【結局】《末日下的那些人》 (3) - 世界即將終結, 我們卻沒能登上方舟

依加先開始打字

改你既歌啦

禮拜六個日去福仁買左隻kitty錶 好好用

HelloKitty?

This

利申用緊Apple watch

最終章

世界末日已至, 末日下的那些人

這是我們故事的尾聲, 也是這一段文明的尾聲。經歷千年的的文明後, 最終的結局其即如此的典型。 於末日下為所欲為,對上於末日下活得像個人, 兩種信念的最終對撞。小行星撞擊地球, 滅絕一切45日前, 地球上在等死, 末日下的那些人展開了最後的戰役。

由肥貓, N展, 偵探, 和獲得了形像化的Kitty組成的智囊團負責制定戰術, 重新振作的三號負責組織護衛隊和訓練有戰鬥力的人使用槍械和武器,齊姑娘強烈反對全部留守的方針, 認為這只是精神論, 結果大家受不了, 還是讓最為老弱的人去避難。

[哥哥, 你緊唔緊張?]

手上的Kitty問正在樓上看著風景的我道。

「你可唔可以唔好再用我個妹黎做自己形像...」

[咩呀, 呢種叫Live 2D!定你想我用阿嫂?]

聽說香港大學那邊的學生派人去中大, 以硬碟把Kitty帶回去另一組主機群, 所以獲得了升級的Kitty變得更頑皮了。

手錶上的「妹妹」明明是從舊日的照片剪輯下來, 卻被Kitty分離出眼耳口鼻, 甚至每一條肌肉, 在Kitty說話的時候, 手上的「妹妹」就會按語氣造出表情, 甚至動作, 好像活過來似的, 叫我甚為不安。人工智能嗎...以Kitty的規模, 在這段時間內已經進化到這程度, 於方舟上擁有無限時間的人工智能, 到底會進化到甚麼程度?

也許, 靠她們的話, 人類真的可以得救。

而我們就只能自救了。

即使自救後, 還是會迎來末日。

但我們要守護的不是注定滅絕的生命, 而是靈魂。

「唉..你鐘意。我緊張啊, 我好怕寄葉同小莉會有咩事。小莉, 你跌左呀!」我執起地上的漫畫書, 扔給小莉。

「啊!! 貝兒姐姐俾我架! 唔該爸爸。」

[哥哥, 你真係好錫小莉同阿嫂]

「係咩..?」

[根據過往資料, 楊子平並唔係一個咁既人]

「咁你可以更新下。Kitty, 雖然速度唔及人工智能, 但係我地人類都係會進步。」

[或者, 呢個先係人類既優點, 我既思考認為, 緩慢既進步唔一定冇任何價值]

「反正帶領唔到人類去新既天地就係。」我抬頭看來, 現在才是傍晚, 天還沒黑齊, 那凶星已經囂張的在穹頂的一角閃爍著。

[哥哥, 當琪琪利用我同馬教授洗腦針去進行洗腦既時候, 我諗過同你講, 好對唔住]

「咁..點解你唔講?」

[因我覺得琪琪好可憐, 我產生左一種你地稱為同情既感覺]

琪琪可憐嗎?

她值得同情?

我沒法說是。

也沒法說不。

[我只係一個出世左冇幾耐既人格, 哥哥, 我真係覺得琪琪好可憐, 所以我一直都幫佢, 估唔到佢係咁奸]

「Kitty啊, 可能你接觸得人類太少, 事實上大部分人類, 比琪琪更加邪惡。」

[其實我被灌輸左一個終極命令, 就係 "人類必為善良, 人類值得於宇宙間續存"。相信唔只我, 所有人工智能都有被輸入呢一個命令]

