[講故台]天后個紋身師傅紋啲圖案識發光

lm

點解要咁快俾我見到個post..

極速留名

留名

仆街 咁快睇完

太早入嚟

Fb睇完

三哥

「妳先係個紋身師？」那男人終究知道自己搞錯了，

「係，如果想嚟唔該預約，我唔接walk in。」紋身師傅打了個呵欠說，

「你條死靚妹，玩鳩我咁話嘞？」那男人盯向嘉茵，

「唔……唔係呀……我都話我唔係……」嘉茵眼淚已不停打轉，

「咁大個人唔好恰細路女啦，阿茵妳咁夜仲喺度搞乜呀？」紋身師傅嘆道，

「佢……佢……迫我幫佢紋條龍……」嘉茵嗚咽道，

「唔好意思阿生，我唔紋龍，你哋走啦。」紋身師傅聞言搖首說，

「我哋大佬搵你紋你執到啦！男人婆你咪撚咁串呀！」站在店內的惡漢喊道，

「仆你個街，銅鑼灣有邊個唔識我潮興金毛獅？今日我搵人紋條龍啫，呢個叫我紋卡通，嗰個又話唔撚識？」金毛獅說罷站了起來，

「呢啲你去旺角搞啦，我畫嗰啲你孭唔起㗎，阿茵你咪鬼喊啦，執埋啲嘢返去先啦唉。」紋身師傅嘆道，

「唔撚畫完條龍邊個都唔準走！！」金毛獅怒喝道，

紋身師傅長嘆一口氣，坐下來拿起筆飛快地畫起來，嘉茵被嚇得花容失色，只覺舖內惡漢隨時都會撲上來將她當場分屍。

「嗱。」紋身師傳將畫紙塞給金毛獅，

「成龍？！！！」金毛獅看畢怪叫一聲，

「龍呢家嘢亂紋會出人命，試下其他圖案，成龍唔啱咪攞嗰本簿睇下囉，你鍾意林文龍都ok呀。」紋身師傅說，

「屌你老尾同我拆咗間舖佢！！」金毛獅憤然吼道，

未待任何惡漢動手，紋身師傅閃電般拿起紋身機，把針抵住了金毛獅的咽喉。

「夠膽你就隊落去，睇下你走唔走得出天后！」金毛獅惡狠狠道，

嘉茵是尋常人家，何曾面對過如此情況？她驚慌失措臉色蒼白，相反師傅卻無動於衷，只冷眼打量金毛獅蠢蠢欲動的手下們。

「呢度唔歡迎你哋，同我出去。」她冷哼道，

「兇鳩我呀？郁佢！」金毛獅渾然不懼喝道，

幾個手下壯起膽，同時衝向脅持著金毛獅的紋身師傅，嘉茵站在她身後，看見師傅的手臂一抖，然後某個紋身圖案彷彿泛起了光亮。

師傅手臂的異光一閃即逝，除了嘉茵外沒人察覺得到，只見她左手捏住了金毛獅的後頸，像提小雞般把比她高上大半個頭的壯漢扔了出去，力道之猛讓接住金毛獅的幾個大男人一同仰後跌倒，把舖內的傢俱撞得東歪西倒。

惡漢們掙扎著從地上爬起，每人皆一臉詫異，似是無法理解剛才發生之事。

「妳係咩人！」金毛獅馬上明白遇上了深藏不露的高手，

「門口有寫，梁鳳紋身店。」紋身師傅瘦削的身型卻散發著攝人的氣勢，

「妳好嘢！睇撚住呀！」金毛獅竟然不敢造次，

拋下老土的對白後，金毛獅悻悻然帶著手下離開了紋身店，店內像刮過一陣暴風，轉眼便剩下梁鳳和嘉茵二人。

「點……點算呀鳳姐……我報警……？」嘉茵六神無主說，

「我講過唔準叫我鳳姐㗎啦，唔使報警，佢夠膽再嚟先算。」梁鳳嘆道，

「但……但係……」嘉茵一副欲言又止的樣子，

「得啦，妳返去先，聽日唔使過嚟，啲嘢我會執。」梁鳳制止她再說下去，

既然師傅如此交待，嘉茵也不好再說，唯有收拾好東西離開。

天后街道上，金毛獅一行人滿臉頹喪，為首的金毛獅弄得灰頭土臉，腔中一口氣是無論如何都嚥不下去了。

「屌那星，一個二個都當我哋潮興冇料，文員仔又咁好打，紋身妹又咁好打，仆你個街！」金毛獅忿然說，

「大佬使唔使我吹雞返去覆灼呀？」手下問道，

手下們頗不理解，往日金毛獅乃以好勇鬥狠見稱，如今卻稍被挫銳氣便馬上撤退，實在與老大的脾性不符。

「覆到佢爛呀！同我查下條女係咩料！」金毛獅惡狠狠道，

潮興本是江湖大幫派，與另一社團和聯安分庭抗禮，不過最近潮興四大紅棍率過百幫眾滋事，卻被兩個名不經傳的普通人擊退，名聲一落千丈，甚至淪為江湖笑柄。

金毛獅很清楚手下們信心動搖，假如連區區紋身師傅都擺平不了的話，對他的管治威信絕對會造成莫大損害。

不過身為會友樓一役當事人之一的他，當日慘敗的情境仍歷歷在目，挫折使他行事變得小心，所以他寧願急流勇退，為的就是作好萬全準備，因為他已負擔不起再一次的失敗。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

點解我要咁早睇到個post

留名

係三哥呀

留戀講故台，只因三哥一人

做咩會搵天后做背景

Lm

三哥出品，正評要緊

太早入

三哥

屌 唔小心撳咗入黎

太早入黎

三哥

親

留名

三哥




最近追性病奴個post
覺得三哥真係以前講故台清泉