《香港傭兵》(8)

「嘩！你學足綽姿啲衰嘢喎！」

『邊係學佢姐～我見你咁有愛心～』

「你又唔係小朋友！」

『但我都好可愛吖～』

「你呢啲叫戇鳩呀！」

『戇鳩同可愛咪差唔多～』

「唉好喇好喇好喇怕咗你呀！反正你都唔會長命㗎啦！四十就四十啦！豪俾你呀！」

“叮”一聲響...

俾完錢之後，我就將啲精神液放喺綽姿啲衫入面。

得返761 Sil...

係唔係要問綽姿拎返呢？

「咦？啱啱幫綽姿洗完衫吖？」東叔八八卦卦咁望籃衫。

我立即攬實綽姿籃衫：『唔好打綽姿啲衫嘅主意！』

「你唔好講到我好似個變態佬咁得唔得呀？」東叔冷眼望住我。

你唔係似...不過你係囉...

就喺呢個時候，電話震！

嗯？邊個打嚟呢？

我一望部電話...係Today Coffee？

『喂？』我攬住籃衫咁接聽電話。

「喂～而家得唔得閒吖？」Owner把聲就由電話裡面傳出。

『而家？得吖～』綽姿吩咐要我做嘅嘢都做晒喇～

「咁就好喇～有冇興趣嚟咖啡店幫手？返到七點～計返你...五十蚊一個...」Owner都未講完...

「起碼都一百啦！」我就聽到雨姐把聲喺Owner背後傳出。

「請個Part Time成舊水？！我執得啦！嗱飛揚！七十蚊一個鐘你Deal唔Deal？」Owner想快刀斬亂麻咁。

『呃...Deal...Deal...』反正綽姿話今日冇委託...我去收集吓情報都好！

「Deal～咁你盡快過嚟啦～收工時連埋尋日送外賣啲人工一次過出俾你啦～」

『哦...好好...』

「拜～」

『拜...』

唔講都唔記得...尋日做外賣仔係有錢收...

送咖啡豆俾...宋伯伯...

「屌乜嘢吖？」東叔又八八卦卦咁打量住我。

『冇...去To...想知吖？俾錢買吖～』所有嘢都係情報！要用錢買！

「車～睇你啲情報都唔慌會值錢啦～」東叔行出櫃檯...行去木門。

車～唔值錢咪唔好知囉～

今晚出完

三句預告

[Day 05－一天當下] PART 04

「唔送喇～」

“叮叮”行出糖果店...

Adam嘅情報

已經將[Day 05－一天當下] PART 03 Upload上Facebook同紙言

有冇咁多錢買吖

驚你賣埋舖都冇錢俾吖東叔

雨姐

你估東叔會信飛揚有關於ADAM嘅情報咩

機會嚟喇

凡夫俗子就梗係唔知啦

東叔係老江湖啦

原來做救護要識咁多嘢，真係雖然同行都未必知

btw,港醫FF呢類題材我寫唔出，因為現實唔係咁(起碼我未遇過)

話明係FF 就梗係要有返少少FF元素

落雨

冷冷雨WOW

reading week happy friday
仲係要做嘢

reading week

聽到你咁講即刻笑返
終於有得串返你

加油努力 飲住咖啡做

雖然方加係好 但係方太耐 不了