163 Like
6 Dislike
天天過馬路
2017-01-04 00:14:03
文呢
春泥
2017-01-04 00:34:12
Chapter 34 衝突(中)
我跟隨布正麗等人到了8座一個位於三樓的單位前,還未打開門,便隱約聽到內裡播放著節奏強勁的音樂。
我心想幸好我不是與這家人為鄰,不然我應該會因為睡眠不足患上了燥鬱症。
許詠欣拍著門,喝道:「建華開門啊!」
許詠欣持續拍了一分鐘門,我道:「依家成十二點喇!咁大力拍門會唔會嘈住街坊瞓覺啊?」
布正麗道:「怕咩喔?隔離左右成日都打通宵牌架啦!」
經布正麗這麼一說,我真的隱約聽到一陣陣麻雀碰撞的聲音,訝道:「吓!聽日啲人唔駛返工咩?仲打通宵牌?」
譚慧詩應道:「依度仲有酒吧!你畀錢就可以去飲酒、食花生、睇波添!」
「吓!妳意思係依度有人用間公屋做生意?」
布正麗戲謔道:「有啲伯父喺金花睇完咸片,上嚟8座搵啲阿嬸解決添,睇你個樣都係青頭仔啦!不如益下啲阿嬸啦!隨時有利時收啊!」
布正麗話畢,譚慧詩與許詠欣抱腹大笑。
我冷哼一聲,道:「處男?我八、九年前就唔係啦!」
「嘩!你唔好吹大啲,六、七歲就破處。」布正麗笑道:「譚慧詩,本宮之前話要賜個精壯嘅男人畀妳嘅!嗱!現成有一個,佢頭先係公園做掌上壓架!都算得上精壯。」
譚慧詩吃吃笑道:「布甸,食屎啦妳!」
這時,門終於敞開,出現了一個頭髮稀疏的胖大叔,觀乎他的神態舉動,好像精神智力均異於常人那種。
許詠欣拍了那個胖大叔的頭一下,道:「建華,作死你啊!咁耐先開門。」
春泥
2017-01-04 00:34:25
那名叫建華的胖大叔,咧開嘴現出了一排又黃又不整齊的牙齒,笑道:「吃吃,歌好大聲,聽唔到。」
我跟隨布正麗等人進了屋內,經過建華身旁時,與他點頭打了個招呼,但他只是吃吃傻笑。
進入屋內,伊麵的友情歲月,在這不足三百尺的公屋裡迴盪,啤酒罐、零食包裝散落了一地,南乳和另一名金毛飛在廳中打PS。
布正麗走去把音響關掉,南乳罵道:「屌!邊撚…」
當南乳瞧到布正麗,立時改口,道:「喂!布甸,上咗嚟啊?」
布正麗與另一人打招呼,道:「喂!阿謹。」
阿謹道:「喂!布甸、阿欣、阿詩,妳地咁遲先上嚟啊!」
那個叫阿謹的應該就是上次在創藝與南乳在男厠抽菸聊天的那一位。
譚慧詩道:「吓!啲人走晒喇?」
南乳道:「仲有子明同佢條女。」
許詠欣打量了四周一眼,道:「咦!佢地喺邊啊?」
阿謹放下手掣道:「嘩!唔得啊!真係急屎啊!」
南乳罵道:「仆街,輸緊三球借屎遁。」
「得喇!依場當我輸,靜間畀錢。」阿謹走到厠所門前,用力拍打著門,罵道:「仆街仔,拉埋條囡入厠所扑野,你扑撚完未啊!屌柒你。」
一把聲音從厠所響起:「嗄!嗄!唔好…催,等多陣,就得喇!」
春泥
2017-01-04 00:34:51
待續
天天過馬路
2017-01-04 00:37:42
成日都咁少
Patone
2017-01-04 00:38:25
捉布甸入廁所啦
科大衛斯理
2017-01-04 01:10:08
嘩屌正喎,會唔會有阿雞 大王出場?
悲觀的人
2017-01-04 01:12:05
之前幾悶 終於有趣返 可唔可以多啲
單吊西2
2017-01-04 08:30:16
得咁小,唔夠喉喎
溝通唔到
2017-01-04 08:56:33
屌布丁未
陸公子
2017-01-04 11:00:53
好小文
春泥
2017-01-04 11:11:27
腦便秘
多野煩
狀態不振
Redbull當水飲
2017-01-04 13:42:14
比拿勇
2017-01-04 17:28:23
呢排好似少左人推
加油樓主
更壞
2017-01-04 18:02:56
而家大鳩志係咩髮型?
