184 Like
4 Dislike
忽必烈
2018-06-07 01:39:08
由第一個post追到上黎
lastjedi
2018-06-07 01:57:54
SonyQ
2018-06-07 03:48:14
加油
一點綠
2018-06-07 07:54:48
傻啦,最後都係大鳩志食,邊到會有你份
紗夏的浴缸
2018-06-07 15:27:10
大鳩志扮好人幫你咪又係為左食
呂靜宜
2018-06-08 07:21:52
想食女就爭氣d啦
仲好似小學雞咁
馬騮王孫悟空
2018-06-08 08:23:46
布癲唔得
最好係楊鳳瑤
即是咁
2018-06-08 09:17:38
Why not both
馬騮王孫悟空
2018-06-08 10:48:27
忽必烈
2018-06-08 14:50:01
推
smartwater
2018-06-08 21:08:34
游大輝
2018-06-08 22:16:40
推呀!
春泥
2018-06-08 22:26:54
打緊
夜啲
各位可以選擇明天看
馬騮王孫悟空
2018-06-08 23:34:41
輕輕一推
摸托蘿奶
2018-06-08 23:36:05
加油,記得要休息夠,春巴有健康,我先有好文睇
春泥
2018-06-09 00:31:16
正當我暗自為游大輝祈禱之際,一聲刺耳的鳴笛響起,男子甲組一百米的決賽正式展開。
八位參賽者如脫兔般彈離起跑線。
在初段的時候,六號線的藍社學長稍稍領前;二號線的陸永祥緊守第二;四號線的尚興國與五號線的關國安只是排在第四與第五名。
霍去登與林海原見狀立時為陸永祥立喊助威,道:「阿祥加油!阿祥加油!」
宛琳珊亦高呼道:「陸永祥,跑快啲啊!」
在爭奪宛琳珊芳心的一事上,我是站在游大輝那邊的,所以現在的形勢讓我有點不是味兒,我又不便替尚興國和關國安打氣,在三人的身旁我只好裝裝樣子,有氣無神地喊道:「阿祥加油!」
我心中暗怪尚興國和關國安二人不長進。
就在離終點還有四十米的距離,比賽出現變化,尚興國和關國安在此時倏地加速,一把將陸永祥擠在身後。
霍去登等人見狀亦焦急起來,嘶聲地喊道:「阿祥加油!阿祥加油!」
還剩下二十米的距離,尚興國、關國安和那名藍社學長三人爭持得相當激烈。
到了最後十米尚興國與關國安二人同時帶離藍社學長,最後兩人叮噹馬頭衝過了終點,而陸永祥只能以第五名完成比賽。
春泥
2018-06-09 00:31:37
宛琳珊一臉失望道:「吓!跑得第五咋!」
林海原替陸永祥說好話,道:「其實阿祥攞個第五都好叻架喇!妳頭先都睇到阿祥跑得幾咁快架啦!佢搏晒命去跑架,只不過今年啲對手太勁嘖!」
宛琳珊瞥了我掛在頸上的金牌一眼,道:「連成皇志都有金牌攞,陸永祥真係無用啊!」
林海原道:「佢嗰個項目得七條友參加,都無人留意嘅!一百米賽跑喺全場嘅焦點!兩樣野無得比嘅!」
我心想:「我攞個無人睇嘅擲鐵餅金牌,點都好過好多人睇住攞個第五喔!」
我當然沒有把我真正的想法說出來,我還違心地附和林海原的說話:「係囉!阿祥已經盡咗力,其實輸贏唔重要,正所謂友誼第一,比賽第二。阿祥佢雖然輸咗,但係已經贏盡掌聲。」
春泥
2018-06-09 00:35:33
我離開了黃社的觀眾席,由觀眾席後方的通道回去紅社看台,宛琳珊從後追出來,道:「喂!成皇志。」
我有點愕然,問道:「咩事啊?」
