問題佢成個記招變成自己個數苦大會咁,又想打人情牌,你又唔係老細,只係旗下一個廠牌話事人,當佢講得通養大咗新牛,問題係你個團本來已經比其他女團揸住一大舊先天資源,自己想中途拉隊走人不逐就發爛渣。
講到啲成員無得做第一出道好傷心,9成都係擺成員上枱,有得出道已經好難得,邊敢嫌棄,何況本來仲係素人一個。
佢話房仔到今日唔睇好新牛,佢雖然係hype話事人,但佢自己都有隊fim,都唔講兩隊本來處於競爭,即係要人哋係自己個女面前稱你個女叻啲,仲要自己個女係野心派
你話今日新牛唔出名,畀fim打壓都可以畀你呻下,今日拎最多獎係你,最多代言又係你,自己講完都唔笑,仲拉櫻采落水,就當fim搶先出道,不嬲老細話個計劃要改就即刻改,第一日打工?
係我角度,新牛妹妹只係變成佢講數嘅籌碼,新牛從來唔係佢一個人嘅功勞,成公司上下嘅職員同妹妹嘅努力,佢依家咁樣隨時講唔掂數,帶唔走人,留低嘅新牛隨時畀人雪藏埋