有人話唔出去打比賽,升唔到排名積分,攞唔到經驗。
如果想加人工,一係入到本地排名頭四,一係世界排名入到頭32—>可以打亞運亞錦賽世錦賽
而家嘅本地排名係計埋國際賽嘅成績,但一定要入到正賽至得。
而劍擊國際賽要入正賽都唔係好容易嘅事,有啲全職運動員可能講緊一兩年都冇入過/從來都冇入過正賽。
基本上平時出10至12個,可能得兩三個入到,最多好似試過六個入到正賽,入到已經好好。
當然唔出就一定入唔到,出咗都未必入到,我諗大家出去比賽都係搏個機會啦
其實唔係真係咁容易話一出去比賽就可以賺到積分可以升到排名