今次真係要走啦，所以特登同大家講聲拜拜，正式告別連登車區
回想起當年上高登車區，已經係十幾年前嘅事
嗰陣仲係中學生，仲係上高登會好怕比人知，因為上高登係一件好毒嘅事
入咗高登車區，日日上嚟吹水，高登/連登車區咁就伴隨我成長
咁就十幾年，原來時間係可以過得咁快，都唔等人嘅
係車區最難忘係當年一齊追世三轉會消息
通宵唔瞓，係咁F5睇有冇最新消息
當年世三自己係Twttier官宣，好記得係凌晨兩三點
當時真係好興奮，即刻瞓唔著
之後都係車區經歷過好多大大小小嘅事
去到後期生活壓力大，上嚟車區根本就係搵交嗌發洩
其實想退出車區都唔係最近嘅事
之前見到你哋駡戰，我就突然心諗，其實啲駡戰都幾無謂
深一層再諗，其實自己都唔想再花咁多時間係車區討論
老實說，以我以往嘅投入程度，都真係幾浪費時間
所以就算當時Caicedo無加盟到，我之後都會搵機會退出
我依家得閒都會有睇吓車區，但真係無花咁多時間了
原來要告別一個日日都流連，維持咗十幾年嘅地方都真係唔容易
我深信今季同未來車仔會愈來愈好
亦祝福咁多位同我係車區傾過計、互駡過嘅咁多位車迷前程似錦
多謝大家十幾年嘅陪伴
火囝
？