[真人真事]新年流流，因為金莎掀起爭奪戰

留名

Live左

聽日要做手術都上嚟追下故先

順順利利呀巴打

做完繼續一齊笑

做完唔好睇喎巴打 一陣笑到出血

屌你
多謝兩位巴打
做住等三哥出文

留名

留名

三哥 新書有無得簽名？

留名

屌你賣廣告！
不過我鐘意！

留名

勢成騎虎，我同細佬一臉吃了屎嘅表情落咗樓下買金莎。


「二哥....我想留返利是錢買新Game呀.....」細佬苦苦哀求，


「收聲呀！唔係你我今日食住年糕打機啦！」我搶過佢手中利是封，


我哋兩個拎住五盒金莎上去，表姨媽已經幫我哋包好咗五罐餅，笑逐顏開將盒金莎交俾我哋。


我同細佬二話不說即刻拆開包裝，兩個人你眼望我眼，感覺到大家都非常緊張，然後，我拎起盒入面右上角粒金莎。


「點...點呀....？」細佬眼都唔眨望住我，


「唉........」


果然劇情需要，我哋硬食五罐餅換返嚟嘅只係一盒普通嘅金莎，換言之希望全部喺哂最後一盒未知去向嘅金莎度。

「表～姨～媽～～～」


大門打開﹐原來係堂哥一家嚟拜年。


「又係你呀飛仔翔仔?」表姨媽臉上一驚﹐


「咩又啫～咦﹐阿風仔同兵仔?」堂哥向我哋打招呼﹐


「佢哋走㗎啦﹐送金莎嚟咋!」表姨媽一路講一路推走我同細佬﹐


我哋垂頭喪氣抬住五罐餅返屋企，一開門發覺兩老坐咗喺梳化，仲西口西面拍寒戰咁款睥住我哋，唔駛問都知係東窗事發啦。


「你兩個有冇搞錯呀！自己大佬求婚咁大件事都嚟搗亂！」阿媽劈頭就鬧，


我連反駁嘅力氣都冇埋，低頭由得阿爸阿媽連環發炮。


「其實.....其實唔關二哥事......」細佬關鍵時候都算有義氣，


「唉，你兩個搞到班親戚都通哂天，新年流流呢穫都真係代表作囉，有排講啦！」阿媽懶理細佬講乜，


「總之而家我哋一定要幫大佬搵返隻戒指先，仲有一盒金莎送咗出去未知喺邊個度，其他嘢可以搵完返嚟再慢慢講呀。」我長嘆一口氣，


「嗰盒你舅父送咗俾人嘞，問咗佢攞地址，你哋兩個快啲去攞返嚟。」阿爸亦都嘆咗一氣，


「個地址喺邊呀？」細佬伸個頭埋嚟望，


「喺元朗。」

三哥早晨

留名

／／《新年流流，嘉頓家庭什餅掀起拜年攻防戰》

呢個係一個關於新年發生係屋企嘅故事......
多謝黎特幅圖！

每年新年，送禮收禮都係拜年一定要做嘅事，由細個開始就成日見到阿媽為準備過年而張羅各大禮盒，咁多年嚟目測拜年三寶，必數：

金莎
藍罐曲奇
嘉頓家庭什餅／／

睇嚟之後仲有藍罐喎

留名

留名

留名

留名

元朗有冇機會喺圍村，又有得搵小明？

留名