[溫馨提示]拜年請鎖自己房門/保管重要物品

好成熟，心頭上重擊

推上岸

今日得咁少案例？

咁人始終要經歷過啲野，先會早熟嘅
得嘅話，我都想我童年一直都係個純真無知嘅小朋友
見過我嘅大人，都話我好早熟，好識諗（先天因素加埋環境，老人精養成）

因為早熟，我由幼稚園開始已經唔會扭計要老母買野（不過我好多時問老母一句果啲咩野黎，老母就會自動波買俾我，但我真係純好奇，唔係想要，但老母慣左用錢我嘅解決問題）
我又唔多鐘意出聲，成日都係自己睇下書睇下電視，又唔會周圍走同扭去街
好多時坐埋一邊好靜咁觀察大人同埋聽佢地講野，所以對大人黎講，我係一個好易湊嘅小朋友
而我亦可以八埋唔小秘密

我初中有咁識諗，皆因連間中學都係我自己揀，間學校有無泳池一年幾多次測驗考試英中定中中都係我考慮嘅條件，大人唯一要做嘅野，就係帶我去一次間中學俾我認下路
我小學一年班由家長帶我番過三次學之後，自始就自己坐車番學，個個小朋友由大人接送揹書包果陣，我已經自己手握一串鎖匙自己揹書包執書包抄手冊對功課
再加上我由小學四五年班開始已經識代家長簽名，所以回條通告一手包辦，除左要交錢俾學校我要靠父母之外，基本上唔洗佢地理我讀書嘅野

所以我好多時見住啲精靈嘅小朋友，佢地父母幫佢地做好多野好保護，我心諗到底係對父母弱智，定係當自己個細路係白痴，明明小朋友嘅可能無限大，但係啲大人就好鐘意插手包辦晒啲野

我諗我同你既分別只係我屋企人無用錢解決我問題呢個習慣 其他都好似
坐埋一邊唔出聲 睇啲大人做咩 從未試過扭計要任何野

今年又黎