三聯幫牟中三
2017-01-26 12:27:27
「新....新年快樂.......我哋係.......」
「入嚟先講啦。」
鐵門打開,我同細佬行入去,發現入面原來係一間拳館,不過今日年初一冇人上堂,只係有兩三個人喺入門傾緊計。
「咦,馬師父今日咁旺場呀?」場內一個師奶笑說,
「今日我哋冇開門喎,有咩幫到你哋呀?」另外一個笑容滿面嘅高大男子同我哋講,
原本呢,貿貿然同人講話「新年快樂呀,我係嚟攞走你盒金莎架」,人哋一定會當我痴線,所以我特登帶多咗盒金莎喺身。
「係咁嘅,我哋攞錯咗我大佬送俾阿嫂嘅禮物,輾轉之下俾我親戚送咗嚟呢度,所以想用另一盒同你交換返。」我將另一盒金莎雙手奉上,
被稱為馬師父嘅男人望一望我同細佬,再望向我手上面盒嘢。
「唔得。」馬師父木無表情咁回答,
我同細佬冇諗過佢會係咁嘅反應,細佬已經忍唔住要飛身出去跪求佢老人家開恩。