[歷史台]普魯士之逆襲，德國統一之路

神聖羅馬帝國
一不神聖
二不羅馬
成班北方蠻族係到打飛機
吹到啤一聲

其實個局勢有少少似戰國時期
名義共主+強橫諸侯
大家當想爭個正名去稱霸
之後再一統
分久必合
所以就有普魯士了

Prussia revolution?
果時西史日日講但全雞腸完全唔柒識

個人黎講真係好鍾意德意志，感謝樓主比個機會學下野。

留名

雖然勃蘭登堡得到普魯士後國力大增，但距離統一神聖羅馬帝國，仍然有一大段距離。首先，佢唔係帝國皇帝，當時既皇帝就係以巨根橫行歐陸既奧地利，而佢只係選帝候之一，而且二百年嚟，大家都默認咗奧地利大公會自動當選皇帝，小圈子加上欽點，選帝候既含金量自然大打折扣。係古代歐洲既食物鏈中，銜頭至為重要，代表咗榮譽同埋正統性，例如帝國(Empire)名銜，除咗羅馬帝國用過之外，其他國家都唔夠膽用，亦都受唔起，因為用咗會成為眾矢之的；至於神羅，由於佢實際上唔係一個國家，所以大家都WFC;而神羅帝國之名只係自稱，其他國家通常會稱呼神羅皇帝做「德國人的國王」(King of Germans)。之後既故事，有唔少都係同銜頭有關。


即使好似奧地利咁樣做咗神羅皇帝，統一之路依然係十分艱難。首先，皇帝之位名過其實，要馴服各個邦國，除咗所謂正統性之外，軍事實力都非常重要，但奧地利既軍事實力仲未強到可以征服成個帝國；第二，周邊既大國尤其係法國，唔想隔離多咗個強大既德國威脅自己，當然會設法阻撓；第三，奧地利當時掛住對付東南方既鄂圖曼帝國，以及征服隔離既匈牙利，根本冇時間理帝國內部既事務。


既然從公爵之位登上皇帝寶座遙不可及，不如粗粗地試下做住國王先啦。。。Sorry，係諸侯之中，只有波希米亞（捷克前身）能夠擁有王國銜頭，係源於一位皇帝為咗答謝波希米亞大公係選舉既支持，所以封佢為國王。依個孤例重要係幾百年前嘅事。更攞命既係，其實波希米亞一早就俾奧地利大公聯合統治咗，問題又返到奧地利到，而自己實力又遠遠唔夠人打。因此，勃蘭登堡除咗打下啲小國外，就只有等待。


等下等下又到咗十七世紀中期，腓特烈．威廉(Frederick William, the Great Elector)上台。佢係普魯士歷史上，第一位稱得上係Great既君主。既然咁Great，小弟就叫佢阿Fred啦。

其實，腓特烈係普魯士王室既家俊，阿fred老竇同個仔都係叫腓特烈，子子孫孫都叫依個名，小弟冇理由個個都叫佢腓特烈架？有資格俾小弟叫做腓特烈既人，而家仲係一條精蟲。

屌Friedrich個系譜次次睇完都唔會記得
個撚個都係friedrich同friedrich weiheim

留名

留名

留名

正

留名

神聖羅馬帝國
一不神聖
二不羅馬
成班北方蠻族係到打飛機
吹到啤一聲

其實神羅開國皇帝奧托一世（Otto I）又真係勁到統一德國荷蘭，仲打埋羅馬返嚟。不過佢一死，啲諸侯又出返晒出嚟姐

伏爾泰講過 神聖羅馬帝國既唔神聖又唔羅馬更加唔係帝國

留名等睇樓主講七年戰爭 普魯士無雙傳 人口比例1:20

歐陸風雲

德意志統一係成個高考課程近代西史最好j一段

留名睇鐵血首相俾斯麥

正皮>睇文>f5

留名學野

樓主加油

阿Fred上台第一件事，就係要搞好國家內政。話說冇幾耐之前，神聖羅馬帝國開始咗一場大戰，戰爭主要係由帝國內天主教國家同新教國家既衝突演變而成，由奧地利西班牙率領天主教同盟，對戰包括勃蘭登堡-普魯士同瑞典在內既新教同盟。以法國依個天主教國家，因為係奧地利宿敵，而企係新教同盟嗰邊。同時，當時被西班牙統治既荷蘭亦乘機宣佈獨立，令戰局更加混亂。場仗一打就打咗三十年，所以又名三十年戰爭（Thirty Years’ War)。


