咁你又誤會咗喇,我段段關係都唔短時間,以前都會想結婚,到而家我唔覺得女人一定要結婚生仔先叫完滿,人生太多嘢可以做,感情只係其中一小部分,所以我唔執著。
拍拖會傾向著重大家就算觀念唔一樣,會唔會互相尊重、良好溝通、覺得段關係舒服,咁先會磨合到。將來再有選擇都未必會揀,因為唔係太多人可以一齊做到以上嘅嘢。
本身唔係女神級,但感謝父母,個樣叫見得下人,我比較著重內在,calligraphy、畫畫、古箏、唱歌、文學、哲學都係興趣,屋企嘢嘅話,都叫煮得一手好餸,縫紉、砌傢私同簡單維修都無問題,以上嘅嘢全部係自己鍾意先去學,非常享受。
到最後,我話大家思維唔同選擇唔同嘅意思係:
我唔覺得人生有既定軌道,唔一定係讀書、做嘢、結婚、生仔、退休、死。另一半唔一定要好有錢,可以唔靚仔,但一定要有遠見,有內涵,只求柴米油鹽以外,亦懂得生活係種藝術。所以,我非常支持男朋友有自己興趣,例如玩高達,charm到爆
我仲會叫佢教我,之前買咗隻魔蟹,遲啲會一齊砌