宛琳珊臉上掛上人畜無害的笑容,道:「你送你嗰塊金牌畀我得唔得啊?」
「吓!點解啊?」
「因為我就嚟生日囉!」
「咁…關我咩事啊?」
「你…唔係咁孤寒,塊牌又唔係真係用金做嘅!」
「雖然塊牌唔係用真金做,但係我依世人應該都無乜幾何攞金牌,留番做紀念都好啊!」
「有咩好紀念啫!」
「其實你可唔可以話畀我講,點解妳咁想要金牌嘖?」
宛琳珊倏地現出傷感的神情,道:「我…想試下第一嘅滋味,就算唔係用自己嘅實力都得,我都想感受下冠軍係點,唔想成日做第二。」
我有點理解宛琳珊,以她這樣出眾的相貌,在校花榜卻屈居在布正麗之下,而她亦曾在言語間表示對呂靜宜的嫉妒,這一刻我有點同情她。
「又唔駛突然變到苦瓜乾咁嘅樣,妳想要金牌嘖,我送畀妳囉。」
我把那面掛在頸上的金牌除下,交給宛琳珊。
宛琳珊接過金牌,獃了獃,才道:「你唔係話要留返嚟做紀念咩?」
我用手撥了撥頭髮,裝帥道:「就算我將金牌送咗畀妳,仍然改變唔到我係擲鐵餅冠軍依個事實。」
宛琳珊噗哧一笑,道:「咁多謝晒喎!」
宛琳珊正要轉身離去之際,我道:「等陣,唔好畀陸永祥知道我送咗個金牌畀妳。」
「哦!好啊!」
我要宛琳珊不要說給陸永祥知道,是怕小氣的陸永祥又再誤會我。
春泥
2018-06-09 00:39:39
此時,尚興國和關國安回到看台,尚興國喚道:「喂!阿志。」
我瞧見尚興國掛在頸上的是金牌,便道:「嘩!叻仔喎!你地兩個包辦頭一二名,但係點解你地唔一開始就發力啊!頭先嚇得我喔!」
關國安道:「留前鬥後不嬲係我地嘅策略嚟。」
尚興國道:「阿志,你個金牌呢?」
「送咗畀人喇!」
尚興國臉上出現一個猥褻的笑容,道:「送畀囡囡啊?」
「係啊!不過唔係你個衰仔諗嗰種。」
關國安拍了拍尚興國,道:「阿國,頭先賽跑輸你一啲,但係靜間跳遠我唔會輸畀你嘅!」
我道:「大家都係自強會嘅人,邊個贏邊個輸有咩所謂喔!」
二人離開後,布正麗與她的兩位朋友譚慧詩和許詠欣迎面而來。
譚慧詩瞧見我道:「喂!成皇志,見到你就啱喇!」
我奇道:「咩事啊?」
許詠欣道:「我地知道你對我地布甸娘娘起痰好耐,依家畀個機會你,獻出你塊金牌,當送畀娘娘做生日禮物。」
布正麗啐道:「譚慧詩、許詠欣,你兩隻野好大膽啊!膽敢戲弄哀家。」
我有點詫異道:「又要金牌做生日禮物?究竟發生咩事啊?」
譚慧詩把手上的YES遞給我看,道:「嗱!依到星座運程預測寫住,今個月生日嘅人馬座,運程糟糕,收到冠軍獎牌先可以轉危為安。」
許詠欣道:「嗱,成皇志,依次個天都幫緊你啊!今次你立下大功,隨時兵仔變侍衛長架!個金牌呢?快啲攞出嚟啦!」
宛琳珊也是今個月生日的,而她又是YES雜誌的忠實支持者,她一定有看過星座運程預測,所以她…剛才是騙我的。
許詠欣催促道:「喂!快啦!個金牌呢?」
我苦笑道:「我…頭先送咗畀宛琳珊。」
許詠欣聞言,指著我道:「叛徒,你依個叛徒,居然背叛娘娘,向宛琳珊獻殷勤。」
布正麗道:「喂!許詠欣,唔好發癲啦!啲星座預測邊到信得過架!真係咁準嘅話,寫嗰個晨早發咗達啦!」
布正麗雖然這樣說,但我感覺到她好像有點失望。
此時揚聲器響起:「男子甲組跳遠第一次召集。」
我道:「妳想要金牌啫,妳等我一陣,我依家去贏畀妳。」
布正麗瞧著我,愣了愣道:「哦!好啊!」
我步下了樓梯,感覺剛才自己的說話好像有點怪。
土木工程(失業中)
2018-06-09 00:42:28
機會黎啦
游大輝
2018-06-09 01:24:30
支持兩面通吃