三聯幫牟中三
2017-01-25 09:18:29
由於咁多年嚟老豆工作都好忙,屋企多數都係得阿媽湊住我哋三個,阿媽比較口硬心軟,所以我同細佬都唔驚佢,反而係大我哋幾年嘅大哥,成日會睇唔過眼幫阿媽毒打我哋,久而久之大佬就成為我同細佬嘅剋星。
而事實上,雖然細佬比較百厭,但係我通常都係扮演嘴裡說不要,最後都係衰埋一堆嘅角色,極度熟悉我哋兩個嘅大哥一睇見粒金莎彈返上嚟,即刻就估到又係佢兩個好弟弟做嘅好事。
盛怒之下佢顧唔上核唔核突,一手扯住我出咗阿嫂屋企,仲拉埋我入後樓梯。
「大....大佬唔好殺我呀!唔係我呀!係細佬整架!!」我嚇到即刻求饒,
「唔係你?粒彈彈波唔係你塞入去?」大哥瞇起雙眼問,