[突發]新年流流，我中咗嘉頓之神嘅詛咒

二姑二姑

未睇先讚

新年一定會諗起三哥 同嘉頓什餅
尋日我仲買咗盒什餅做情人節禮物

隊草? 係咪我睇漏左，唔係好記得上幾集啲劇情

留名

呢件事雖然離奇，但係其實只要我唔食餅，基本上對我生活並冇咩影響，就喺新年假前最後一個返學日，啱啱好就係每年令到男孩子忐忑不安嘅情人節。讀男校嘅朋友可能唔會明白箇中苦與樂，喺情人節當日，女同學都會準備朱古力送俾男同學，每個男仔都熱切期待收到心儀女神嘅朱古力，暗自期盼當中另有含義甚至係性暗示星矢，但係同時又害怕受到冷落，全日都收唔夠兩粒黃豆。

情人節基本上係每年男同學嘅萬千星輝頒獎典禮，每個人都會扮晒無所謂，好唔專心咁做自己嘢，然後偷偷地打量拎住一袋二袋嘅女同學。通常每班都會有一兩個出木杉咁樣嘅仆街，又靚仔讀書又叻運動又掂，啲女例牌一開始就圍住佢哋派朱古力，未到第一次小息個櫃筒已經塞到爆爆地，即係一個頒獎典禮啱啱開波就頒咗最佳男主角，剩返咩美術呀、燈光呀、洗廁所呀嗰啲冇人想知嘅豬肉獎。

但係唔緊要，對我嚟講，其他林林總總無謂嘅朱古力我根本唔放在眼內，就算俾一千個胖妹嘅心意我，都抵唔上一粒靜香嘅祝福，由始至終，我嘅注意力都只係放喺女班長嘅身上，佢一雙清澈剔透嘅大眼睛、飄逸嘅馬尾、好清純好不造作嘅氣質都令我為之神往，頭兩節堂我都坐立不安，眼光無法從女班長身上離開。

卒之捱到小息，女班長拎出一個紙袋仔，開始向男同學派發軍糧，大公無私嘅佢竟然冇根據喜好開始，而係順住座位行數逐個男同學送，從來小息嘅時候大家都係鬥快衝出班房，但係呢一刻，所有男同學安坐位置之中，懷住接成績表嘅心情等待女班長。

到行嚟我嘅座位時，女班長嫣然一笑，露出潔白整齊嘅皓齒，我嘅心臟瘋狂亂跳，女班長神神秘秘將情人節禮物放入我櫃筒，然後佢細細聲喺我耳邊講咗一句：

「我自己整㗎，希望你中意。」

我望向其他男同學，佢哋收到嘅係kisses朱古力兩粒，但係放喺我櫃筒嘅，竟然係一包精美透明袋同埋蝴蝶結包裝住嘅朱古力曲奇餅，嗰一刻我心情猶像樽蓋等被揭開，差少少就喺班房入面大笑出嚟。

我難掩臉上狂喜之色，但就係我打算攞包餅出嚟嘅時候，我整個人彷彿俾冰水照頭淋過，手指凝在半空微微顫抖。

女班長整嘅係曲奇餅，換言之只要我用手一掂，就會變成一包什餅……！

仲有，今日係放假前最後一日返學，如果我唔拎走包餅，過完新年假女班長嘅特別心意就肯定會變壞發霉。

＝＝＝＝＝＝＝＝＝＝＝＝＝＝＝＝＝＝＝

LLIVE

係咪得我一個睇完笑到仆街

打開書包
拎本書撥包餅落書包

live 咗

年年新年 三哥都出文撚鳩啲什餅

可唔可以畀人開之後再餵

女班長餵啦

第三次live

搵野潑落書包返到屋企叫屋企人幫手開

三哥 加速

憎你老母

三哥

留名

神俾你嘅考驗，就係一個人一日之內食曬等於五餅二魚嘅什餅