做一個見得下人/靚嘅女仔真係好貴

有啲人稱呀婆牌子，例如Olay，某啲產品係又平又好用，買衫又係，有啲50蚊店嘅衫，肯搵嘅其實款式唔錯、質地都唔錯，買到幾件又可以襯到唔同嘅風格出嚟，我都鍾意上網買衫，台灣嗰啲真係又平又靚嘅

台灣出名嗰兩間我都有買過，雖然多數啲款都幾老土吓要揀好耐，不過質料係幾正手工又唔差
買過一條連身長裙先12x港紙，但係喺香港買我好肯定要400以上先落到樓
平時啲內搭小可愛襯換季sale先20~40蚊件，拎嚟拖地都抵
我自己本身鐘意日系衫，所以台灣買會啱我啲

我比較好運，連續3段感情都係靚女。
但經驗話比我知女人要靚真係冇錢會死的。
一個女人自知有market, 有自信，對你都唔會咁多臭皮氣，只要唔好離題太遠，要和平相處唔難，反而變哂黄臉婆佢自然會日日發你爛咋因為怕失去，好似你欠撚左佢咁。

我會好樂意同我女人分享扮靚之道，佢happy自然少找你麻煩。

係呀，呢啲我都會睇下，但我好懶，通常用開就好少轉，轉季好唔掂嘅話，我反而會用凡士林/冷壓椰子油，平時都用開椰子油落妝，所以粉刺黑頭都唔多，身體磨沙會用黃糖+蜜糖，已經好夠。

椰子油對我太笠，就算薄薄搽一層都好唔舒服，我自己秋冬用有shea butter+ argan oil嘅body lotion/ body butter就啱啱好，或者直接用有精油嘅按摩油，比椰子油易吸收好多
身體因為我有濕疹所以除咗用磨砂鹽之外都唔敢用其他嘢

我就鍾意民族嘢、純色簡單嘅、歐美風格都會著，有好多飾物係去泰國旅行去啲地攤搵，又平又夠特別，出去買衫會行H&M嗰啲連鎖店，有時會搵到好嘢

香港街舖啲民族嘢貴到仆街，我真係諗唔到點解仲會有人唔上網買衫
我有條印花裙喺旺角買要成4舊水，我心諗上外國網400蚊分分鐘可以買條特製裙，etsy好多開細舖嘅外國人會自己車件衫出嚟，只此一件賣完就冇，所以100%唔會同人撞到款而且又唔係話特別貴
民族嘢我都鐘意同埋有留意吓，但係好少會著上身因為覺得唔啱自己個aura

濕疹有隻羊奶lotion好似幾唔錯，我有時都會爆濕疹，不過唔係經常同好嚴重，你可以試下煲紅豆薏米水，千其唔好落米，通常我濕疹起，日日飲一後時間就會無事，雖然唔一定啱你，可以試下work唔work先，濕疹好痛苦，希望幫到你啦

我係轉季、壓力大、出汗就會發，好難避
嚴重發炎嗰陣啲濕疹R落去係痛，但係唔R又痕到瞓唔到
我諗我淨係會煲薏米水因為我唔鐘意紅豆...

係 貴到痴線，所以好少係香港買，淘寶都有試過，比香港平啲但都唔係話平嘅，但嗰間淘寶店啲衫質地唔錯，其他淘寶店就無試過。

我都唔係好carry到太花嘅outfit, 所以通常都係淨色+部分印花，已是極限，否則變渡假師奶

呢個湯紅豆好緊要，無咗功效起碼減半，如果你只係唔鍾意食，可以唔食，因為唔洗煲到起沙，但如果係唔鍾意陣味，咁可以用赤小豆代替，效果仲好。

你可以參考吓日式民族風喎，好似TITICACA嗰類其實日系好多都係偏簡約，好易著出街咖，不過佢哋比較講層次，香港就好難夏天35度著幾廿層布囉

淘寶我諗有生之年都唔會去買嘢，喺我角度完全唔可靠，買嘢都要靠搏

就咁滾兩吓就飲得？紅豆係唔鐘意佢陣味囉
如果講去濕我諗薏米都算溫和，叫做人人都飲得，好過啲去濕茶，因為我係完全唔信中醫的

謝謝推介

淘寶的確係抽獎嚟，好彩嘅就搵到間好嘅，唔好彩就買成堆垃圾，所以好間中先會淘。

唔係呀，要浸咗啲豆先，瞓覺前浸，第二朝倒埋一齊煲半粒鍾左右就飲得。

我意思係可以參考返呢種風格嘅衫啫.... TITICACA啲布料入舖摸過無論冬季夏季都係咁厚，喺香港點著呀 而且香港舖啲款少過日本好多，如果要上日本網購其實呢個價錢都唔洗考慮佢了

淘寶好多睇得上眼嘅衫都唔係話特別平，打keyword又永遠搵唔到自己想搵嘅嘢，啲款又老積又娘，仲要畀個腐皮都要驚比人寄神主牌，我真係打死都唔會去嗰度買，無論係對賣家、用料、平台都冇信心

或者綠豆都得，赤小豆可能要煲耐啲，因為皮硬，唔知你怕唔怕寒涼，如果怕嘅可以加紅棗、桂圓或者薑。

thank you 搵日得閒試吓先

黎緊諗住搞呢類型生意
見到你呢個post好似打左強心針

你買左你男朋友都唔知架啦

好多做完都唔靚
不如節省少少