[歷史台]普魯士之逆襲，德國統一之路

終於到羅斯巴赫

型到

終於追到live

腓德烈無得抖
樓主都無得抖

老婆出黎睇戰神

留名

留名

之但係人地冇野多，就係人多。奧軍趁腓特烈係西南方同法軍打緊嗰時，慢慢佔領西里西亞，搞到腓特烈要即刻集合36000人既軍隊，回軍北上，係羅騰（Leuthen）遇上奧地利66000大軍。


喺開戰之前，腓特烈拖住疲累既身軀，向佢啲將軍訓話：「爾等為榮譽而戰，為妻兒而戰。。。隨朕而戰者，雖戰死沙場，朕可保其妻兒平安；弗戰者朕不挽留，惟他朝兵臨城下時，莫求朕之寬恕。爾等好自為之！」


腓特烈大帝向將領訓話

依場羅騰戰役簡單嚟講，就係聲東擊西，再聲西擊東。普軍前鋒首先進攻奧軍右翼，奪取附近高地。奧軍以為嗰支前鋒係主力部隊，於是集中兵力進攻右翼。喺依個時候，普軍主力先去進攻被抽走兵力既奧軍左翼，搞到奧軍又要調返兵力過嚟。結果右翼再一次俾埋伏既普軍騎兵偷襲。腓特烈仲嫌場面唔夠亂，親自率領騎兵直入奧軍中路，殺佢一個措手不及。奧軍俾佢撚狗咁撚，最尾損失達22000人，而普軍依邊淨係冇咗6382人。腓特烈之後追擊逃軍，包圍布里斯勞，將孤立無援既17000守軍俘虜。普軍係成個羅斯巴赫--羅騰戰役入面，以七千人既代價，殲滅敵軍接近五萬人。

三個字：癡撚鳩線


羅騰戰役形勢圖


普魯士步兵突襲羅騰村

點解腓特烈可以咁屈機？好明顯，單憑軍隊既質素，遠遠唔足以解釋普軍令人難以置信既戰績。腓特烈既強大之處，在於佢唔怕死。佢帶領住既唔淨止係一支軍隊，而係從佢太爺阿Fred開始，到佢老竇「士兵國王」，每一代用心經營既家產，係普魯士一切榮耀同精神既來源，我乜嘢都可以俾你，但係軍隊就一定唔得。據說腓特烈既軍隊入面有商販、理髮師甚至係歌劇隊等，為士兵提供一切所需，儼如一個迷你國家。


佢熱愛佢既國家同軍隊，造就咗佢可以身殉國既勇氣。佢平時著住污污糟糟既軍服，同士兵食同一樣既薯仔，飲同一樣既酒，訓喺同一樣既營帳入面，有好幾次仲要就咁露天訓係長櫈上面。對士兵而言，腓特烈唔單止係佢地既國王，而係佢地既一分子，甚至親切地叫佢做「老腓」(Old Fritz）。佢堂堂一個國王，每次戰鬥都係企係最前線指揮，帶頭衝鋒，喺佢既軍事生涯入面，有八匹座騎就係咁死喺佢腳下。當國王都向前衝時，你有乜理由唔衝？

吊那媽，頂硬上！

啲圖死曬

啲圖死曬

當我冇講過 突然又睇到

Pish

腓帥好英

名主呀

好型

留名

睇到熱血沸騰 好撚正！
樓主講故事既努力 大家有目共睹

腓特烈大帝
https://youtu.be/68AXyjjSf8Y

Live

漢尼拔都係用斜線都係以小勝多
樓主會點比較兩個人?

漢尼拔都係用斜線都係以小勝多
樓主會點比較兩個人?

仲有阿歷山大
3萬打40萬
樓主點評價
馬其頓方陣呢個太屈機就唔好計

讀左4年History (CE + AL) 都冇講普魯士講得咁深入，一路追post 好似一路上緊堂緊，忍不住拎起支筆drop notes ! 以前都好鐘意睇歷史書，畢左畢業咁耐完全無時間睇，好慘！

Support

留名