漫長既戰爭令到各個邦國都遭受到嚴重破壞，係勃蘭登堡-普魯士尤其嚴重，去到戰爭後期阿Fred上台既1640年，成個國家得返60萬人，人口仲少過沙田；士兵得返約2500個。因此，勃蘭登堡-普魯士當時被戲稱為 Sandbox of Europe，即係林。。。廢柴。


阿Fred意識到，國家強大嘅第一步，係軍隊。首先，作為新教徒，佢歡迎外地既新教徒難民加入國家，充實人口同軍隊。第二，佢亦知道愛既偉大，於是佢娶咗當時贏到開巷既荷蘭總督（實際上既荷蘭國王）嗰女，鞏固普荷兩國友誼。到咗1648年戰爭結束，西伐利亞和約（Peace of Westphalia) 簽訂，神羅皇帝承認新教係帝國既合法性，勃蘭登堡-普魯士作為戰勝國既親家而獲得大量領土。同時軍隊亦增加到8000人。依8000精兵，就係日後威震天下既普魯士陸軍既元祖。


為咗更加提升國家既軍事實力，佢成立咗常備軍。原來係當時既神羅，募兵主要係依靠貴族或者騎士階級執行，而且召集返嚟既士兵，只會係戰爭時期先拎起支槍；係和平時期會攞返鋤頭耕田。阿Fred實行自己軍隊自己招，募兵由國家執行，軍費由國家繳付，而士兵只有兩項工作--打仗同準備打仗，成為全職軍人。常備軍既設立，算係走係潮流既尖端既尖端。佢嘅募兵制改革亦都收到唔錯既成效--去到1688年，國家常備軍規模已經有30000人，而且戰鬥力卓越，並絕對效忠大公而唔係貴族。



偉大的選帝侯，腓特烈．威廉

留名

阿Fred磨好咗刀，自然就要俾把刀見一見血。而第一滴血，就係來自佢既好鄰居波蘭。當時普魯士公國仍然係臣服於波蘭之下，阿Fred當然唔想寄人籬下，咁啱係1656年，當時既歐洲霸主瑞典入侵波蘭（宜家傢俬勁，以前打仗都好勁），第二次北方大戰（Second Northern War) 開始。阿Fred見到機會到嚟，就加入瑞典陣營。係華沙之戰入面，普瑞聯軍以少勝多，令到國際對勃蘭登堡-普魯士刮目相看，依一仗是為近代普魯士軍事歷史既開端。隨著波蘭節節敗退，瑞典距離勝利越嚟越近，瑞典既世仇丹麥、俄國等決定加入波蘭陣營。眼見敵人忽然增多，阿Fred就怯啦，畢竟佢軍隊初創，實在輸唔起。於是佢拋棄瑞典，拿拿臨同波蘭議和，使波蘭承認普魯士公國為主權國家。


作為佢背信棄義既報復，瑞典係1674年趁勃蘭登堡-普魯士捲入法荷戰爭，後方空虛之際，入侵勃蘭登堡並佔領大片領土。阿Fred見狀即刻班師，淨係帶住6000騎兵加上少量承載火槍兵既馬車，火速回國。憑著部隊優良既機動性，以及封鎖河道關口既策略，阿Fred將瑞典軍隊圍死係費爾貝林（Fehrbellin)，並取得關鍵勝利。之後丹麥乘機向瑞典宣戰，逼使瑞典撤出勃蘭登堡，戰爭既勝利，代表著瑞典不敗神話既終結，亦令到阿Fred獲得「偉大的選帝侯」既稱呼，而費爾貝林戰役既日子－－6月18日，成為咗日後德意志帝國既慶祝節日。



費爾貝林會戰中的腓特烈．威廉

LM