有冇人覺得近幾年耳筒器材價錢貴到離哂譜、d人聽歌個執著度又係痴哂線

你唔夠地方點玩jbl 44 43喇叭

唔好玩耳筒 我都理解一般人會笑鳩既原因 當時都係屎忽痕冇野做 跟住就停唔到
真係會同毒品一樣會上癮 head-fi都算係音響分支 本身已經唔係咩窮人玩意 耳筒類型更加係不停課金嚟疊加微細改變去滿足自己

入面太多野可以玩可以自由發揮 一set set組合咁好似打機咁 有無限可能性 每郁一樣野你都可以感覺到啲聲會有少少變化(好 / 壞 / 風格) 永遠冇話最好 因為主觀感受冇得量化 大家各有所好

不過啲改變都係好細微 要聽得出就會放大佢 一定要全神灌注 好似盲人咁將啲聲音腦海入面形像化 但其實硬夾將依種主觀感受講出嚟 真係唔係太大分別

幾百 去到幾千音質上可以感受到既改變已經係最大(對比返個價錢) 之後每一千蚊換嚟既改變已經好微 而且係會愈貴再越嚟越少

但玩開慢慢就會開始覺得普通耳筒之類滿足唔到自己 什至開始有心理作用 好多時會影響埋自己判斷
之後既生活都係地獄 成個人放鬆唔到 不停想玩 想買 想知更多相關知識 係咁上網查 係咁周圍試
不停腦海入面會諗住音質音質 睇個戲都理個戲院音質係點 完全投入唔到套戲 什至已經影響埋日常生活
每次望向個鐘都覺得時間過得好快 啲時間過下過下咁就錯過咗好多人同事

之後我好難先放得低 唔再咁執著 輕鬆咗好多做返個正常人 聽歌什至比以前好聽咗好多 但成個人殘哂 之後拎返啲錢買其他野或者打扮下自己

個marketing就係不斷咁引導啲燒友追旗艦
而啲旗艦就不停加價，甚至加到痴哂線
64audio AK 甚至連國磚都閒閒地20k+

以一般平民窮燒友角度睇
唔係個個都有set枱擴，膽機
有時係屋企靜靜地聽下歌 想要對質素高少少既耳機好正常
況且而家都仲有好多性格比高既選擇
1000->3000->6000既升級其實都幾明顯
10000以上個人認為係調音+信仰
而家d手機又開始cut 3.5
買d平dap例如zx300咁玩下平衡比起手機升級感都幾大
最重要係唔好盲跟風，耳仔收貨就得
瘋狂追spec追線追電容追插頭搞到已經唔係享受音樂

不過華人社會就係咁
乜都要最貴最好

正評係俾你用耳筒呢個詞

講真玩耳筒純粹係玩耳筒依樣野，並非真係識音樂，好多時變咗質純粹唱求好既改變或者風格上既變化

但要投放時間金錢太多

最後發現冇增值到自己 同打機課金冇咩分別 但又太執著享受唔到個過程 最後越踩越深差啲返唔到轉頭

有啲野真係唔好深究

本身都玩唔貴,依家更加半退燒了,依家都係玩平野多,平時仲要係真無線算數,都係方便+夠聽就算

音響野下下計成本就唔使玩
講到喇叭黎黎去去咪又係幾塊木一個單元, 單元黎黎去去咪又係磁石線圈振膜

你可以話人搵水魚, 無呢個技術又要"有要求"就係做水魚架啦
行出街車房三行果啲咪一樣

講返音響 零件佈局, circuit design 果啲, 講穿就唔值錢. reverse engineering 上淘寶都大把
整完出黎都未必係果樣野, 人地賣到萬萬聲, 自己整完出黎係唔係萬萬聲個level 就不得而知

不過我同意串流, 無線果啲新技術有更多進步空間更加值得投資


我自己以前都有mod 下iPod, 整下線, AMP咁, 不過都係網上參考返黎就唔好意思賣出去比人啦
自己用打下飛機都還可以, 賣出去的話質素未過到自己果關

唔係講緊抗噪耳牛
一般入耳式耳機同cm出到街都一定廢一半武功
就算俾你買到成皮幾野一對 十鳩幾單都係咁講

本來我想入番隻 Sony ier m9 入番坑 都係不了 我隻1000xm3都唔係好差 冇必要上到90分 我當xm3 有70 80分

CM 先至係肥豬肉

再講, 人地廠成條生產線全部機械化
DIYer 真係覺得自己焊接技術, 其他各方面可以好/準得過機器?

DIY 得既話自己Hi-Fi grade 我通常都抱有疑問
話好聽過原廠就真係心理作用居多
例如果啲"DIY"換得OPAMP 既, 淨係講個座同啲OPAMP腳contact 比起原生焊上板可以好幾多既, 心照啦

本來用緊lola +黑磚 ,但已退燒
發覺出街聽歌都係打發時間，睇下youtube 仲易過
而家轉燒2ch, 岩岩入左proac d20r
2ch 先係無底深潭。

屌 買speaker膽機轉盤cd機算 得閒買下啲唔知乜鳩sacd xrcd 乜d物d咪得囉

音源最重要
錄音/mix得差幾多錢都係聽緊屎

音源好既話，平器材都可以好好聽

仲有一個問題 點解玩hifi既好似唔洗追求無損

就唔好講到音響廠呃飯食
有d Hi-End廠，你估無技術可以生存咁耐。
好似dCS賣咁貴，有無人抄到佢。

音學都係一門好專業既學問，唔係呀豬呀狗都識得。

耳塞e行都算新興行業，就吸引到年青人
而且門檻低，未搞到呀豬呀狗都入去搵食囉。
反正都搵個兩間動鐵入貨就得，就無龍頭去食住頂層，d人未亂咁定價都得。

耳仔帶住聽始終唔及喇叭

喇叭10萬左右一對已經好靚

唔明點解仲貴過玩hifi, hifi d聲正好多

我回緊最頂句野


耳筒點會貴得過hifi?