出DLC or 課金內容值唔值係一件事,但我其實係講緊啲所謂的傳統玩家要求既係遊戲公司由正式發售個刻,就要一個價錢包哂遊戲本體,後續更新/fix bug,自願新增內容。
點解而家成日都有所謂的豪華版 or DLC更新,咪就係啲玩家唔願意付出更多金錢去買本體,變相廠商要逼人買DLC先有錢做落去,呢樣又間接令廠商一開始發售時就收埋部分內容,轉化成DLC發售 or 後加,變相又好似搵玩家笨,導致玩家等二手、特價同gamepass,根本遊戲廠商同所謂的傳統玩家整左個惡性循環出黎。
而手機驚個種免費本體+預制更新去吸引玩家自願付費,明明係一個好既循環同生態,但好明顯有啲人就係唔想俾錢/剩係想俾少少錢,就要keep住有無限咁多的新娛樂,就算係1000蚊一隻驚,如果佢係俾到~50小時既開心你,都唔貴啦,除番開咪又係廿蚊1粒鐘,把口就話呢樣唔值個樣呃錢,講到尾咪就係唔想俾錢又要享受多多lo
仲未計手機驚玩家心態同傳統玩家根本唔同,或者叫易serve,起碼佢地覺得俾完錢係有開心到就OK。而啲傳統玩家就要講埋啲CP值,綜合哂成隻驚既所有野,再加埋自己主觀感受去判斷隻驚值唔值得俾錢,咁既客群再加上開發遊戲既成本同風險,邊有可能會好似以前咁整到足夠數量既好game,只有以前資訊唔流通先行得通個套。
玩家土壤同遊戲廠商兩者係相輔相成,就算無LGBT,個圈子遲早都係越縮越細
![](https://cdn.lihkg.com/assets/faces/dragon/happy.gif)