比啲個人經驗比你
舊年我行樓梯仆街跌親隻腳
明明跌親隻腳腫過冇跌果隻兩寸幾三寸
行路又痛到仆街
公家醫院照磁力共振要等年幾兩年
咁唯有叫佢寫紙比我出私家照 洗幾千蚊
但屯門醫院一路同我講磁力共振照唔到野就冇事
隻腳腫佢都要你做踩單車上樓梯嘅物理治療
我同佢講話仲好痛 佢話痛症冇得醫跟一世
仲話其實只係我個腦幻想出黎覺得痛
屌佢老母 咁我係咪要睇精神科
喺屯門醫院搞左成9個月
依然係唔用拐仗行唔到仲愈來愈痛
之後我轉睇私家
其實我冇保險 唯有係問人借錢黎醫
私家聽完我講個症狀 即時拎把尺出黎度
佢話「隻腳腫咁多邊有可能冇事呀」
之後打類固醇幫我消炎 打三針透明質酸補番仆街時飛左出黎啲組織
物理治療做超聲波同電療
1個月我就自己行得番
呢件事之後 真心建議唔買醫保都買份意外保
公家係保你唔死
你痛唔痛同打後嘅quality of life佢唔撚會理你