[真人真事]新年流流，因為金莎掀起爭奪戰

彈彈波求婚

In三哥we turst

leave name

三哥

睇住三哥新作過年

細佬起身望完電話之後，我哋兩個喺無人嘅屋企不知所措，其實今日係阿嫂生日，我哋大約都估到大佬想今日求婚，但係佢冇同我哋兩個講太多詳情，可能怕細佬搞事。


大哥性格比較似阿爸，做嘢認真同埋脾氣有啲暴躁，由細到大三兄弟打架都係我哋兩個單方面俾大哥虐打，所以我哋都有啲驚佢。


「唔知大佬邊粒金莎放戒指呢.......未必中嘅.....」細佬神色慌張咁講，


「如果抽唔中，即係一粒普通金莎，咁阿嫂一定好奇怪大哥做乜咁認真叫佢食嗰粒，而大哥就會O哂咀咁坐喺度唔知發生咩事......但係如果阿嫂開正你粒彈彈波，佢哋成家人一定Odd到仆街.....以為大佬弱智新年流流玩埋啲無聊嘢，而大佬佢一定....」我臉色發青咁講，


「.......一定估到關我哋事.....」細佬驚到嘴唇都白哂，


我硬生生將句「關我蛋治咩」吞返落肚，而家並唔係計較邊個責任嘅時候，我即刻撥個輪俾大哥，但係打咗三次都冇人聽，Send埋Whatsapp俾佢都係兩個灰色剔。


「點算呀！仆街啦今次！！」細佬喺廳度行嚟行去，


「冷靜啲！」我捉住細佬膊頭，「而家我即刻去阿嫂屋企同埋試下打俾佢，你落去茶樓截住啲金莎，一陣隻戒指送咗出去就真係仆硬街啦！」

細佬勉強振作，我求其著起對鞋就衝出門口。


落到樓下我一路截的士一路打咗兩個電話俾阿嫂，到第三次佢終於都聽電話。


「喂？阿風？新年快樂呀，咩事呀？」阿嫂說，


「新...新年快樂呀，大哥係咪你隔離？」我強作鎮定，


「係呀，你搵佢？」


「係，麻煩叫佢聽聽電話呀蓉姐。」


「你等等，咦我哋而家要入Lift呀，一陣打返俾....」


話未講完電話已經斷咗，佢哋肯定係上緊阿嫂屋企，入到去一拜年大哥肯定唔會覆我電話，好彩我知道阿嫂地址，兼且唔算遠，十分鐘就可以過到去。


我電話幾乎冇離開過耳邊，但係大哥同阿嫂應該放低咗部電話，一路都唔聽，就算我Send埋Whatsapp話佢知隻戒指唔喺度，佢都係冇睇過。


我喺阿嫂樓下間711買咗盒一樣SIZE嘅金莎就衝咗上去，就算冇咗隻戒指，我都唔可以俾佢哋發現粒彈彈波，如果唔係大哥一定會殺咗我同細佬。

三哥我愛你 啲故

Live左

三哥

上年什餅攻防戰真係笑到我想買番罐黎送禮

Between 有冇link可以回味下？

三哥響鈴來留名

三哥

留明

跟住一齊嗌三哥三哥

三哥

三哥

三哥！

三哥出品

In三哥 we trust

In Saam Gor we trust

三哥

三哥