【結局】《末日下的那些人》 (3) - 世界即將終結, 我們卻沒能登上方舟

《末日下的那些人》已經完結
但我仲打緊字

好有nier 風格的收尾
會唔會有外傳講下其他人係最後一日點過？

依加唔排除任何外傳啦

故後感

實在係太太太正啦!!! 唔係講笑, 我記得由舊登開始我寫過好多故, 我從來未試過咁鐘意, 咁滿意一個故事! 一個故事入面, 可以由角色, 場景....所有元素, 但可以咁鐘意! 拿, 連登反應都唔錯既, 當然未至於去到大神們出故個D程度, 但係熱血, 傷感等等...我都FEEL到透過文字! 透過角色! 讀者係感受到既! 而作為一個作者, 感到筆下角色產生靈魂既一瞬間, 就有個份感動。

多謝大家!! 多謝大家陪我, 陪阿平, 陪寄葉, 陪所有角色走過呢段日子

我係一個好簡單既人, 我寫既野有人睇, 有人鐘意! 我就會不斷不斷寫落去!! 用十足精力去塑造! 畫面! 節奏! 分鏡! 配樂! 意義!! 同阿平一樣, 佢既意義就係寄葉同小莉, 作為一個熱愛寫故既人, 意義當然就係讀者啊啊啊啊!!!

講下個故既靈感先!!

老實講我每日起身會開電視睇新聞先返工, 而我份工係幾CHUR 幾無聊。唔知由幾時開始, 我開電視之後就會諗--

「唉, 乜仲未世界末日架...」

唔準笑! 全部同我唔準笑!我真係咁諗!!

所以我就可以訂左個故既主題就係世界末日, 而作為青春期末期既人, 當然會諗下存在意義既問題,加上玩左某神作後, 存在意義呢個主題就係我腦中一直揮之不去。

於是, 「以世界末日探討存在意義」成為左呢一個故既主題。

之後, 我睇返之前既故, 講得我寫人物真係好好好好好廢.....根本上都係畫面劇情爽就算, 於是我就更加決定!

下個故既主題要係「以世界末日探討存在意義, 主要寫人!」

如是者, 末日下那些人 六個字閃現腦開, 就成為大家睇到既呢篇故。

依加睇返轉頭, 我覺得自己真係貼題到不得了, 完全就係寫出左我想要既故事, 而且結尾唔係開放式結局, 而係由一開始已經講好左既陷球產! 重點唔係結局, 主角唔會拯救世界!既咁既一個故。

一開始係諗住寫好多短篇, 最後連埋一齊發現原來彼此有關連.....但原來咁樣唔好玩, 都係有主線好D。所以你地會發現主角一路都好有旁觀者既意味係度。

打打下成三點幾, 就講到呢度啦, 再次多謝大家支持呢個故!

多謝你地成為我既意義, 多謝你地成為呢個故既意義。

無人睇既故只係文字, 有人睇既先係故事。

特別係無甜既故

我會一直寫落去啦, 我講過末日系列既故唔會只得呢一篇, 會係FB搞個投票睇下大家對咩有興趣咁, 唔係為寫而寫, 而係有值得寫既野先去寫, 呢個故算係我尋找自我既一個經歷啦

再次多謝大家!

之後寫既野, 好.危.險.

我唔肯定大家會點睇,老實講我未寫過一個彩蛋係咁危險

因為...

希望你睇完之後會鐘意。

當然你唔鐘意絕對可以當冇睇過。

因為, 末日下的那些人既呢個故, 亦真係已經完左。

我都知夜既..係因為夜啫...

「我都一定會返轉頭黎搵你。」

這句話不知在我回憶中響起過幾多次。

卻沒想到---

---------------------

視野內的白色光芒漸漸退去。

聲音再次傳入我的耳朵中, 是機器, 是人跑動, 還是甚麼的聲音..?

「寄葉。」

我抬頭, 發現四周...已經不再是我那房間。

「嘶---」一扇陌生的門打開, 白煙從門後湧到我, 寄葉, 小莉置身的白色空間內。

「阿哥...」人影穿過白煙, 陌生, 卻熟悉。

一時間, 我感到自己心臟好像停頓了一樣。

這是天堂, 還是地獄?

還是...

「佢係..呢度係..」寄葉四周張望, 明顯她也沒有頭緒。

「楊教授!! 唔可以入去架! 佢地身上可能會有舊地球既細菌......」

「收聲!」人影怒喝一聲, 身後的一人只能默默後退。

「你..你係...」我差點沒法說話, 不是因為眼前的變故, 不是因為這陌生的突變。

而是這.個.人.

「阿哥, 我終於..返黎搵你啦!!」

她飛奔向我, 張開雙手擁向我們三人!

