《香港傭兵》(8)

上回講到飛揚離開糖果店，返去放好啲嘢先。
放好自己啲衫，就諗要唔要幫埋綽姿摺。
諗咁多做咩吖？自己想就想啦～
尷尷尬尬又心郁郁咁幫綽姿摺好埋啲內衣褲，就拎埋張通行證（差啲唔記得～）出發去Today Coffee。
去到Today Coffee，原來得雨姐一個。
雨姐話Owner出咗去市區，輝哥又扮手痛唔返工！
飛揚俾返張通行證雨姐，問起出市區唔使用通行證？
雨姐話唔係用通行證，以前係要用批文。但而家西貢獻命接手後，就只靠一架紅Van出入市區。
雨姐仲話冇乜事就唔好出去喇。
飛揚又得知一樣唔知嘅情報。
雨姐交咗套制服俾飛揚，叫佢上去員工休息室換。仲話有個Locker可以俾飛揚用。
飛揚上到去，又係揀到最後先揀中個Locker。
次次都係咁！揀親都揀到最尾先中！
不過好彩最後都同到阿月一齊。
飛揚就將身上所有隨身物都放晒入Locker～（其實都係得電話、鎖匙同銀包姐～）
再除晒所有衣物Dom埋入Locker～（除咗底褲～）
換上制服，戴埋圍裙...
『點解好似...咁闊咁㗎呢？』
跟住既劇情發展又會係點呢？



準備出文