《香港傭兵》(8)

上回講到白髮少女放低錢後，坐返喺窗邊位。
雨姐收好錢，就去沖咖啡。
飛揚留意住白髮少女，見佢放本筆記簿喺檯面，轉轉手上支筆。
白髮少女身上總係散發住陣陣光芒。
就好似...天使一樣！
一個...唔會笑嘅天使...
就好似望到人間嘅疾苦之後，唔再識得喜悅。
眼中就只有...怨恨？
假如話綽姿係冷血無情嘅冷艷美人...白髮少女就係哀怒瞋恨嘅復仇天使！
「飛揚～幫我拎俾嗰個女仔～」雨姐將一杯Espresso同一碟黑森林蛋糕放喺櫃檯上，再指指白髮少女。
又係Espresso？
又令飛揚諗返起宋伯伯...
飛揚送餐俾白髮少女，又八八卦卦偷睇佢寫乜。
白髮少女望住飛揚！好似唔多鍾意人八卦佢啲嘢！
梗係冇人會鍾意俾人𥄫嘢㗎啦！
飛揚真係垃圾！
雨姐話教飛揚沖咖啡～
飛揚好用心咁學～學咗都成個鐘～
然後，梓翹嚟咗！（即係白髮男～）
雨姐叫飛揚沖多杯咖啡同拎多件蛋糕，出去同梓翹傾傾喎～
梓翹問起飛揚呢幾日過成點。
飛揚覺得自己唔死得總算托賴啦...
梓翹飲得出杯咖啡係飛揚沖～仲話每個人沖都會沖出唔同嘅味道～係個人獨有...所以飲得出呢杯咖啡唔係雨姐沖。
跟住既劇情發展又會係點呢？



準備出文