三聯幫牟中三
2017-01-25 15:00:26
我同細佬交換一下眼神,畢竟咁多年兄弟,唔洗點傾大家已經明白應該做啲咩。
「嗱,你哋兩個今年乖乖哋,阿風你就快啲搵個女朋友啦,兵仔你就學業進步。」表姨媽俾咗兩封利是我哋,
「多謝表姨媽!呀,表姨媽我可唔可以開盒朱古力食下呀?」細佬打蛇隨棍上,
「開囉開囉。」表姨媽無所謂回答,
細佬一聽喜形於色,即刻伸手去拆檯上盒金莎嘅包裝。
「等陣!」表姨媽突然喝停佢,
我哋兩個抬頭望向表姨媽,只見佢一手拎住個全盒。
「呢度仲有好多糖同朱古力呀,一陣開多盒我食唔哂,你食咗呢度先啦。」表姨媽將個盒放喺細佬面前,
「但係....但係.....我想食.....呢盒多啲呀....」細佬一臉為難咁講,
「係....係喎表姨媽呢度咁多人上嚟,肯定好快就清哂啲嘢啦,細佬你唔好掛住食,不如等我哋幫下表姨媽拆多幾包擺靚啲啦!」我作勢推咗細佬一下,
表姨媽冇出聲,只係默默咁望住我哋兩個,氣氛尷尬靜默,搞到我同細佬手心冒汗,細佬仲忍唔住吞咗一啖口水。