[突發]新年流流，我中咗嘉頓之神嘅詛咒

Holland威呀
呢幕好有畫面感

三哥

三哥送舊年～

好好笑啊仆街

老豆先係主角

三哥

三哥

呢段好撚正

好正呀三哥
留名支持

一家三口搭上地鐵，我全程都喺度思考緊自己身中嘅詛咒，搭車期間我冇乜出聲，搞到阿媽反而覺得奇怪。

「點呀你係唔係身體有咩唔舒服呀？」阿媽問，

「唔係呀我喺度諗緊，其實……我中嘅好似唔一定係詛咒…」我認真回答，

「係囉，話唔埋遲下直接變啲錢出嚟呢！」阿爸講笑話，

「你點做人老豆㗎！下下講錢咁市儈，一陣教到個仔好似你咁就死啦！」阿媽反咗下白眼，

「似我佢執到啦，娶到個靚老婆返嚟！」阿爸笑說，

阿媽不知幾受落，口裡說「死佬」，臉上又笑到四萬咁口，而我例牌冇理兩位長老耍花槍，低頭喺YouTube搵一段影片。

「你哋有冇聽過陶瓷娃娃嘅故仔呀？」我舉起部電話，

「哦，咩公仔會自己返嚟嗰個鬼故？」阿爸說，

「唔係呢啲老餅嘢啦，係網上面嘅潮文改版！」我難掩臉上嘅興奮，

父母茫然嘅反應早就喺我預計之中，我打開一段「陶瓷娃娃」嘅潮文聲畫版，等佢哋可以明白我講乜。

相傳一對受詛咒嘅陶瓷娃娃會死纏住宿主，無論佢點樣賣走佢哋都識得自己返屋企，潮文主角就利用呢個特性不斷上網bid走對公仔，再等佢哋自己返嚟，如是者重覆N次就賺到咗第一桶金。

「叻仔！冇辜負你老豆我嘅良好基因同埋一番栽培！」阿爸已經立即明白我想講乜，

「唉……真係似足你呀，成日諗埋啲屎橋……」阿媽都估到咩事，

我嘅立論非常簡單，無論我掂到咩餅都會變嘉頓什餅，咁如果我收一堆過期或者大陸平價冒牌貨返嚟，將入面變晒做什餅之後再轉售圖利，咁我呢個冇成本嘅「詛咒」咪可以令我變成生產餅乾最快速嘅人肉機器？

「我橫掂都唔知點樣解開詛咒，咁不如抓緊呢個發展機遇，賺返筆好過啦！」我半帶激動咁講，

「好！果然係我嘅乖仔！」阿爸老懷安慰咁猛拍我膊頭，

「唉我冇眼睇呀，你兩仔爺玩飽佢啦。」阿媽一臉不以為然，

返到屋企，我同阿爸搵咗一堆過期餅出嚟，當我雙手一摸之後，裡面放到霉霉地嘅餅就變晒做新鮮鬆化嘅什餅，我同阿爸都忍唔住大聲歡呼，仲喺度諗計點樣將啲餅重新包裝出售。

我哋傾到興高采烈，準備初二拜完年就去實行大計，就喺同一個夜晚，當我瞓著咗之後，我竟然又夢見自己去咗巨型餅罐入面，然後全身紅噹噹嘅嘉頓之神就出現喺我面前。

出一次文就live一次

lm

lm

三哥 三哥