘅注意。為咗唔好嚇到歐蘿巴同逃避希拉嘅監視宙斯將自己變成一隻潔白無暇，英俊無比嘅白牛（我真係唔知牛點英俊瀟灑，原諒我咁大個女都冇乜見過牛 ）

總之白牛（宙斯）行到歐蘿巴同佢嘅同伴身邊，佢地個個都讚嘆白牛嘅高貴氣質同美麗 白牛邀請歐蘿巴坐上去佢身上，白牛載住歐蘿巴愈行愈快仲走埋入大海。原本波濤洶湧嘅大海係白牛行入去個下即刻變到平静落黎。白牛帶住歐蘿巴越過海洋去到克里特島（Crete）白牛變返做充滿威嚴嘅宙斯，表明咗自己嘅身份並向歐蘿巴求歡。（當然都有傳說話宙斯冇變返做人型而係以牛嘅姿態同歐蘿巴人獸交 ）

後來歐蘿巴生咗三個偉大嘅仔，其中最出名嘅係Minos (米諾斯）同係伊利昂記幫助特洛依嘅Sarpedon（薩爾貝冬）。為咗獎勵歐蘿巴，宙斯將克里特島以歐蘿巴命名，叫做Europe 亦都即係歐洲。

Jean-Baptiste Marie Pierre, Abduction of Europa, 1750, Museum of Art, Dallas, TX, USA

比較好奇神話對照嘅現實（當然好難考證到） 例如 Return of the Heracleidae 同 Dorian

另外佢地又有咩動機要將腓尼基呢類文化圈以外嘅地方擺落自己個神話度

上個sem都有讀
背撚到閪咁

啲咩咩神話對於性方面都幾跳脫 又亂倫又人獸又幼女又剩
同埋呢啲古明文嘅畫通常都好崇尚天體文化
北歐，埃及同希臘嘅神話好似都好相似

好好睇

達妮公主（Danae)

達妮係阿戈斯（Argos）嘅公主，亦都係國王嘅獨生女。有一日佢老豆收到神喻話將來達妮個仔會殺死自己嘅外公，亦都即係個國王。因為好擔心依件事會成真達妮嘅老豆將達妮鎖咗係高塔上，禁止佢同任何人接觸。於是孤單嘅達妮每日都望向窗出面嘅世界，寂寞美麗嘅容顏吸引咗宙斯嘅注意。（宙斯要睇中你真係點都走唔甩 ）



為咗同達妮交配而又唔驚動其他人宙斯（又）將自己變做一陣黃金雨（Golden Showers）滲透入達妮嘅身體裡面（宙斯已經係進化到唔需要身體接觸都生到仔）達妮最後生咗一名著名嘅英雄--柏修斯（Perseus）

都有傳說話係國王起高塔困住個女依件事傳到去宙斯耳邊，宙斯為咗一睹美人嘅美貌就去到阿戈斯。點知高塔嘅防禦就連神都好難入去，所以宙斯就化身為黃金雨入到去高塔裡面。然後發現達妮真係好靚就忍唔住同佢翻雲覆雨咗一翻，最後大家都估到就係達妮大咗肚

國王知道之後好震驚想殺咗達妮兩母子，但係又諗到咁樣都可以搞大達妮個肚嘅一定唔會係普通人。為咗保護自己佢唯有送走達妮同柏修斯，將佢地放係木箱裡面順着大海漂。宙斯全程護航等達妮佢地可以順利到達賽路普斯島（Seriphos），島上面嘅國王收留咗達妮兩母子最後仲娶埋達妮。

柏修斯長大之後最著明嘅事跡莫過於除去咗蛇髮女妖美杜莎（Medusa）同埋係參與一個運動會嘅擲鐵餅項目時擊中咗位場名嘅老人，令到佢當場死方。而個個人就係佢從來都冇見過嘅外公，阿戈斯嘅國王。

神喻又再一次成真。

依家先知阿佛洛狄忒係咁樣變出黎

Return of Hercleidae依類現實生活中同神話對照嘅好多時其實係人為嘅。因為係古希臘神嘅後裔同神喻係好神聖，為咗鞏固自己嘅權力同勢力好多人會自稱自己係神嘅後裔。就好似古羅馬第一公民（Princeps），同時即係第一位大帝奧古斯都（Augustus）就曾經利用神喻去爭權想要利用傳說證明自己係天定嘅繼承人。奧古斯都自稱打仗嘅時候遇到老鷹，老鷹係宙斯嘅吉詳物，因此話自己係得到宙斯嘅眷顧。

腓尼基依類國家係古希臘時期有機會係有好多唔同嘅貿易，將佢地加入自己嘅神話可以顯得希臘神嘅強大甚至會動搖到其他國家嘅信仰。

我本身對埃及神話都好有興趣，希望大學考古讀古埃及嘅modules 會講埋神話

留名學野
細個睇完希臘封神榜，自此就好中意各地傳說

推

希臘神話嘅主題好命運論
有冇人真係違抗到天命
每次諗起Oedipus 避到天腳底結果都係隊冧自己老豆同屌咗自己老母真係

留名