[突發]新年流流，我中咗嘉頓之神嘅詛咒

「阿爸，阿爸！你餵我食呢包餅呀！」

我放學喺學校足足用咗幾分鐘時間，利用工具將女班長包曲奇放入書包，只要唔直接掂到包餅就果然冇受詛咒影響。

等到阿爸放工返嚟，我懇求阿爸幫我拎包餅出嚟，我都未講咩原因，佢諗一諗日子再望下包餅已經估到係咩事。

「想當年呀，你老豆我讀書嗰時人稱……」

「唔好想當年啦老豆！求下你餵我呀，我唔敢掂呀！」我幾乎係眼泛淚光，

阿爸默默點頭，拎咗其中一塊餅出嚟放入我口，我閉上眼睛幻想係女班長親手餵我，然後輕輕咀嚼女班長特登親手整嘅特別心意。

一行眼淚輕輕喺我臉頰滑落，阿爸搭住我微震嘅肩膀。

「椰絲味定檸檬味呀？」阿爸長嘆一口氣，

「椰絲味呀……」

sad到

兩仔爺相對無言，阿媽呢個時候喺廚房行出嚟，望住我哋莫名其妙唔知搞乜，佢行埋嚟極速伸手拎咗塊女班長愛心曲奇，一啖就食晒成塊。

「嘩……咁鬼甜嘅……」阿媽居然仲皺晒眉頭，

「你做乜呀！仲刺激個仔！」阿爸即刻拎走包餅，

女神包餅只係剩返兩塊，我用衣袖抹走眼淚，同時感覺到一股前所未有咁大嘅動力。

「阿爸、阿媽，我一定要喺包餅變壞之前解開詛咒！！」我好激動咁講，

阿爸捉緊我表示全力支持，但係阿媽就好似見到兩個精神病人咁，搖搖頭入返去煮飯。

我積極上網尋找任何蛛絲馬跡，但係無論我點搵，最多只係見到咩什餅攻防戰嗰啲鳩嘢。努力兩日都唔見有咩進展，唔經唔覺已經到年初一，我又要跟住父母周圍去拜年，少不免就要俾啲姨媽姑姐問長問短。

「仆街啦……你俾嘉頓之神懲罰呀……」
個老豆講嘢好好笑

最多只係見到咩什餅攻防戰嗰啲鳩嘢

笑到仆街

Lm

冇陰公 搵老豆喂都搞唔掂
三哥

想問下邊到有前幾年既新年故睇

屌留番個靚名先

今年又有三哥紅罐故

又live

到底三哥同嘉頓有咩仇

三哥

三哥