腓特烈連唞下既時間都冇，就遭到法奧俄聯軍既包圍，被三國聯軍逼到不斷後退。好彩普魯士唔係淨係得腓特烈一個打得，係普魯士大本營既列華爾德同埋費迪南親王，憑著小量軍隊，分別擋住咗東線既俄軍同西線既法軍。但係腓特烈仍然需要面對嚟自南面既法軍同埋神羅諸侯聯軍，雙方係羅斯巴赫相遇，展開著名既羅斯巴赫會戰（Battle of Rossbach）。
依一戰係腓特烈首次面對所向披靡既法國雄師，戰前普軍只有22000人，而敵軍有成54000人，數量足足係佢兩倍有多。依場仗一輸，普軍就會被敵軍包圍吞噬，所以腓特烈今次確係背水一戰。
聯軍見己方人數佔優，於是發動進攻。腓特烈少有地採取守勢，排出殺手鐧－－斜線陣式。普軍左翼先佯裝撤退，引誘聯軍深入普軍設下既陷阱。同時將兵力集中喺受小山丘掩護既右翼。腓特烈首先派出前鋒騎兵，擊潰聯軍先鋒，同時分散聯軍注意力，前鋒襲擊成功後進行回縮，吸引聯軍主力部隊。依個時候，埋伏緊既右翼完成旋轉，包抄突襲深入敵陣既聯軍。同時，前鋒騎兵兜到敵後，嚟一個千年殺，令到聯軍陣腳大亂，潰不成軍。戰鬥統計，聯軍損失10000人，普軍損失558人。
係，558人，仲少過689。
你話葉問一個打十個好勁？介紹番，人地腓特烈一個打十八個。羅斯巴赫大戰成為腓特烈軍事生涯既巔峰，令佢躍升成為戰神級別。美國既西點軍校對依場勝仗推崇備至，仲係學校博物館入面擺放咗模擬依場戰役既沙盤。戰役既另一個結果，係法國從此失去作戰既熱枕，再冇辦法威脅到普魯士軍隊。
羅斯巴赫會戰形勢圖
羅斯巴赫勝仗後的腓特烈大帝
你地有無睇過膠登個蘿蔔絲脾耳講西史
