[突發]新年流流，我中咗嘉頓之神嘅詛咒

啲橋段好撚正

紅貫中

好正

「嘉頓神多謝你呀！今次我發達啦！」我好開心咁同佢講，

「仆你個街，話晒都係懲罰，可唔可以俾下面唔好咁高興呢？」嘉頓神說，

「其實我一開頭好唔開心㗎，你知啦，女神整餅俾我又食唔到，不過正所謂食萬卷書不如行萬寶路，有危先有機呀嘛！」我笑住咁講，

「唉，你老豆老母點教你㗎，算啦，你同我道個歉當無數啦。」嘉頓神搖頭嘆息，

「吓？無數？你唔係想收返個能力啩？！」我聞言大驚，

「咩能力呀，詛咒呀死剷，俾你咁搞法容乜易產能過剩造成市場價格波動㗎！」嘉頓神皺起眉頭，

「我唔制呀！話俾就俾話收就收，你估全民普選特首呀！你重啟五部曲都幾大要諮詢下啦！」我即刻反抗，

「嘩……乜家下中學生通識教呢啲㗎？我以為背下毛語錄咋……」嘉頓神咋舌道，

「講起我就扯火呀，成日話00後呢樣00後嗰樣，你班老嘢有邊樣搞得掂㗎，中英談判、基本法、八萬五、領匯、每日150個新移民、人大釋法、全民普選、議員DQ……數到聽朝都仲得呀，仲好意思話我哋後生冇用！」我一輪咀咁講，

嘉頓神俾我講到有點兒不知所措，佢好尷尬咁乾咳幾聲，唔知道應該講啲乜好。

「新年流流唔講衰嘢呀，既然係咁，我唔收返個詛咒，淨係罰你以後食乜都變餅啦，BYE！」一講完嘉頓神就消失咗，

「喂！！」

我從床上彈起，窗外已經係日頭，夢嘅場景非常清晰，我即刻跳起身牙都唔擦衝出客廳，阿爸同阿媽起咗身食緊早餐，見到我咁匆忙都覺得非常奇怪。

「乜今日咁早起身……喂做乜搶我份早餐呀，買咗俾你啦喂！」阿爸俾我嚇窒，

我用手拎起舊蛋治狠狠咬一大啖，然後面色劇變，張開嘴將口入面嘅食物吐晒出嚟。

「嘩你懷孕呀咁Q核突㗎！！咦……點解咁㗎！？」阿爸即刻向後彈開，

只見我吐出嚟嘅唔係蛋治，而係一堆餅碎，我雙手抱住頭跪喺地下。

「仆街啦……！我食乜都變什餅呀！！」
＝＝＝＝＝＝＝＝＝＝＝＝＝＝＝

三哥

主角抵死! 仲係到寸柒柒咁

咁就含撚

食咩都變什餅 聽到都想嘔

唔敢想像食乜都變雜餅

食咩都變雜餅 無限整餅碎 勁過阿婆妹白雲鳳爪

又love咗啦屌

食乜都變什餅咁大獲

今晚一路食雜餅一路追live

三哥

3gor

去堆填區執垃圾食然後 lur 番出來賣。
解決全球糧食危機不是夢！

cls

會唔會即刻改劇本

不斷食金 炒起啲金價

屌

三哥萬歲 ！
祝各位年年有什餅食