「咩事先咩事先!!」我連忙後退兩步, 拉著寄葉和小莉護在我身後, 「你係邊個! 同我解釋!」

「OK! OK! 冷靜D先, 阿哥! 一時間你好難接受, 但你放心, 你唔係發夢, 唔係死左!你經歷既一切真都係真既! 你就係言寄葉同小莉, 係唔係?」

寄葉和小莉恐懼的點點頭。

「好啦, 咁既。」目測比我年長十年的女人深吸一口氣, 「 係西元2018舊地球年, 地球受到小行星撞擊而毀滅, 我係成功上到方舟既人, 喂!阿哥你唔係唔認我到下嘛!」

「我識你老味!」我罵回去。

「好, 咁樣方舟係3000年後, 發展出曲速引擎等越空技術後, 方舟就到達左呢度, 新地球。」

我望向一道像是窗的東西, 就在窗外的天空上--

有兩個月亮。

「然後, 我就諗, 星球毀滅一瞬間放出既能量, 會唔會足夠扭曲時空呢....於是乎就係咁。 以個個年代既卡通片黎講, 就係時光機, 我地係呢度, 掃瞄後對準時空結構最脆弱既一個時間點, 即係末日既一刻,按之前實驗投下既坐標同資料 吸左你地過黎。唉!你應該都唔明架啦。」

「完全唔明!」

「阿平..」寄葉在我耳邊說道, 「冷..冷靜D, 問下佢個名先。」

「你..你叫咩名!」

「呢個世界會叫你做阿哥既有幾多人?!」

「楊芷欣...阿妹?!」

阿欣流出眼淚:「係呀! 白痴哥哥! 你知唔知我為左救你出黎, 用左幾耐心血! 」

「即係..即係..」

我走到窗邊, 看著下方的陌生景色和天上兩個一白一紅的月亮。

「今日起歷史將會改變...3000年前既世界末日, 只有三個係舊地球既人, 生存左落黎。」

我....

我感覺大腦好像一片混沌。

小莉一臉不知所措, 只能牽著我的手, 寄葉卻冷靜的按下自己心頭無比的激動, 始終在任何時候, 任何地方, 她都會守護在我身邊, 是我的賢妻-寄葉。

「阿平, 點都好...」指尖上的血花鑽碰在一起, 「我地三個都會係埋一齊。」

「嗯。我都係, 寄葉。」

陌生的天空中--

一顆熟悉的流星靜靜地劃過天際。

-全文完-

-感謝閱讀-

sorry 黎遲左

呢個POST之後會有咩睇呢~

1. 我係《末日下的那些人》作者. 你問我答

2. 我係楊子平, 你問我答

3. 聽日會有下個故既預告

多謝你睇到呢度, 有咩想問想知, 問, 我會答。有咩想講想回應有感受, 講, 我會陪你一齊傾。

最後, 真心既, 希望大家都搵到自己既存在意義
我係VantaBlack, 下個故再見!

作者FB: https://www.facebook.com/lihkgvantablack/

未遲未遲

你最後果句咩意思
熟悉既流星？
又末日？
又唔救埋其他人

最後都係準時完故 想睇多幾日都唔得
好鍾意個題材同諗法, 刺激既時候好刺激, 啟發位都好到位
不過頭先睇果陣諗返起作家話覺得個世界好似係有人係背後造出黎, 以為係伏筆位
好耐冇睇估睇得咁滿足 多謝

個 end credit 又真係幾估你唔到.

我有諗過個end credit 應該係同佢呀妹有關,
但我原先估段野係講佢睇到佢大佬嘅record 時嘅反應only....

小莉帶刀示意圖

作家一講 呀平就醉左

頂...偏偏結局先miss左live

諗起eason 首我的世界末日

要是我旁邊有你 誰害怕世界末日

多謝樓主寫好故

到最後出埋時光機
好耐都無睇到呢啲高質故啦

結局完之後變左interstellar

btw 好多謝樓主你寫既呢個故事
好想同樓主做朋友
其實遇到呢個故真係緣分黎
有一日無聊 開左lihkg既app
然後就見到末日下的那些人呢個故事
正值當時我對於末日有啲興趣而禁左入黎
然後就見到 《尋找存在意義》呢幾個字
對於其實click中左我一啲野
之前接觸過NieR：Automata 玩完好多嘢
淨係覺得好灰 好胃痛 好多嘢唔明
可能人大左 又睇完呢個故
重新提醒左我 過程係最重要
雖然最終結果係預左
我可以點樣係過程當中搵到我做呢件事係為左咩
有時明知會失敗 我都唔明點解以前要堅持
但睇完綺香呢個角色既靈魂(故事?) 又好似明白左多啲
堅持從來都係不容易
講完一大輪都唔知自己中心其實想講咩

可能係:從你呢個故事當中啟發到我一啲嘢
而我不知不覺中發現自己對人對事既心態唔同左

新讀者上 希望唔好1999 好少用文字表達自己 尤其係討論區

樓主萬歲