召喚lihkg所有學神/P牌巴絲 (33)

P牌想出KIA Morning Sport GT 想問下大家意見

新車？

1) 係大路如果可以既話，我會讓小路既出先，敢我就唔怕行緊果陣有車攝入黎衰離物體太近。但係敢樣就俾師傅話我太好人，佢話：你讓得1架，之後果啲就會跟着出架喇，如果佢keep着有車出，你唔洗郁架喇，又話會衰不適當使用優先權？我真係好亂呀 究竟咩位我要讓人，有咩位唔讓得人
2) 我依家係收慢到20先轉2波，再hold極力子，如果條路夠長既再轉埋1波等，唔夠長既就直接踩埋落去
3) 我敢樣行，啲人望我既眼神係覺得我係痴線佬/強迫症 不過冇計，我真係驚到時會唔記得咗，寧願俾人當一陣痴線佬好過俾呀sir 剔

1. 如果你係大路, 你點都要扮你唔讓人先, 否則直接剔你沒有行使優先權。
但扮還扮, 扮既意思係你唔好一見有車就收慢晒, 你腳放brake 望清楚小路架車有冇收慢, 如果佢根本到晒路口都唔收慢即係明蝦你考牌, 咁你唯有停囉。但如果你一開始就自己收慢左, 人地緊係覺得你禮讓佢出大路啦, 咁當然直出啦

3. 其實唔好咁諗, 唔係真係咁多人會望你嫁咋 好多野都係自己心理作用

1. 考試嘅話，老虎蟹都唔好讓小路嘅車。阿sir唔駛考你做好人（當然行人過路處如果塞車行唔到時，你留個路口俾人過馬路啦），但佢要知道你識唔識分大小路，你讓咗就被人剔「未有使用道路優先權」咖喇
不過都要兩手準備，去到路口，即使你喺大路，都避免俾衡油，咁就算小路條友發神經照出起碼你都dup得切，同埋過路口你都望一望小路嘅車，表示你有留意佢
讓人嘅嘢，留返考完試攞咗牌先再諗

2. 3拖2，行緊20嘅話慢些少放極力子就夠。落1波就無謂嘞，一來太慢，考試亦唔要求你咁做；二來1波同2波嘅齒輪比差大，由2拖1幾乎必chok。所以你減速到十零公里直接踩極力子就得

3. 是但啦，人哋又唔識你，左望右望大不了咪當你睇女

考咗棍波但唔識自動波斜路開車
每次開車都有小小溜後先再向前行
平時紅燈會踩住break，點搞

真係好斜既話
停車拉手掣
開車比左油先放手掣

如果你架車扭力細, 會溜後得好快

唉 肥左

衰咩？

未有遵照道路標記指示 應該係尾轆踩左黃格

預錯距離過黃格?
咁真係無辦法

嚴格嚟講係架車嘅任何部分踩咗你都死，如果踩到尾轆其實算好多

冇辦法，下次同自己講凡事保險啲預夠哂位先好過去

知錯啦 下次真係有位都停一停先

好多學神會以為「行到埋去前車會郁嫁啦」
咁樣死好多人

想問下如果行人過路處黃色斑馬線
同前面黃格之間有一個車位
如果肯定車轆唔會踩到任何黃色
係咪都可以停？

肯定架車任何部份唔會責到黃色斑馬線同黃格呢？

咁個路口多數係黃格前wor
應該衝左燈尾又過唔晒先會停到黃格同班馬線之間

有冇街景圖望望

咁咪頂住個路口
咁心急做乜

我講多次，踩界唔係計車轆，係計架車嘅是但一忽

是但一忽既意思係
簡單D講, 個官感覺你踩左就踩左

唉 所以衰自己 冇得怨

總之博唔過啦
萬一前面有意外頂住你又死，前面條友玩緊電話冇行到頂住你又死，就算見埋再前面轉咗綠燈你心諗冇死但前面架車起步死火頂住你你都係死

李健掃桿埔路線教輕型貨車個何師傅真係仆街
堂堂鳩教，一邊玩手機一邊點你去行一條完全唔關事嘅路線
仲要係我揸緊果陣食煙，臭到仆街
好快就同佢講唔撚再跟你學，佢仲要串我話我一定考唔到牌
轉師傅之後，我1 take pass

冇錯特別呢啲情況佢唔會落車睇

李健都聽到好多呢D野
anyway, pass左就得啦

剩係衰呢樣既話
即係你其他野都正常
咁改變少少心態
下次應該OK嫁啦