【海洋生物】深海世界(多圖慎入)

如果冇記錯 睇紀錄片話好撚長觸手果隻squid 係靠執海底啲腐爛野黎食 佢地個主體主要用黎平移同埋郁得好慢 等睇樓主補充/推翻

隻鯊魚點樣由abyss上返淺水水域

想問如果一個人瞬間移動咗落萬米深海會點？係咪會等比例縮細做哈比人？

會死左先

會即時粉身碎骨

屎呀 腸呀 必曬出來
七吼流血
眼珠都飛埋出來

想知5000米更深

推

聽日再答 好累今日

仆街你突然講講下出海綿寶寶黎結尾抵你沉落深海

BTW條魚好正

推

好正 好想再知多啲關於深海既野
g持樓主

Lm

隻鯊魚點樣由abyss上返淺水水域

鯊魚嘅swimming bladder入面最要係油唔係氣體，所以基本上可以隨意來回唔同深度，好似greenland shark咁可以有水面多2千幾米都有記錄

呢隻cute幾多

超得意呀

八爪魚真係最神奇既海洋生物

依家有發現一個八爪魚既"社區"
簡單地講就係，八爪魚一直被視為"獨居"生物，但依家發現到有一個地方有好多八爪魚住係一齊，每隻都有自己"屋企"

巴打有冇完post 或者 journal 嘅 link?

去到呢度，我再講一講深海魚啦

黑色吞噬者(Black Swallower)


呢條魚最大特徵係佢有好大既肚，如圖所見，什至大過自己成身。由於深海得好少食物，佢地要見到咩就食咩，而且要食一餐頂成日/幾日咁樣。大肚令佢地可以儲存更多食物，同埋食到大既獵物

Humpback Anglerfish同時有呢個特徵，而且有燈籠可以引獵物過黎。大多深海鮟鱇魚都係居於Bathypelagic



Snailfish/Liparid fish


呢種魚有啫喱狀既肉，而且好軟。條尾呈線形，居於Abyssopelagic既海底。

Cookiecutter Shark

居於Abyssopelagic海底，但夜晚會上番淺水層。身上有生物光，而且有大眼。生物光係肚皮果度，用作擾亂自己正下方既小動物。咩都會食同咬，什至會以寄生方式咬住大魚。

Tripodfish



果三隻腳有感覺，可以感覺到係海底下既食物/底棲生物。佢地居於Abyssopelagic，見到捕食者時，三隻腳係可以收起游水著草。

Dumbo octopus

同普通章魚唔同，佢地會用頭上果對"鰭"黎游水。有時都會係水底用腳行，搵野食。

tripod fish 唔係應該生活喺abyssal plain嫁咩？

海床主要應該係用 side scan sonar 同 multibeam 嚟研究，所以慢過衛星好多

tripod fish 唔係應該生活喺abyssal plain嫁咩？

我想講個深度姐

同埋八爪魚個link你google "Octlantis"就會有，journal好似未publish

如果冇記錯 睇紀錄片話好撚長觸手果隻squid 係靠執海底啲腐爛野黎食 佢地個主體主要用黎平移同埋郁得好慢 等睇樓主補充/推翻

Squid(魷魚)既最大特徵就係兩條觸手(tentacle)。
由於深海好少食物所以基本上好多動物都會見到咩就食咩。
深海好少食物+水壓大，所以好多生物都會隨水而去，郁得好少好少。

去到最底真係有海綿寶寶

好好睇啊 遲d講下雞泡魚得唔得

毒男淺談魚類個post有講過下雞泡魚架，可以去睇下

深海傳說生物

由古時到依家，深海一直好神祕，而且比人好多聯想。就係因為太過神祕，有好多傳說衍生左出黎。

Kraken


Kraken係一隻同大魷魚/章魚相似既怪物。由於係"怪物"，所以大家唔好再問究竟佢係章魚定魷魚喇。佢既名最早出現於12-13世紀一個船員既日記，名為Hafgufa(海霧)當中所講既kraken描述局限於佢地既性格(專食船同人)同size(大到成個島咁，個口大過隻船)。去到17xx年，有位生物學家將佢定位做"頭足類(Cephalopod)"同命名singulare monstrum，意思係"獨特的怪獸"，因為佢自己無見過。呢個傳說同官方命名一直受質疑，Dane Erik Pontoppitan呢位巴打於1752年提出Kraken係存在既，並以船員既口頭講述(已宣誓)作為理據去論述。佢話Kraken係海底住，啲魚會聚居係佢身旁比佢食。漁夫就係因為捉左佢啲魚，所以先會比佢吞。

到今時今日，當我地發現到有大魷魚既存在後，無咩人再追尋呢個"傳說"

Cthulhu


Cthulhu係一隻已經唔係傳說，再係真係吹出黎既存在。由H.P. Lovecraft於1928年既其中一個恐怖故首次出現。佢有章魚頭同龍既身體，被視為神靈/海底皇國既統治者等。儘管係比人吹出黎，有地方當佢神咁拜。佢同時被指係我地去到海中心，腳"店"唔到地既時候心入面有不安感既始作俑者。

Sea Serpent

又被稱為海龍，係一隻被指為大型恐龍/爬蟲類動物樣既生物。比起Kraken，有更多既聲稱目擊次數，超過1千次。但大部份都比後世人推翻，當中涉及既海洋生物上至鯨魚下至Salp(見下圖)都有。可見當時啲人真係吹得就吹。

海龍係歷史上既出現好似綠葉咁，用黎襯托神靈既力量。例如1028年挪威，當時既皇帝Olaf就被人吹話殺過海龍並dum條屍落山。所以海龍係挪威夜化入面有好大影響，例如賽爾尤爾既徽章就係一條海龍。

隻鯊魚點樣由abyss上返淺水水域

鯊魚嘅swimming bladder入面最要係油唔係氣體，所以基本上可以隨意來回唔同深度，好似greenland shark咁可以有水面多2千幾米都有記錄

咁水壓咁大改變都可以短時間適應到，佢地又要唔係好水

隻鯊魚點樣由abyss上返淺水水域

鯊魚嘅swimming bladder入面最要係油唔係氣體，所以基本上可以隨意來回唔同深度，好似greenland shark咁可以有水面多2千幾米都有記錄

咁水壓咁大改變都可以短時間適應到，佢地又要唔係好水

我覺得抹香鯨同柯氏喙鯨都好勁 返唔切上水就死得

樓主會唔會講下兩棲類
成日覺得佢係一種水棲演化到變陸棲生物既過渡。同埋有冇啲咩古代青蛙演化成完全陸棲物種既生物，蠑螈就聽得多，青蛙會變咩

海綿寶寶完全破壞左成個正經post

隻鯊魚點樣由abyss上返淺水水域

鯊魚嘅swimming bladder入面最要係油唔係氣體，所以基本上可以隨意來回唔同深度，好似greenland shark咁可以有水面多2千幾米都有記錄

咁水壓咁大改變都可以短時間適應到，佢地又要唔係好水

我覺得抹香鯨同柯氏喙鯨都好勁 返唔切上水就死得

每次都係玩命

海綿寶寶完全破壞左成個正經post

Sorry囉