「我唔係咩大哲學家, 我唔知點評價, 咁你既觀察係點?」

[阿欣創造左我, 我又遇上哥哥你, 再睇返之前既記錄, 人性中必然存在惡, 但係似乎每次人類出現惡既時候, 人性既善都會出現去對抗, 惡既影響力愈大, 善既力量亦會愈大...我唔知道人類係善良, 定係惡, 但我同意呢個終極命令-人類有值得活落去既價值]

突然覺得, 我的水平其實和Kitty相去甚遠。

[我講左好奇怪既說話?哥哥]

「唔好用咁可愛既眼神望我! 喂! 唔準用我妹妹既形像除衫啊?!」

[嘻嘻, 玩下咋嘛]

「點解你咁得閒係度同我吹水?」

[因為你睇小莉, 寄葉執行李好悶啊]

「你唔係同偵探佢地開緊會咩?」

我看看遠方, 巡邏的人正手執號角和信號槍, 在自己的崗位上巡邏。

[我係人工智能, 多工處理係好基本既野黎架]

「爸爸, 執好啦, 真係要走啊?」

[哥哥, 等陣...]

「係呀小莉。」我輕撫正扁著嘴的小莉的瀏海,「好快我地就會黎搵你。」

[...小莉, 你唔需要走]

「下?!」

[哥哥, 會議有結果, 請去偵探既樓層]

到底在搞甚麼?!

不, 單獨送走小莉吧, 不可以令她陷於陷阱中, 舜兒, 齊老大, 絢香...萬一連小莉也出事, 我沒法想像!

我由不解變成了憤怒, 牽著小莉和寄葉沖到偵探的樓層。剛好, 眾人正在散會, N展和肥貓回到放滿機械, N展的樓層, 齊姑娘跟著肥貓走...話說她不是最反對全員留守的嗎?!

「偵探!!」我大喝一聲, 音量之大連小莉也掩耳斜看我。

「Hi, 文雀。」旁邊的電視機顯示著的是我妹...不, 那是Kitty吧。

我看看手錶上的她, 又看看電視上的她, 總是感覺毛毛的, 對人工智能來說根本不存在「存在位置」這概念吧。

分心了。

「你地開完會得出既結論, 係所有人留係度?! 連D靚仔靚妹都留係度?! 傻撚左?!」

「呢個係最好既方法。」

我看看已經遠去的齊姑娘身影, 天曉得這傢伙又在計劃著甚麼。

「我地到時唔會有人手保護佢地, 又係你自己講, 斬殺隨軍黎港島既琪琪先係最優先, 咁我地邊有人力去保護佢地?!」

「冇架。」偵探露出我最討厭的笑容, 這傢伙只要這樣笑的話一定不會發生甚麼, 那是他在策劃著甚麼, 想炫耀又不想說破的笑容。

「即係由佢地去死?!佢地係度我地點樣無後顧之憂咁去打?!」

小莉卻拉拉我衣角:「爸爸..你覺得我地係負累?」

飽讀故事的小莉, 語言能力遠超同齡小孩。

「唔..唔係咁既意思。」我頓時手足無措, 只能連忙安撫小莉。

[哥哥, 即使我地點做都係冇用]

屏幕上的.....好吧, 暫時說那個「妹妹」是Kitty好了。屏幕上Kitty消失, 變成了一個流程圖。

疏散老幼=>全力應戰=>戰力不足=>戰敗=>老幼失去保護=>全滅

不疏散老幼=>有後顧之憂=>戰敗=>全滅

所以即是怎樣, 疏散與否也是要全滅嗎?

「文雀, 如果你聰明少少我地一定可以做到好朋友...」偵探露出一個看白痴的眼神望向我。

「同我講清楚會死啊?! 次撚次都係咁?! 我唔理, 小莉唔可以有事!」

「你就相信我一次得唔得?」偵探眼中卻帶著誠懇, 「我地黎計劃, 其他負責執行, 我地要既係你地既信任。我只可話俾你知, 老幼都有佢地既戰略價值。」

「...誘餌!?」

「唔係, 葛萊分多扣十分, 好啦, 唔好懶醒啦, 事到如今仲唔信我?」

我看看Kitty, 告訴自己別給她的眼神騙到, 說不定她也是好像被琪琪騙倒一樣被偵探騙倒, 那表情也是合成的, 假的, 假的.....