Skinhead應該會畀MK笑到仆街
寂寞在淫蕩
2017-01-04 23:10:25
春泥
2017-01-05 00:06:22
唉!
SORRY 今晚無晚
依排真係唔知咩事
明明知道點寫
總係有啲位寫唔到
Redbull當水飲
2017-01-05 00:08:35
FeelsBadman
無限可能性
2017-01-05 00:09:21
放鬆d
春泥
2017-01-05 00:25:48
其實我打緊
可能年尾
多野做,有壓力
剛剛個客仲打畀我問野
聽朝要一早返到公司PREPARE
春泥
2017-01-05 01:06:40
未幾,一名把頭髮染成紅色的青年從厠所步出,他應該就是子明,跟隨他身後的是一名五短身材,濃妝艷抹,但瞧去難以斷定是否已屆十六歲的少女。
那名少女一邊從厠所步出,一邊整理身上的衣物。
抱著肚子,雙腿擺成詠春二字鉗羊馬的阿謹,抱怨道:「仆街仔,係咪要玩晒啲花式先捨得出嚟啊!死開一邊,我就嚟瀨喇!」
阿謹推開了子明,走進了厠所。
子明攬住那名少女的腰,走回客廳,南乳一臉淫邪地笑道:「嘿嘿!子明,頭先玩咗咩體位啊?」
面對南乳這麼露骨吮核的話,那名少女並沒有現出女兒家的尷尬難堪狀,只是白了南乳一眼。
反而那叫做子明的紅毛臭飛,一臉靦腆害羞的模樣,罵道:「關你春事咩?你未除褲就派報紙啦!」
南乳放下PS手掣,一隻手勾住子明的頸,另一隻手對子明施以猴子偷桃,道:「派報紙啦喇!」
差點被南乳捏著春袋的子明,一把將南乳推開,罵道:「走撚開啦!死基佬。」
子明打量了布正麗一眼,道:「咦!布甸,妳地嚟咗啊?」
子明的視線與我相交,道:「咦!布甸,依個係妳個FRIEND啊?」
布甸道:「哦!FRIEND就算唔上,大家讀同一間學校咁囉!佢同屋企人唔妥,坐咗係公園度食西北風,見佢咁慘,咪帶佢上嚟囉!」
春泥
2017-01-05 01:06:55
子明笑道:「我見佢個頭成堆草咁!妳唔講,我仲以為佢係建華啲工友嚟添!」
譚慧詩和許詠欣哈哈大笑。
我聞言真的有點尷尬,最近太忙沒有空去打理頭髮,明天放學趁有時間,恤個靚髮才去上班。
南乳上下打量著我,倏地膛大雙眼道:「哦!你條仆街,就係上次喺條街撞到嗰個光頭仔,布甸,妳引佢上嚟係咪要我地執佢劑勁?」
南乳話畢立時磨拳擦掌,現出一副躍躍欲試的模樣。
布正麗嗔罵道:「死開啦!南乳,你好好打咩?之前叫你去打拳佬,你又淆晒底。」
南乳笑道:「布甸,唔通我同妳講打到拳佬入廠嗰個就係我咩?有好多野我都無同妳講嘖!」
布正麗臉上漾出了一個甜笑,悄悄瞥了我一眼,再向南乳道:「我知道打到拳佬入廠嗰個一定唔係你囉!」
我聞言有點作賊心虛,下意識垂低了頭,迴避著布正麗的目光。
南乳冷哼一聲,道:「妳咁肯定嗰個唔係我,唔通妳知道係邊個打爆拳佬?」
子明插言道:「喂!我要送條囡返屋企,走先,聽日再上過嚟。」
幸好這個紅毛臭飛及時轉移了布正麗與南乳的話題。
春泥
2017-01-05 01:08:42
待續
將軍澳屌板男
2017-01-05 01:15:43
加速
更壞
2017-01-05 01:30:27
而家大鳩志係咩髮型?
Skinhead應該會畀MK笑到仆街
子明笑道:「我見佢個頭成堆草咁!妳唔講,我仲以為佢係建華啲工友嚟添!」
答咗