我地係一班無人問津的電競選手

電競係點就唔評論
但叫人轉game既 唔撚通 打網球打壁球冷門呀 轉去踢波打籃球啦 on99

有實力先好玩啦
鍾仔之前都講
好多人以為電競係讀唔成書出路
根本果堆人好多都唔知自己讀書廢, 打機又廢

自己仆街唔緊要
連登好多小朋友，唔好教壞細路
搞到佢地而家都日日都發夢做選手

我覺得講呢d哂氣，運動 音樂 作家都搵唔到錢又教壞細路 ，咁都教壞得本身都智力有問題 教黎都哂氣

支持樓主，我以前都有去追過自己既夢想，可惜一來自己唔爭氣，二來際遇始終唔夠好，三來香港呢樣野唔好話發圍，係絕大部份人既印象都好差。

我既理想係街舞…

當年中學雞果時矢志要跳出香港，但問題就黎喇，香港跳舞圈子本身已經好有問題，一來大家唔團結，二來只要是旦有一個出名少少既人唔鐘意你，就可以唱到你無人理…

特別係我呢種興趣，我見過個隊友甩臼，亦都有朋友傷一次以後跳唔到，而我自己都傷過一次好嚴重，一次差少少令我以後都要坐輪椅既意外。

因為我跳既時候，連Youtube教學片都未有。再嚴格少少講，只係一個口耳相傳連正規練習系統都無既年代

我明一定會有人話讀唔成書走去學人做MK仔跳舞，唔好意思，至少係CE之前我成績都係全級頭10，但果時對於我黎講，讀書都唔見得搵到幾多錢，叫我打份牛工，為三餐勞碌，有夢但係得個想字既人生，唔係我想要既生活。

所以我故意亂考CE等屋企人以為我讀唔成書…
我雖然唔後悔跳舞，但我幾後悔我當時呢個幼稚既決定

咁多年黎，我都知我一同人講我跳街舞，好多人第一反應就係覺得我MK，覺得我扮野，以前我對呢Ｄ評價好反感，但聽左成十幾年，你唔厭我都厭喇係咪？正如打LOL你身邊永遠都有好多覺得自己應該係鑽石以上既銅學係度。

過左咁多年，原本既努力同決心唔只實現唔到，仲好多時都係因為自己既幼稚搞到好多事都胎死腹中，最後到我自己練到有實力果時，我只係一個人係度練，唔同人交流，都唔想再同人交流，直至自己連熱誠都無埋。

結果呢？好唔好彩我因為一D意外又傷到對腳，幾年黎都跳唔到，然後依家只係變成為興趣出黎跳下，順便當減下肥。當初既決心？算喇，都就黎三十歲人唔係唔想做，係知道自己已經無咁既能力去做，而且都知道自己唔會再係成功果個…不過我都唔想放棄呢樣野，因為我鍾意左呢樣野咁多年都無變過。

講左咁多野，我都只係想講一句，無論你既理想同夢想係點都好，可以實現同奮鬥到既時間一定要令自己唔好後悔，放唔放棄其他野我比唔到一個完美既答案比你，因為我正正係一個放棄晒所有野去做，但唔好話香港，係連自己圈子都唔比機會我既例子。

但如果你問我有無後悔為呢個理想去堅持過？我一定會答後悔，我後悔自己定力唔夠努力唔夠而且唔識做人，去得唔夠盡。

就好似狂舞派既一句說話：為左夢想，你可以去得幾盡？

畢竟每個人對成功既價值觀都唔同，有人覺得搵唔到錢就係廢人，有人覺得不務正業既係廢人，當然我同樣都可以話呢Ｄ人為左錢成為無夢想既人好可悲。

雖然依家無論夢想又好事實又好我都唔係大眾眼中既成功人士，但我曾經令自己既人生閃耀過，我欣賞咁樣既自己咪得囉係咪？

Oba點解你咁黑 做救生員？
Btw 主播區kidstar有無去講


利申 有睇你twitch.... 比賽直播有睇港區同今次

R6普及性係差D，至少係香港黎講

唔小心見到個post
再唔小心捱夜睇哂你地第一個Map 聽日繼續睇
好精彩啊 連我未接觸過R6都睇到超緊張
其實我都係第一次睇電競，唔覺得R6真係咁差，
LOL真係從來都冇興趣㩒嚟睇
支持UM你地繼續啊
睇另一個post話有成員退出，希望唔係真

電莖
電到jj爛

有心有料電莖返大陸好過 香港冇人投資 市場細

仲要睇過氣showgirl同堆兵，達人san 臉色

傳聞ttv早上直播班友都怕左佢地唔敢一邊打機一邊睇片

頭已側

支持巴打,我都想有途徑話俾人知電競係乜

成日俾人話咁鍾意打機又咁叻去比賽啦
我想講真係比賽做選手就唔係玩玩下咁簡單

不過係香港搞電競一定無咁順風順水(做選手又好/做搞手又好)
比賽輸贏唔重要,但千祈唔好放棄夢想

唔小心見到個post
再唔小心捱夜睇哂你地第一個Map 聽日繼續睇
好精彩啊 連我未接觸過R6都睇到超緊張
其實我都係第一次睇電競，唔覺得R6真係咁差，
LOL真係從來都冇興趣㩒嚟睇
支持UM你地繼續啊
睇另一個post話有成員退出，希望唔係真

本來想退出既係我，但我去完發覺自己仲可以既，人地韓國隊26,27仲打緊既時候，自己如果仲有興趣既，點解唔打落去，所以就打得一年得一年，反正2-3年後，自己咪又係要做打工仔，但起碼你曾經不同於別人

Day3:

第三日亦係比賽日既開始，我地隊就最後一場先打

Morning


會場現場，第一場成9點半開始，好早 ，所以人都比較少


午餐TIME，餐餐都係包



澳洲都唔少華人，ADMIN 同 澳洲隊MF LUSTY 合照



等左好耐到我地個場



我地既對手係韓國隊，韓國隊係所有隊伍眼中既強敵，
我地亦都係咁諗，所以盡力而為，
以前係練習賽WIN過佢地，
可以話係一支強心針。

第一局領事館，最緊湊既MAP，
亦係我地勝出既一張MAP，各人既配合，
戰術上既優勢，令我地先下一城。



第二局OREGON，本身係我地最拿手既MAP，
但戰術被對面睇穿，因為以前打得太多依個地圖，
節奏亦亂左比人直落一局。



第三局BORDER，亦不幸地比對方拿下
大分 1-2 輸比韓國隊



握手時候，發生左件好笑事。小弟被韓國ENVYTAYLOR抱起



識英雄重英雄

我地隊因為有隊員比較忙，對比其他隊相對少一齊練習，
拿到依個成績已經超出預期，但我就唔開心左成晚。
因為果日自己既狀態實在比平時差

官方提供既晚餐



返到去酒店，我地去左同新加坡隊一齊晚餐。
同為SEA既代表，大家都飲恨出局
今餐可謂係眼淚晚宴
不過食物質素都好好，
仲要等位既時候，侍應講笑咁講"屌你地，叫你地打黎先嗎"
原來佢係香港人黎，外地聽到自己語言零舍親切





第三日完

推

繼續

加油樓主

默默喺fb 比左like你地

難得香港補team打r6真係好正

屌,打呢隻19 game 有咩用
比我係都試下pubg

仲有冇

支持你地