今日抽左時間睇左查無此人
真係唔識點形容呢套野
(劇透)
成套戲就係講偷資料偷身份去做殼玩金融
靠劏房無入數紀錄兼用wifi hack人手機偷人資料
另一邊就色誘大粒佬偷contact賣資料
賣資料賣人頭
偷完滅口用寵物善終服務火化
集團式行動
(酒吧妹阿青、剁肉阿婆、個老闆娘、神棍、獸醫/假業主、金融老細、打手KB、啞仔)
因為女主les底同學生amber有爭執意外害死佢,搞到有精神病又交換身份,令到單命案d資料錯配哂
差佬上到去個集團已經人去樓空,淨返女主呢個痴線婆周圍同人講真相都無人信佢
結果走甩哂又去原班人馬扮教會再呃過
講到好似咁神通廣大咁
但係好似都幾多犯駁位⋯
獸醫檢查腦貓中毒時洗開左女主check佢寵物晶片,差佬真係無線索跟咩?
直播妹本身都似集團一分子扮fd套女主料,但呃like開直播同女主做愛,個度觀眾唔係可以證明到女主真係有接觸到其他租客?證明佢無講大話?定係班chatroom 觀眾都係假?
通靈妹到底有咩作用,第一次同朋友行街路過見到女主時面都青埋,係閃靈到佢推amber落山定點?
第二次路邊攤俾fd捉佢隻手掂剁肉阿婆個超人公仔,佢又閃靈閃到佢個fd都奶埋野,有個細路玩超人公仔浸落檸檬茶度佢真係吐檸檬出嚟,證明通靈妹係堅,但對劇情有咩意義
成套野,題材好撚過癮,用劏房做陷阱引伸出偷資料偷身份既罪案幾好睇既
但成套野個半鐘唔夠,明明可以玩同解釋既野甚至個佈局交代可以多啲
感覺係一成內容都唔夠,最搶既通靈妹同鬼鬼地既直播妹兩條線不了了之,有種好唔完整既感覺,編劇真係唔多掂
不過演員都算演得幾好,女主交換身份個下好老實講事後再留意先睇到李碧欣同amber互換既端倪,獸醫把聲成個洪度成咁幾陰沉,老闆娘夠淫
張松枝就重要性唔大,純粹路人金主咁