試當真（暫名）| 認真試下．試下認真 | (88) | 拍住先@shootladue （？？？） |

唔想同你計有咩人簽咗有咩人冇簽，總之係試當真成員我睇試當真就梗係想睇返試當真成員就係咁簡單，搵外援唔係問題但你冇理由外援出鏡率遠遠多過試當真成員，你覺得合理？

其實而家所謂既好片都係研討會 口試王呢d清談節目，究竟係唔係變左荼毒室既副 channel ？

當初話好多成員上戲劇訓練班，我想睇下成果師兄又有咩推介？

雪櫃冷笑話集集都係搵嘉賓
師兄又覺得合唔合理？

出鏡率計埋謝票場同GenZ直播
自己人出鏡唔低㗎喎

雪櫃冷笑話都要搬埋出嚟同我拗，其實你係咪唔鍾意睇自己人

由上幾次謝票片豪哥講既嘢估
應該係上幾個星期牙修聲沙個晚
vlog轉live個時有類似講過依家唔追嘢，類似行放養mode
個次已啱啱cut會員，唔知有冇人有睇知道detail

不過之前又話依家轉手俾腎仔搞公司
可能忙DSE電影，依家又好似係牙修run咁
本身之前休漁期就係for整頓，休完無耐依家又休咁

放鬆心態唔做fans做觀眾算
無謂皇帝唔急太監急

覺得試當真算完成咗佢嘅任務
第一代幕前大部份企穩咗陣腳
老闆有更高嘅返追求同發展
又帶到新人入行

既然佢地都move on咗
我地觀眾或者都應該要move on
都慶幸依家youtube多咗好多唔同台睇

例如有咩台睇

仲養緊好多人架
你呢啲忠粉竟然當個台完成歷史任務

咁又唔係話要成個台執咗佢
Keep住依家個規模run都得姐
花草接kol job唔會搵大錢 但都夠留喺呢行
出面有冇機會就睇佢地造化

幕後比起nft嗰陣已經走咗啲人 ern9又走咗

點解可以扭曲到我講嘅說話變成咁？
先講外援嘅問題，好多條都搵咗出邊嘅人，然後你用一條海賊王嘅綜藝嚟同我坳，好唔好睇大家有冇共睹，同以前嘅質素爭咁遠，我期待佢下一次嗰個全員逃走，因為真係幕前成員全部齊晒

再講返近排佢起家嘅係劇場，啲人成日話而家冇咁多人睇劇場
人哋香城映畫都係拍劇場觀看人數一路增加緊，其實唔係個口味問題，係質素問題

如果佢修練一個月拍返今際之國魷魚遊戲咁高質，我即刻收皮
問題唔係呀嘛，你係俾啲校草嘅直播我地睇
啲直播主題又唔好笑又唔吸引自己睇觀看次數就可以唔使喺度同我拗

講咁多嘢都係抒發我嘅感受，你哋可以唔同意
不過佢哋請咁多人原來都係冇用嘅，個腦都係諗唔到好橋


點解佢哋啲人上晒岸就可以離棄我哋班觀眾？我唔係好明呢個邏輯

係咪即係話我而家可以開始期待佢哋開第四個Channel啦
下次嗰個應該真係叫做堅認真，係咪？

呢期真係勁低產希望忙完之後會出番密少少
雖然冇cut會員但已經冇以前追得咁貼
謝票場都已經skip咗幾個

仲未夠 叫埋朱康 岑珈其

比起呢期嘅出片量，我更加想知送院途中幾時有得睇

真係掛住劇場希望只係短期腦閉塞

香城質素係有，但爆view數都係要靠食住啲大熱新聞條水，長遠劇場個cp值真係冇其他片種咁好

暫時做觀眾/fans嘅唔洗咁上心
有片咪睇，冇咪睇住其他先

我相信佢地都係摸緊個發展方向

呢套唔上好過上
上咗盞我地修大哥畀人笑柒

以前星期六好期待個兩個鐘
疫情時期陪伴咗我好多個夜晚
講片內容又有趣
講返各自生活又夠搞笑
唔洗玩game咁多色水
只靠最真誠就夠

信修仔啦

個個話低產其實只係比頭兩年養大曬胃口
睇返其他channel一星期都係出1~2條片only，睇返宜家試當真產量先係正路。
與其拍劇場不如希望Nero得閒就拍返幾套二創片，我殭果陣開左個咁靚既頭，然後又不了了之

其實試當真幕後大過幕前
墨魚 今際跑商場 dse 跟住去邊度 都係靠嘉賓一樣多人讚 可能因為覺得試當真先拍得出

依家口試王研討會有種其他台都拍到甚至會更好睇嘅感覺

50萬人訂閱, 頭10萬可能係豪腎修死忠佢地做咩都冇所謂, 最好佢地紅到執左試當真, 但係後面訂的人係因為試當真先訂, 你而家咁攪觀眾有投訴好撚正常架喎

墨魚今際唔淨係計商場嗰集，其實成員參與度都係好高，幾乎全部出晒，不過講真講試玩毛冇撚用嘅，幾個月先出一集
你講到重點而家啲所謂綜藝根本就冇試當真既獨特性，新一集豪哥仲似嘉賓多啲，條片擺落去荼毒室度出完全冇違和感，如果呢兩個節目要靠嘉賓先有睇頭，咁我覺得作為試當真節目係本質上其實係失敗

但而家係0-1條片我都等左好耐我疆2

咁day1 豪腎修就係sell橋sell腦
再加修嘅商業包裝
到之後加入一姐/Nero/Casper等等
都係劇本主導，呢個都係佢地同其他channel嘅分別

始終覺得試當真嗰種鳩係其他channel俾唔到
例如香城係好睇，啲plot twist都正
但對比試當真啲相對高質劇場片，個人口味都係鐘意試當真多啲（當然中間有唔少不合格作品）

口試王/研討會我又唔覺其他channel拍會更好睇
呢兩個系列我覺得都好表現到試當真嗰種認真地做鳩樣嘅感覺
如果FH/小蕃茄拍，可能都好睇，但一定唔係嗰種feel