[歷史台]普魯士之逆襲，德國統一之路

1001 回覆

970 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

毛豆腐 2016-12-17 12:02:41

Acropolis 2016-12-17 12:25:57

無知一問，點解打極都係十萬八萬人？
一戰二戰好似一打就幾十萬人？
中國古代打都話幾十萬人
歐洲果陣人口好少？

中國古代作者人數你打一折就唔多

agger, 拿破崙之前根本未有足以支撐幾十萬人軍隊既食物保存技術

十七世紀歐洲士兵嘅配給係每日一磅肉（a pound of meat）

但好多時都唔足一磅而家拿破崙戰爭嗰陣有記載，法國將倉庫啲陳年肉乾都拎埋出來，啲肉已經變左黑色保守估計已經有三四十年以上歷史，即係今日講嘅殭屍肉

而家支那呀，都成日食啦，超英超法

拿破崙個陣唔係玩去到邊食到邊咩?

yxxchuxxx 2016-12-17 12:42:39

終於追晒

評已正

夜已深 2016-12-17 13:25:25

留名

JJ30M 2016-12-17 14:19:06

追到live 留名

毛豆腐 2016-12-17 14:27:00

兩場敗仗終於令杜麗莎認命，承認西里西亞係屬於普魯士既。但王位繼承戰爭仲繼續打多三年，直到1748年，參戰國覺得都係時侯唞下，先至簽訂亞琛和約（Treaty of Aix-la-Chapelle)，結束持續九年既戰爭。杜麗莎繼續做佢既奧地利女大公，而神羅皇帝就由佢老公法蘭西斯一世（Franz I）擔任。普魯士憑住佔有西里西亞，正式晉升成為神羅入面僅次於奧地利既第二把交椅。

普魯士獲得西里西亞

腓特烈打咗咁耐仗，係時侯要專注返文治，俾國家恢復返元氣。佢打仗確實係勁，但各位唔好忘記，佢骨子裏係一個文青。叫得做大帝，佢啲藝術作品自然要大啦。佢從西里西亞凱旋歸來冇耐，就著手設計同興建著名既無憂宮（Schloss Sanssouci)，設計抄考凡爾賽宮，最特別既係宮入面有座中國樓，擺放著腓特烈搜羅返嚟既中國絲綢同瓷器。

佢喺依座華麗既宮殿入面，招待咗啟蒙運動先驅，思想泰斗伏爾泰。其實腓特烈係做王儲嗰陣就寫過一啲文章，強調開明統治既重要性，佢見伏爾泰既思想得唔到法國統治者既青睞，人棄我取，於是拿拿臨就邀請佢過嚟指點下自己。順帶一提，當時歐洲既國際語言唔係英文，而係法文，普魯士都係以法文為宮廷語言，而腓特烈自小就對法國文學有濃厚既興趣，所以都想請伏爾泰品評下佢寫既法文詩咁。但係理想主義者伏爾泰喺柏林住咗一排，始終認為腓特烈冇將人民利益擺喺第一位，，搞到兩個成日展開唔愉快既討論，最終不歡而散。

除咗起樓之外，佢大力推動文化教育發展，詳細做法可以參閱特首既政綱，順帶一提，腓特烈係有履行到佢既政綱架。同某啲統治者唔同，佢非常支持民間社評，甚至允許出版諷刺佢既漫畫，自己仲畫埋一份，周不時串下啲外國君主尤其係杜麗莎咁。佢咁開明既態度，令佢獲伏爾泰稱為開明君主制（Enlightened Despotism）既代表。

波茨坦無憂宮

腓特烈大帝（左）與伏爾泰在無憂宮

油麻地軒達臣 2016-12-17 14:51:10

嘩，就快法國大革命喇喎

石田佐吉三成 2016-12-17 14:55:54

嘩，就快法國大革命喇喎

七年戰爭都未到

最愛水樹奈奈 2016-12-17 15:11:02

嘩，就快法國大革命喇喎

七年戰爭都未到

跟住瓜分波蘭
可憐既大波波

NewAge 2016-12-17 15:14:48

佢非常支持民間社評，甚至允許出版諷刺佢既漫畫，自己仲畫埋一份

明君

德國咁強大都係因為出唔小明君

命定論盡 2016-12-17 15:24:40

佢非常支持民間社評，甚至允許出版諷刺佢既漫畫，自己仲畫埋一份

明君德國咁強大都係因為出唔少明君

NewAge 2016-12-17 15:40:21

佢非常支持民間社評，甚至允許出版諷刺佢既漫畫，自己仲畫埋一份

明君德國咁強大都係因為出唔少明君

布諾勞布加拉提 2016-12-17 15:57:52

1X世紀啲歐洲國家成日打仗
國庫條數點平?
年年發國債?
點KEEP到咁多人口仲要有增長?
同埋工業發展?

