[突發]新年流流，我中咗嘉頓之神嘅詛咒

「係呢，我個衰仔佢平時上堂係咪好曳㗎？有冇成日掛住騷擾女同學呀？」阿媽好似估到我諗緊乜，冷不防就射一枝冷箭，

「冇呀冇呀，不過有時會……亂講嘢咁囉！」女班長掩住嘴笑，

我冇諗過過年都可以見到女班長，就算俾阿媽借啲意抽水都完全影響唔到我嘅心情，之後所有義工分組行動，阿媽竟然俾機會我同女班長兩個一組，嗰一刻我差啲就想大唱「世上只有媽媽好」。

我同女班長兩個人去到老人院嘅房間，送一啲賀年禮物之餘仲同公公婆婆傾下計，住喺呢度嘅老人家好多係冇小朋友或者獨居嘅，所以見到咁多人嚟拜年都好開心，仲係咁捉住我哋講故仔。

我哋去到一個房號，老人院嘅代表話呢個婆婆平時好少講嘢，叫我哋派完禮物寒暄下就得，房入面嘅婆婆坐咗喺度睇電視，態度定確係比其他老人家冷淡。

「新年快樂呀婆婆，祝妳身體健康萬事如意！」女班長搶先破冰，

婆婆點點頭，接過禮物之後派兩封利是俾我哋，但似乎冇特別想講嘢，然後佢望一望盒朱古力，竟然將盒嘢俾返女班長。

「你攞去啦，阿婆唔食朱古力。」婆婆好簡略咁講，

「咁呀，不如試下呢個朱古力餅呀，幾好食㗎！」女班長換另一盒出嚟，

阿婆擰擰頭，推開女班長隻手表示唔要，點知女班長拎唔穩差啲成個盒跌埋，我反射動作過去幫佢接住，但係一掂到個盒已經心知仆街了。

「不如我擺喺度，婆婆你肚餓可以拎嚟食下喎！」女班長發揮佢驚人嘅毅力，

「算啦……婆婆唔想食咪由佢囉……」事到如今，反而係我唔夠膽放低手上嘅盒，

可能婆婆都唔忍心再拒絕女班長嘅好意，佢輕嘆口氣點點頭，話開出嚟大家一齊食。

「咁客氣㗎哈哈，呢盒跌過可能碎呀，出去換過盒俾你呀婆婆！」我即刻搵理由想退出房間，

「唔使，唔緊要。」婆婆搖搖頭，堅持叫我放低，

呢個時候我冇辦法再頂落去，唯有硬住頭皮將盒餅放低，然後女班長幫手打開盒餅，搞到我完全唔敢睇接下來會發生嘅事。

我都等緊

阿婆都中咒

新人留名

咁就live咗 三哥新年事事如意

辛苦三哥bb年初一都俾文了

燈神呢

屌又live

什餅鈎起啊婆舊日時光

阿婆會唔會將成世人儲落未講過既野用粗口發泄出黎

原來佢同男主有相經歷
但因為佢無jj
同嘉頓神過到電!

三哥我愛你

勁過五餅二魚
Btw幾時有直入式廣告

留名

F5㩒到爛喇

係咪想搞到三哥唔出文

講還講
唔好貼

我搵唔到鏢局

留名

又live左

LM

LM

唔好貼個本呀

上年有人一貼三哥就完左個故