普軍80000人兵分三路，分別由舒維因、小利奧波德同國王自己帶領，再次進攻波希米亞。佢地淨係用咗一個月時間就攻陷布拉格，然後南下直指維也納。係普魯士既突襲下，奧地利只能夠採取守勢，一邊打消耗戰，一邊重整兵力。奧地利好快就集結咗75000人，交由卡爾洛林親王領軍，向普軍進發。腓特烈考慮到自己太過深入，補給線太長，不利同奧軍作戰，於是作戰略性撤退。但係卡爾洛林親王一早就派兵偷襲普魯士既補給線，切斷糧草供應，令到普軍士兵出現缺糧狀況，逐漸有人頂唔順逃離軍隊，導致戰略性撤退變成大撤退，全軍撤回西里西亞，撤退令普軍損失大約四分一兵力。但係腓特烈索性將計就計，假裝撤出西里西亞首府布里斯勞，引誘奧軍追擊到西里西亞平原上面，然後嚟個回馬槍，突襲奧軍，展開荷亨費里德堡戰役（Battle of Hohenfriedberg）。
普魯士係前一晚靜靜雞向奧軍逼近，為咗唔好令敵軍留意，腓特烈專登叫軍隊唔好撲熄營火，仲叫留守軍營既人刻意唱歌打鼓，掩蓋軍隊行軍所發出既聲音。普軍係凌晨四點發動突襲。中段步兵冒著炮火前進，即使有炮火造成同袍傷亡，仍然穩步向前，一槍不響，直至敵軍進入射程範圍，一聲令下，全軍齊發。據聞係第一排打完第一槍之後，對面已經冧咗一半士兵，完全唔係訓練有素既普軍對手。另一方面，普魯士騎兵經過腓特烈既改善後，衝擊力大增，左翼騎兵係二十分鐘內迅速俘虜敵軍2500人，而自身傷亡只有94人。戰役係清晨九點就已經完結。普軍損失2000人，而奧軍損失11000人，足足成五倍。依次奇襲成為腓特烈軍事生涯既代表作之一。
國內經過依次勝利後，亦開始稱呼佢為腓特烈大帝。要知道，對上一個叫得大帝既德國人，已經係五百前既紅鬍子腓特烈（Friedrich Barbarossa) 。
荷亨費爾堡戰役中的普魯士軍隊，騎馬者為腓特烈大帝
，搞到柏林好近波德邊境。
