[開心速遞]熊若水龔燁 供水線集中討論區（3）

其實上次阿水借博士過橋,
曹總都仲死心不息買哂戒指咁,
今次曹總會唔會都係傷心一陣之後繼續追阿水

雪中表白真係勁浪漫勁有feel
比我我會唔洗諗即刻應承
去馬啦家明BB

工：都話唔好再叫我家明

Kennethbb表示 水水一日未結婚 我都仲有機會

屌突然見到 kenneth係英俊的領導者

咁阿龔可能要雪中求婚

可能Kenneth BB後生好靚仔呢
歲月是把殺豬刀

一定係啦
有名你叫街市黃昏啊嘛

救命 阿工咁靚仔又charm
如果真係雪中求婚 我地啲口水

連天都幫埋你落雪咁浪漫冇理由唔去馬表白

去馬啦家明
Btw可唔可以用番279果3句表白 完番我地等左大半年既夢

食緊飯嘅我即刻吐飯
笑死

痛心酸辣粉
好正啲道具

你會唔會考慮。。
會!
我地可唔可以。。
可以!
你有冇興趣。。
有呀！
講完然後水水飛撲去攬住呀龔

工：我都未講完 你咁快就答？
水：係啊！
阿工招牌奸奸地又好charm既笑加水水甜笑

原來已經開咗post3

嚟緊雪地呢集真係表白最佳時機，水水去到呢集應該對龔有啲意思，但未知對方心意加上自己又拒絕過人，所以都係到等緊。阿龔亦發現咗水水應該已經沉緊船，所以準備正式表白…

FF下先：水誤以為因為龔令到佢要去哈爾濱威龍（其實係Jenny搞鬼），雖然把口繼續鬧死賤精，但對手不經意咁執咗雙下巴天使入個喼度，拆喼見到嗰吓見到先覺醒原來阿龔早已喺自己個心入面佔有一個重要位置。此事收到David whatsapp講出成件事係Jenny整鬼阿水唔關龔事，更加掛住阿龔。
另一邊，阿龔喺香港覺得自己間接搞到媽呢空一個人上哈爾濱有少許自責，望住水送的手錶感到錯過好多機會浪費咗時間，決定上去幫水兼且向佢表白，臨出發前去老人院同阿爸道別，龔爸話：「阿仔你去搵你女朋友阿May呀？」龔燁斬釘截鐵地說：「阿爸，我女朋友係叫Mary唔係阿May！下次探你嗰陣帶佢嚟同你見面。」
夜晚，水放工獨自一人在哈爾濱街頭踱步，回想起以往同龔燁嘅種種不禁笑起來，心諗如果上次lift入面答應阿龔就好啦，如果俾多次機會佢一定唔會再拒絕。此時天空開始落雪，矇矓中水見到龔的身影覺得係自己幻覺，望清楚原來真係龔燁！心裡喜出望外，跟住龔燁上前。
龔：「落雪啦，咁凍媽呢空你仲周圍走，因住冷襯呀！」
此時水已經開心到唔識講嘢淨係心心眼咁望住阿龔講：「你真係嚟咗」
龔燁feel到水已沉船，跟住講：「你會唔會考慮…」水：「會呀」
龔：「我地可唔可以…」水：「可以呀」
龔：「你有冇興趣…」水：「有興趣呀」
龔：「做咩我都未講咩你就答應呀？媽呢空我係話宜家咁凍你會唔會考慮去食飯先，我咁遠過嚟幫你手我地可唔可以唔claim公數你出錢請我，同埋我識得有間烤全羊唔錯問你有冇興趣咋嘛(奸笑)」
水：「呀~你隻死賤精！」並作勢想打龔一下
龔順勢捉住水的手轉認真mode講：「好啦唔玩啦，Mary有三個字我一直想同你講，你敢唔敢聽？」
水：「你敢講我敢聽」(已完全沉船)
龔：「我~愛~你~」
之後二人相擁一會
龔：「我為咗搵你嘢都未食呀，真係好肚餓去食飯先啦！」
水：「你話事啦」(小鳥伊人樣)
龔：「咁去食烤全羊囉」
水：「唔食呀」（呢一pair註定要不斷鬥氣先好睇）
然後最尾可以影住龔水拖住行(影背面)咁完

唔經唔覺打咗咁長添

龔：「我為咗搵你嘢都未食呀，真係好肚餓去食飯先啦！」
水：「你話事啦」(小鳥伊人樣)
龔：「咁去食烤全羊囉」
水：「唔食呀」（呢一pair註定要不斷鬥氣先好睇）

救命 一見到烤全羊就出曬戲

有畫面有畫面！

正呀喂！！一定要係咁呀唔該！！！

今晚睇唔到Live..

我都睇唔到 今晚上到黎會唔會已經過左41頁

有live就梗係推咗主post先

Live後深入討論 再加無限ff之後主線發展就黎呢邊

兩個post都要推爆

真係好想快啲到今晚八點
過得好漫長