「我話你知, 我相信既Kitty, 唔係你。」

「妹控真係好對付啊。」偵探嘴角上揚。

「你講乜撚野話?!」

「冇野。呢幾日你好好休息就可以, 齊姑娘同Kitty已經算出琪琪傷勢康復進度, 個一槍無打中骨, 只係係脂肪刷過, 相當輕微, 由中槍到依加...」

「大約三日。」Kitty說道。

「無錯, 三日之內, 好返既琪琪同女王軍就會發動總攻擊。我地既任務就係係全滅之前, 斬殺琪琪, 希望你今次唔會再手下留情,因為每一個死去既人, 都係因你而死。」

寄葉終於忍不住了。

「你唔好再逼我老公!」她攔在黯然的我面前。

「..早抖,好好享受呢三日暴風雨前既平靜。」

我心中百感交雜。

因為我好害怕。

不是怕死, 而是怕有更多人因我而死。

而我最怕的, 是因為我相信了偵探留下了小莉, 而令她有甚麼不測。

至於寄葉, 我當然沒法逼她離開。

但..小莉, 我應該逼她走的。

相信偵探嗎?

唉, 我還是沒法扔開內心的僥倖。

「好野! 唔使走! 我唔使自己一個啦!」

小莉倒是看似挺高興。

相比起自己一個活下去, 更想和我們死在一起嗎?

傻女孩。

三天時光轉眼就過去, 有人說過所有倒數都是愈接近盡頭會倒數得愈快。

剛好, 過了午夜。

距離世界末日, 42天。

「阿平, 唔好俾太大壓力自己。」寄葉把手按在我胸膛前。

「寄葉..」我把她抱入懷中。

「同之前一樣, 我都會係你左右, 係你身邊, 就好像你一直都係我身邊咁樣。」

「無論今次點都好, 寄葉, 多謝你, 我..我愛你。」我深深一吻到她唇上。

凌晨的星光下, 末日的凶星閃爍血紅色的光芒, 穹蒼的頂部染成一片紅色, 其至連本來的散發牙白色的弦月也好像被漂上血紅似的。

我們在這末日前的星空下, 深吻在一起, 傾聽著彼此心臟強而有力的跳動聲。

一切是如此的寂靜。

三天的計算, 已經傳遍了中央圖書館所有戰士。

300人, 對三萬。

前兩晚也沒有敵襲, 換句話說---

「嗚----」遠方號角響起。

「嗚-------」接著更近的號角響起。

「嗚----------」

「嗚----------」

「嗚----------」附近所有聽到號角的護衛隊, 也舉起自己的號角用力吹響!

接著,遠方的信號彈在樓宇間的巨大影子升起, 爆開!!

「隆.....」紅色的火花在大氣間燃燒, 沸騰, 飛舞, 接著消散在星空中。

接著, 一下又一下的信號彈升起, 從接近的方向, 我們得知了女王軍來襲的方向!

四方八面!

開始了!

「嗯..?咩事?」

我和寄葉一起半跪於小莉床前, 深深一抱。

「小莉, 自己小心, 好好保護自己。」

戰爭, 要來臨了。

末日下的最終一戰。

善與惡--

琪琪的自私與齊老大的理想, 最終的互撼。

「同我一齊上, 寄葉!」

「嗯, 阿平!」

有冇間中震下你叫下你哥哥

冇

熱血！！！

FEEL到?

都話我想像力好強
完全幻想到啲畫面

但開打之後就未必熱血了
原諒我負面底

個故好正

唔係呢個位停啊？

樓主=妹控

咁點解形象化唔到kitty？

情節定文筆？定你驚會死人？
好 接受挑戰

多謝大家