毛豆腐 2016-12-17 15:58:05

係軍事上，腓特烈係老竇「士兵皇帝」既基礎上進行改革。佢將不定期既國家軍事演習，改為每年一次，每次演習都動員成4萬5萬人，主要目的係演練陣式尤其係斜線陣式。睇返今時今日，美日聯合軍演都係4萬幾人，當時莫講無線電通訊，連有線既都冇，可見腓特烈既軍演有幾大規模。佢將軍隊分成兩邊對打（唔係打真軍），仲專登揀唔同天氣同埋地形做演練，依種玩法可以話係史無前例，有軍事學家甚至認為腓特烈係現代軍演既始創者。

佢明白要令軍隊士氣保持高昂，首先要令士兵對軍人身份有優越感，先會令佢地覺得戰死係一種光榮。佢將軍隊制服整到靚一靚，可以話係全歐洲最型既軍服，同時自己亦成日著住同一款軍服，更加突顯軍人地位超然。順帶一提，普魯士藍嘅名字由來，就係因為依隻藍色係普魯士軍隊既指定用色。無獨有偶，希特拉都係利用型到出汁既納粹軍服嚟吸引人參軍。另外，軍人退役之後，會比較容易入返公私營機構打工食長糧，人工當然非常之高啦。依種優待軍人既政策，又稱為軍國主義，喺香港就變成紀律部隊主義。

十八世紀普魯士軍隊制服

普魯士領袖視察農業發展

香港領袖視察農業發展

布諾勞布加拉提 2016-12-17 15:59:36

佢非常支持民間社評，甚至允許出版諷刺佢既漫畫，自己仲畫埋一份

明君德國咁強大都係因為出唔少明君

明君都要有個好制度

吸引到其他國家專才商賈黎先得
講到尾咪又係發展機遇同公平既制度
好似支那個啲咁就死得

毛豆腐 2016-12-17 16:02:00

普魯士並唔係從此就國泰民安落去。一場極為殘酷戰爭正係度等待腓特烈，依場戰爭將會搞到腓特烈來回地獄又折返人間，最後升上神位。

依一章係咁多，敬請期待下一章

布諾勞布加拉提 2016-12-17 16:06:32

係軍事上，腓特烈係老竇「士兵皇帝」既基礎上進行改革。佢將不定期既國家軍事演習，改為每年一次，每次演習都動員成4萬5萬人，主要目的係演練陣式尤其係斜線陣式。睇返今時今日，美日聯合軍演都係4萬幾人，當時莫講無線電通訊，連有線既都冇，可見腓特烈既軍演有幾大規模。佢將軍隊分成兩邊對打（唔係打真軍），仲專登揀唔同天氣同埋地形做演練，依種玩法可以話係史無前例，有軍事學家甚至認為腓特烈係現代軍演既始創者。

佢明白要令軍隊士氣保持高昂，首先要令士兵對軍人身份有優越感，先會令佢地覺得戰死係一種光榮。佢將軍隊制服整到靚一靚，可以話係全歐洲最型既軍服，同時自己亦成日著住同一款軍服，更加突顯軍人地位超然。順帶一提，普魯士藍嘅名字由來，就係因為依隻藍色係普魯士軍隊既指定用色。無獨有偶，希特拉都係利用型到出汁既納粹軍服嚟吸引人參軍。另外，軍人退役之後，會比較容易入返公私營機構打工食長糧，人工當然非常之高啦。依種優待軍人既政策，又稱為軍國主義，喺香港就變成紀律部隊主義。

其實現代打仗咁多人都冇意思
古代就話要拎啲人黎做佔領
現代打仗完任為先

棕髮少女 2016-12-17 16:08:10